• HOME
  • »
  • NEWS
  • »
  • sports
  • »
  • 'ജയിച്ചു മടങ്ങാന്‍' ലോകകപ്പില്‍ ഇന്ന് പുറത്തായവരുടെ പോരാട്ടം; ശ്രീലങ്കയും വിന്‍ഡീസും നേര്‍ക്കുനേര്‍

'ജയിച്ചു മടങ്ങാന്‍' ലോകകപ്പില്‍ ഇന്ന് പുറത്തായവരുടെ പോരാട്ടം; ശ്രീലങ്കയും വിന്‍ഡീസും നേര്‍ക്കുനേര്‍

ഫലമെന്തായാലും മുന്നേറ്റത്തെ ബാധിക്കില്ലെന്ന് ഉറപ്പായതിനാൽ പരീക്ഷണങ്ങള്‍ക്ക് മുതിര്‍ന്നേക്കും ഇരുടീമുകളും

srilanaka

srilanaka

  • News18
  • Last Updated :
  • Share this:
    ലണ്ടന്‍: ലോകകപ്പില്‍ ഇന്ന് ഇംഗ്ലണ്ട് വിന്‍ഡീസ് പോരാട്ടം. ഫലമെന്തായാലും കളിക്കുന്നവരുടെ മുന്നേറ്റത്തെ ബാധിക്കില്ല. ഇന്നത്തെ ഫലമറിയാന്‍ മറ്റുടീമുകള്‍ ആകാംഷയോടെ കാത്തിരിക്കുന്നുമില്ല. ജയിക്കുന്നവര്‍ക്ക് തോറ്റില്ലെന്ന ആശ്വാസം കിട്ടുമെന്നുമാത്രമാണ് ഇന്നത്തെ കളിക്കുശേഷം ബാക്കിയുണ്ടാവുക. ജയിച്ചുശീലിക്കാമായിരുന്ന ടീമാണ് വിന്‍ഡീസ്. പക്ഷെ ആസ്വദിച്ച് കളിച്ചും ലാഘവത്തോടെ സമീപിച്ചുമാണ് തോറ്റുതോറ്റ് പുറത്തായത്.

    ക്രിസ് ഗെയിലിനെ പേടിക്കാതെ പന്തെറിയുന്ന ബൗളര്‍മാര്‍ കുറവായിരിക്കും. ഷായ് ഹോപ്പും എവിന്‍ ലൂയിസും മികവിന്റെ മിന്നലാട്ടം കാട്ടിയവരാണ്. മധ്യനിരയില്‍ നിക്കോളാസ് പൂരാനും ഹെറ്റ്‌മെയറും കളിച്ചുകയറാന്‍ കഴിവുള്ളവര്‍. പിന്തുണയേകാന്‍ ഓള്‍റൗണ്ടര്‍മാരുടെ വേഷമിട്ട് ക്യാപ്റ്റന്‍ ജാസന്‍ ഹോള്‍ഡറും കാര്‍ലോസ് ബ്രാത്ത്വെയ്റ്റുമുണ്ട്. ബൗളിംഗിലും പേടിക്കാനില്ല വിന്‍ഡീസിന്. തുടക്കത്തില്‍ വിക്കറ്റെടുക്കാന്‍ കോട്രലിന്റെ പന്തുകള്‍ക്ക് കഴിയും. കെമര്‍ റോഷും ഓഷാനെ തോമസും മോശമല്ല. വൈവിധ്യം കാണിക്കുന്ന സ്പിന്നറില്ലെന്ന തിരിച്ചടി പ്രകടമാണ്.

    Also Read: 'എന്നാലും ഞങ്ങളോട്' ഇംഗ്ലണ്ടിനെതിരായ തോല്‍വി; ഇന്ത്യന്‍ ടീമിനെതിരെ പാക് ആരാധകര്‍

    ശ്രീലങ്കയും ടൂര്‍ണമെന്റില്‍ നിന്ന് ഇതിനോടകം പുറത്തായിട്ടുണ്ട്. ഇന്നലെ ഇംഗ്ലണ്ട് ജയിച്ചതോടെയാണ് ലങ്കയുടെ പ്രതീക്ഷകള്‍ അസ്തമിച്ചത്. ടീമായി കളിക്കുന്നില്ലെന്ന കുറവ് ലങ്കക്ക് വലിയ പ്രതിസന്ധിയാണ്. ക്യാപ്റ്റന്‍ കരുണരത്‌നെയുടെ അസ്ഥിരത തിരിച്ചടിയാണ്. തരക്കേടില്ലാതെ കളിക്കുന്നത് കുശാല്‍ പെരേരയും ആവിഷ്‌ക്ക ഫെര്‍ണാണ്ടോയുമാണ്. എയ്ഞ്ചലോ മാത്യൂസ് ഫോമിലേക്ക് തിരിച്ചെത്തിയത് ആശ്വാസമാണ്.

    ബൗളിംഗില്‍ വെറ്ററന്‍ താരം മലിംഗയാണ് തുറുപ്പുചീട്ട്. ലക്മലോ നുവാന്‍ പ്രദീപോ ആരെങ്കിലുമൊരാള്‍ ടീമിലുണ്ടാവും. ഇസുരു ഉദാനയും ധനഞ്ജയ ഡിസില്‍വയും പിന്തുണ നല്‍കിയാല്‍ ടീമിനത് നേട്ടമാകും. പക്ഷെ, ക്വാളിറ്റി സ്പിന്നറില്ലെന്ന പ്രതിസന്ധിയുണ്ട് ലങ്കക്ക്. ആരു ജയിച്ചാലും ലോകകപ്പിനെ ബാധിക്കുന്ന മത്സരഫലമാകില്ല എന്നുറപ്പായതിനാല്‍ പരീക്ഷണങ്ങള്‍ക്ക് മുതിര്‍ന്നേക്കും ഇരുടീമുകളും.

    First published: