നെയ്മർ രക്ഷകനായി; കൊളംബിയയോട് തോൽവി ഒഴിവാക്കി ബ്രസീൽ

ഇഞ്ച്വറി ടൈമിൽ സൂപ്പർ താരം നെയ്മർ നേടിയ ഗോളിൽ കൊളംബിയയോട് സമനില നേടി ബ്രസീൽ. 1-2ന് പിന്നിൽനിന്ന് ബ്രസീൽ തോൽവി ഏറെക്കുറെ ഉറപ്പിച്ച ഘട്ടത്തിലാണ് നെയ്മർ രക്ഷകനായി അവതരിച്ചത്.

19-ാം മിനിട്ടിൽ കാസ്മിറോയുടെ ഗോളിൽ ബ്രസീൽ ലീഡെടുത്തെങ്കിലും ലൂയിസ് മുറേലിന്‍റെ ഇരട്ടഗോളുകൾ മഞ്ഞപ്പടയുടെ ആരാധകരെ സ്തംബ്ധരാക്കി. ഗോൾ മടക്കാൻ കിണഞ്ഞു പരിശ്രമിച്ചെങ്കിലും ഒന്നും ലക്ഷ്യം കണ്ടില്ല. ഒടുവിൽ മത്സരം ഇഞ്ച്വറി ടൈമിലേക്ക് കടന്നപ്പോഴാണ് വഴിത്തിരിവായി നെയ്മറുടെ ഗോൾ പിറന്നത്.

Messi vs Ronaldo: ആരാണ് മികച്ചവൻ? ഫിഫയുടെ ഉത്തരം പുറത്തായി!

മുൻനിരതാരങ്ങളായ ജെയിംസ് റോഡ്രിഗസ്, റഡാമെൽ ഫാൽക്കാവോ എന്നിവർ ഇല്ലാതെയാണ് ഇറങ്ങിയതെങ്കിലും തകർപ്പൻ പ്രകടനമാണ് മത്സരത്തിൽ ഉടനീളം കൊളംബിയ പുറത്തെടുത്തത്.

മത്സരത്തിൽ വിജയിക്കാനായില്ലെങ്കിലും അപരാജിതകുതിപ്പ് പതിനേഴാം മത്സരം വരെ നീട്ടാൻ ബ്രസീലിന് സാധിച്ചു. തന്റെ 61-ാമത് അന്താരാഷ്ട്ര ഗോൾ നേടിയ നെയ്മർ, ബ്രസീലിലെ ഗോൾവേട്ടക്കാരിൽ റൊണാൾഡോയെ പിന്നിലാക്കി. 77 ഗോൾ നേടിയ പെലെയ്ക്ക് പിന്നിലാണ് ഇനി നെയ്മറുടെ സ്ഥാനം.