പുതുവർഷത്തിൽ വമ്പൻ തിരിച്ചുവരവ് നടത്തി ബ്ലാസ്റ്റേഴ്സ്; ഹൈദരാബാദ് എഫ്.സിയെ 5-1ന് തകർത്തു

ഇരട്ട ഗോളുമായി ക്യാപ്റ്റൻ ബർത്തലോമിയോ ഓഗ്ബെച്ചെ

News18 Malayalam | news18-malayalam
Updated: January 5, 2020, 9:40 PM IST
പുതുവർഷത്തിൽ വമ്പൻ തിരിച്ചുവരവ് നടത്തി ബ്ലാസ്റ്റേഴ്സ്; ഹൈദരാബാദ് എഫ്.സിയെ 5-1ന് തകർത്തു
ഫയൽ ചിത്രം
  • Share this:
കൊച്ചി: തുടർച്ചയായ പരാജയങ്ങൾക്കും മനസ്സുമടുപ്പിക്കുന്ന സമനിലകൾക്കും അവസാനമിട്ട് കേരള ബ്ലാസ്റ്റേഴ്സ്. പുതുവർഷത്തിൽ പുതുജീവനോടെ കത്തിക്കയറിയ ബ്ലാസ്റ്റേഴ്സ് ഹൈദരാബാദ് എഫ്സിയെ ഗോൾമഴയിൽ മുക്കി. 5–1നാണ് മഞ്ഞപ്പടയുടെ ത്രസിപ്പിക്കുന്ന വിജയം.

ആറിൽ നാലു ഗോളും ആദ്യ പകുതിയിലാണ് പിറന്നത്. 14ാം മിനിറ്റിൽത്തന്നെ ലീഡ് വഴങ്ങിയ ശേഷമാണ് ബ്ലാസ്റ്റേഴ്സ് മൂന്നു ഗോൾ തിരിച്ചടിച്ച് ലീഡ് തിരിച്ചുപിടിച്ചത്. ബ്രസീലിയൻ താരം ബോബോയുടെ ഗോളിലാണ് 14–ാം മിനിറ്റിൽ ഹൈദരാബാദ് ലീഡു നേടിയത്. എന്നാൽ, 18 മിനിറ്റിനിടെ മൂന്നു ഗോൾ നേടിയ ബ്ലാസ്റ്റേഴ്സ് 3–1ന്റെ ലീഡിലാണ് ഇടവേളയ്ക്കു കയറിയത്.

Also Read- മൊബൈൽ ഫോണുകൾ കൊണ്ടൊരു ഛായാചിത്രം; കോലിയെ ഞെട്ടിച്ച് ആരാധകൻ

33, 39, 45 മിനിറ്റുകളിൽ ക്യാപ്റ്റൻ ബർത്തലോമിയോ ഓഗ്ബെച്ചെ, വ്ലാട്കോ ദ്രൊബറോവ്, റാഫേൽ മെസ്സി ബൗളി എന്നിവരാണ് ബ്ലാസ്റ്റേഴ്സിനായി ഗോൾ നേടിയത്. രണ്ടാം പകുതിയിൽ ബ്ലാസ്റ്റേഴ്സ് വീണ്ടും ലീഡ് വർധിപ്പിച്ചു. 59–ാം മിനിറ്റിൽ സെയ്ത്യാസെൻ സിങ്ങ് നാലാം ഗോൾ നേടിയപ്പോൾ 75–ാം മിനിറ്റിൽ മത്സരത്തിൽ തന്റെ രണ്ടാം ഗോൾ കണ്ടെത്തിയ ക്യാപ്റ്റൻ ബർത്തലോമിയോ ഓഗ്ബെച്ചെ ടീമിന്റെ ആറാം ഗോളും കുറിച്ചു. ഈ സീസണിൽ ഒരു മത്സരത്തിൽ ബ്ലാസ്റ്റേഴ്സ് നേടുന്ന കൂടുതൽ ഗോളുകളും ഇതുതന്നെ.
Published by: Rajesh V
First published: January 5, 2020, 9:39 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading