Tokyo Olympics | ഒളിംപിക്സ് നീന്തലിന് യോഗ്യത നേടി മലയാളി താരം സജൻ പ്രകാശ്

ന്യൂഡൽഹി: മലയാളികൾക്കാകെ അഭിമാനമായി നീന്തല്‍ താരം സജന്‍ പ്രകാശിന് വീണ്ടും ഒളിമ്ബിക്‌സ് യോഗ്യത. ചരിത്രം കുറിച്ചുകൊണ്ടാണ് റോമില്‍ നടന്ന യോഗ്യതാ ചാമ്ബ്യന്‍ഷിപ്പില്‍ 200 മീറ്റര്‍ ബട്ടര്‍ഫ്‌ലൈയില്‍ ഒന്നാമതെത്തി സജൻ ടോക്യോ ഒളിമ്ബിക്‌സിന് യോഗ്യത നേടിയത്. ടോക്യോ ഒളിമ്ബിക്‌സില്‍ 200 മീറ്റര്‍ ബട്ടര്‍ഫ്‌ളൈ വിഭാഗത്തിലാവും സജന്‍ മത്സരിക്കുക.

2016ലെ റിയോ ഒളിമ്ബിക്‌സില്‍ 200 മീറ്റര്‍ ബട്ടര്‍ഫ്‌ളൈ ഇനത്തില്‍ ഇന്ത്യയെ പ്രതിനിധീകരിച്ച്‌ സജന്‍ മത്സരിച്ചിരുന്നു. 2015ലെ ദേശീയ ഗെയിംസില്‍ പുരുഷവിഭാഗം ഫ്രീസ്‌റ്റൈല്‍, ബട്ടര്‍ഫ്‌ളൈ, റിലേ തുടങ്ങിയ മത്സര വിഭാഗത്തില്‍ പങ്കെടുത്ത സജന്‍ 6 സ്വര്‍ണ്ണവും 3 വെള്ളിയും നേടിയിരുന്നു. അതേസമയം, ഇന്ത്യന്‍ നീന്തലിന് ഇത് ചരിത്ര മുഹൂര്‍ത്തമാണെന്ന് സ്വിമ്മിംഗ് ഫെഡറേഷന്‍ ഓഫ് ഇന്ത്യ ട്വിറ്റീലൂടെ അറിയിച്ചു.

Many congratulations to @swim_sajan who becomes the 1st Indian #swimmer 🏊‍♂️ to qualify for #Tokyo2020 as he clocks 1:56:38 in men’s 200m butterfly at the Sette Colli Trophy in Rome.

The qualification cut-off was 1:56:48.

Way to go champ! pic.twitter.com/G4KMcM8DKH

— SAIMedia (@Media_SAI) June 26, 2021

സെറ്റ് കോളി ട്രോഫിയിലെ മികച്ച പ്രകടനത്തിന് ശേഷമാണ് ഒളിമ്പിക് ഗെയിംസിന് യോഗ്യത നേടുന്ന ആദ്യ നീന്തൽ താരമായി ഇന്ത്യയിലെ സജൻ പ്രകാശ് ശനിയാഴ്ച റോമിൽ ചരിത്രം കുറിച്ചത്. ബെനഗ്രേഡ് ട്രോഫി നീന്തൽ മത്സരം എന്നും വിളിക്കപ്പെടുന്ന ഫിന അംഗീകൃത ഒളിമ്പിക് യോഗ്യതാ മത്സരത്തിൽ പുരുഷന്മാരുടെ 200 മീറ്റർ ബട്ടർഫ്ലൈ ഇനത്തിൽ സ്വർണം നേടി ആറു ദിവസത്തിന് ശേഷമാണ് റോമിൽ സജൻ പ്രകാശിന്റെ പുതിയ നേട്ടം. കേരളത്തിൽ നിന്നുള്ള 27 കാരനായ സജൻ പ്രകാശ് രാജ്യം കണ്ട എക്കാലത്തെയും മികച്ച നീന്തൽ താരങ്ങളിൽ ഒരാളാണ്.

ടോക്കിയോ 2020 ഒളിമ്പിക്, പാരാലിമ്പിക് ഗെയിംസ് സംഘാടകർ, ഗെയിംസിനായി ജോലി ചെയ്യുന്ന 70,000 വോളന്റിയർമാർ എന്നിവർക്ക് കോവിഡ് -19 വാക്സിൻ ലഭ്യമാക്കുമെന്ന് ജപ്പാനിലെ നിക്കി പത്രം ശനിയാഴ്ച റിപ്പോർട്ട് ചെയ്തു. ചില സന്നദ്ധപ്രവർത്തകർക്ക് ഇതിനകം പ്രതിരോധ കുത്തിവയ്പ്പ് നൽകിയിട്ടുണ്ടെന്ന് നിക്കി പറഞ്ഞു. ഗെയിംസിൽ സഹായിക്കാൻ രജിസ്റ്റർ ചെയ്ത 80,000 വോളന്റിയർമാരിൽ 10,000 ത്തോളം പേർ രാജിവച്ചതായി പബ്ലിക് ബ്രോഡ്കാസ്റ്റർ എൻ‌എച്ച്‌കെ ഈ മാസം ആദ്യം റിപ്പോർട്ട് ചെയ്തിരുന്നു. പകർച്ചവ്യാധി സമയത്ത് ഗെയിംസ് നടത്തുന്നതിനെ ജപ്പാനിലെ ഭൂരിഭാഗം ആളുകളും എതിർക്കുന്നുവെന്ന് ഒന്നിലധികം അഭിപ്രായ വോട്ടെടുപ്പുകളിൽ വ്യക്തമായിട്ടുണ്ട്.

ടോക്കിയോ ഒളിമ്പിക്സിന് ജപ്പാൻ ആതിഥേയത്വം വഹിക്കുന്നതിനെതിരെ പ്രതിഷേധം ഉയർന്നിട്ടുണ്ട്. പ്രധാന മെട്രോ സ്റ്റേഷനുകൾ മുതൽ ജപ്പാനിലെ പ്രശസ്തമായ പൊതു സ്ഥലങ്ങൾ വരെ ടോക്കിയോ മെട്രോപൊളിറ്റൻ കെട്ടിടത്തിനും സംഘാടക സമിതിയുടെ ആസ്ഥാനത്തിനും മുന്നിൽ പ്രതിഷേധം നടന്നു. കുറച്ച് ദിവസങ്ങൾക്ക് മുമ്പ് ജപ്പാനിൽ വന്നിറങ്ങിയ രണ്ട് ഉഗാണ്ടൻ പൗരന്മാർക്ക് കൊറോണ വൈറസ് സ്ഥിരീകരിച്ചതിന് ശേഷമാണ് പ്രതിഷേധം വർദ്ധിച്ചത്.