ISL 2020-21 | തുടർ തോൽവികൾക്കൊടുവിൽ ബംഗളുരുവിന് സമനില

പനാജി: ഇന്ത്യൻ സൂപ്പർ ലീഗിൽ തുടർച്ചയായ തോൽവികൾക്കൊടുവിൽ സമനിലയുമായി മാനംകാത്ത് ബംഗളുരു എഫ്.സി. നോ​ര്‍​ത്ത് ഈ​സ്റ്റ് യു​ണൈ​റ്റ​ഡി​നെ 1-1 എന്ന സ്കോറിനാണ് ബംഗളുരു എഫ്.സി തളച്ചത്. ഈ സമനിലയോടെ ബം​ഗ​ളൂ​രുവിന് ഒരു പോയിന്‍റ് ലഭിച്ചു.

27-ാം മി​നി​റ്റി​ല്‍ ലൂ​യി​സ് മ​ച്ചാ​ഡോ​യി​ലൂ​ടെ മു​ന്നി​ല്‍​ക​ട​ന്ന നോ​ര്‍​ത്ത് ഈ​സ്റ്റി​നെ 49-ാം മി​നി​റ്റി​ല്‍ രാ​ഹു​ല്‍ ബെ​ക്കെ​യി​ലൂ​ടെ​യാ​ണ് ബം​ഗ​ളൂ​രു സ​മ​നി​ല​യി​ല്‍ പി​ടി​ച്ച​ത്. തു​ട​ര്‍​ച്ച​യാ​യ നാ​ല് തോ​ല്‍​വി​ക്കു​ശേ​ഷ​മാ​ണ് ബം​ഗ​ളൂ​രു ഒരു സമനില നേടുന്നത്.

ഇന്ന് ബെംഗളൂരുവിനെ പരാജയത്തില്‍ നിന്ന് രക്ഷിച്ചത് നോര്‍ത്ത് ഈസ്റ്റ് ഗോള്‍ കീപ്പറുടെ ഒരു പിഴവ് ആണ്. തുടക്കത്തില്‍ മക്കേഡോയുടെ ഗോളിലൂടെ നോര്‍ത്ത് ഈസ്റ്റ് ആണ് ലീഡ് എടുത്തത്. ഗയേഹോയുടെ ഷോട്ടിന് വേണ്ടിയുള്ള ശ്രമം മക്കേഡോയ്ക്ക് മുന്നില്‍ പാസായി എത്തിയപ്പോൾ അദ്ദേഹം അനായാസം പന്ത് വലയില്‍ എത്തിച്ചു.

രണ്ടാം പകുതിയുടെ തുടക്കത്തില്‍ ആണ് ബെംഗളൂരുവിന്റെ ഗോള്‍ വന്നത്. രാഹുല്‍ ബെഹ്കെയുടെ ഒരു ഗോള്‍ ശ്രമം എളുപ്പത്തില്‍ നോര്‍ത്ത് ഈസ്റ്റ് കീപ്പര്‍ ഗുര്‍മീതിന് തടയാമായിരുന്നു. എന്നാല്‍ താരത്തിന് പിഴക്കുകയും പന്ത് വലയില്‍ ആവുകയും ചെയ്തു. ഗുർമീതിന്‍റെ പിഴവ് ഇല്ലായിരുന്നെങ്കിൽ മത്സര ഫലം മറ്റൊന്നാകുമായിരുന്നു.

Also Read- ISL 2020-21 | അടി തിരിച്ചടി; ഈസ്റ്റ് ബംഗാളിനെ തളച്ച് എഫ്.സി ഗോവ

ഈ​സ്റ്റ് ബം​ഗാ​ളി​നോ​ട് 1-0ന് ​ബം​ഗ​ളൂ​രു ക​ഴി​ഞ്ഞ മ​ത്സ​ര​ത്തി​ല്‍ തോറ്റി​രു​ന്നു. നോ​ര്‍​ത്ത് ഈ​സ്റ്റ് തു​ട​ര്‍​ച്ച​യാ​യ ര​ണ്ട് തോ​ല്‍​വി​ക്കു​ശേ​ഷ​മാ​ണ് സ​മ​നി​ല നേ​ടു​ന്ന​ത്. 11 മ​ത്സ​ര​ങ്ങ​ള്‍ പൂ​ര്‍​ത്തി​യാ​ക്കി​യ ബം​ഗ​ളൂ​രു 13 പോ​യി​ന്‍റു​മാ​യി ആ​റാ​മ​താ​ണ്. 12 പോ​യി​ന്‍റു​മാ​യി നോ​ര്‍​ത്ത് ഈ​സ്റ്റ് ഏ​ഴാം സ്ഥാ​ന​ത്താണ്.