'ഗോളടിക്കാന്‍ മാത്രമല്ല ക്യാച്ചെടുക്കാനുമുണ്ട് അസിസ്റ്റ്'; ഇംഗ്ലീഷ് താരങ്ങളുടെ വിസ്മയിപ്പിക്കുന്ന പ്രകടനം

കൊളംബോ: ഫുട്‌ബോളില്‍ ഗോള്‍ നേടുന്ന താരം ആരാധകരെ അഭിവാദ്യം ചെയ്യുമ്പോള്‍ അതിനു വഴിയൊരുക്കിയ സഹതാരവും മൊതാനത്ത് തലയുയര്‍ത്തി നില്‍ക്കാറുണ്ട്. ഗോളടിച്ച താരത്തിനൊപ്പം തന്നെയാകും ഗോളിന് വഴിയൊരുക്കിയ താരത്തെയും കളിയില്‍ പരിഗണിക്കുക. എന്നാല്‍ ക്രിക്കറ്റില്‍ അസിസ്റ്റ് രീതി കണ്ടുവരുന്നത് ബൗളര്‍ വിക്കറ്റ് നേടുമ്പോള്‍ ക്യാച്ചെടുക്കുന്ന ഫീല്‍ഡറുടെ വേഷത്തിലായിരുന്നെങ്കില്‍ ഇംഗ്ലണ്ട് ശ്രീലങ്ക ടെസ്റ്റ് മത്സരത്തോടെ അതിനും മാറ്റം ഉണ്ടായിരിക്കുകയാണ്.

ശ്രീലങ്കന്‍ ഓപ്പണര്‍ ദിമുത് കരുണാരത്നെയുടെ വിക്കറ്റ് ഇംഗ്ലണ്ട് താരം ആദില്‍ റഷീദ് വീഴ്ത്തിയപ്പോള്‍ ക്യാച്ചെടുത്തത് വിക്കറ്റ് കീപ്പര്‍ ബെന്‍ ഫോക്‌സ് ആണെങ്കിലും അതിനിടയില്‍ അസിസ്റ്റ് നല്‍കി ക്രിക്കറ്റ് ലോകത്തെ വിസ്മയിപ്പിച്ചിരിക്കുകയാണ് കീറ്റണ്‍ ജെന്നിങ്സ്. ആദില്‍ റഷീദിന്റെ പന്ത് കരുണാരത്നെ സ്വീപ് ഷോട്ടിന് ശ്രമിച്ചപ്പോഴായിരുന്നു ഷോര്‍ട് ലെഗിലുണ്ടായിരുന്നു ജെന്നിങ്സിന്റെ ഇടപെടല്‍.

പണം തരാന്‍ ബിസിസിഐ തയ്യാറായിരുന്നു; പക്ഷേ ഞങ്ങള്‍ക്കത് ആവശ്യമില്ലായിരുന്നു വെളിപ്പെടുത്തലുമായി ബ്രാവോ

തന്റെ നേര്‍ക്ക് വന്ന പന്ത് കൈപ്പിടിയിലൊതുക്കാനാകില്ലെന്ന് മനസിലാക്കിയ താരം ഒരു കൈ കൊണ്ട് ബോള് വിക്കറ്റ് കീപ്പറുടെ കൈകളിലേക്ക് നല്‍കുകയായിരുന്നു. അപ്രതീക്ഷിതമായിട്ടാണ് പന്ത് തന്റെ നേര്‍ക്ക് വന്നതെങ്കിലും യാതൊരു പിഴവും കൂടാതെ ഫോക്‌സ് അത് കൈപ്പിടിയിലൊതുക്കുകയും ചെയ്തു.

What a catch! England pair Keaton Jennings and Ben Foakes combine for an amazing play against Sri Lanka.

It's time cricket introduced catch-assists! pic.twitter.com/MWLTTkrbEx

— Telegraph Sport (@telegraph_sport) November 17, 2018

'മാന്യമായി പെരുമാറണം'; കോഹ്‌ലിക്ക് ബിസിസിഐയുടെ താക്കീത്