നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • sports
    • »
    • വിരാട് കോഹ്ലിയുടെ റെക്കോർഡ് തകർത്ത് പാക് താരം ബാബർ അസം

    വിരാട് കോഹ്ലിയുടെ റെക്കോർഡ് തകർത്ത് പാക് താരം ബാബർ അസം

    വിരാട് കോഹ്ലിക്ക് കടുത്ത വെല്ലുവിളി ഉയർത്തുന്ന പ്രകടനങ്ങളുമായി കളം നിറയുകയാണ് ബാബർ അസം എന്ന പാക് താരം

    Babar Azam

    Babar Azam

    • Share this:
      ഹരാരെ: സമകാലീന ക്രിക്കറ്റിലെ മികച്ച ബാറ്റ്സ്മാൻ ആര് എന്ന ചോദ്യത്തിന് ക്രിക്കറ്റ് ലോകത്തെ ഭൂരിഭാഗവും രണ്ടാമതൊന്ന് ചിന്തിക്കാതെ ഉത്തരം പറയുന്ന പേരാണ് വിരാട് കോഹ്ലിയുടേത്. ഒട്ടുമിക്ക ബാറ്റിങ് റെക്കോർഡും സ്വന്തം പേരിലാക്കിയാണ് കോഹ്ലിയുടെ പടയോട്ടം. എന്നാലിതാ, വിരാട് കോഹ്ലിക്ക് കടുത്ത വെല്ലുവിളി ഉയർത്തുന്ന പ്രകടനങ്ങളുമായി കളം നിറയുകയാണ് ബാബർ അസം എന്ന പാക് താരം. അന്താരാഷ്ട്ര ടി 20 ഫോർമാറ്റിൽ വേഗത്തിൽ 2,000 റൺസ് നേടുന്ന ബാറ്റ്സ്മാനായി പാകിസ്ഥാൻ ക്യാപ്റ്റൻ ബാബർ ആസാം തന്റെ തൊപ്പിയിൽ മറ്റൊരു തൂവൽ ചേർത്തു. വിരാട് കോഹ്ലിയെയാണ് ഇക്കാര്യത്തിൽ ബാബർ അസം രണ്ടാമതാക്കിയത്.

      ഹരാരെ സ്‌പോർട്‌സ് ക്ലബിൽ സിംബാബ്‌വെയ്ക്കെതിരായ മൂന്നാമത്തെയും അവസാനത്തെയും ടി 20 യിലാണ് ബാബർ ഈ നേട്ടം കൈവരിച്ചത്. 2000 റൺസ് നേടാൻ പാകിസ്ഥാൻ ക്യാപ്റ്റൻ 52 ഇന്നിംഗ്സുകൾ എടുത്തിട്ടുണ്ട്, 56 ഇന്നിംഗ്സുകളിൽ നിന്നാണ് ഇന്ത്യയുടെ വിരാട് കോഹ്ലി ഈ നേട്ടം കൈവരിച്ചത്. കോഹ്ലിയേക്കാൾ നാല് മത്സരം കുറച്ചു കളിച്ചാണ് ബാബർ അസമിന്‍റെ നേട്ടം.

      ഓസ്‌ട്രേലിയൻ ക്യാപ്റ്റൻ ആരോൺ ഫിഞ്ച് (62 ഇന്നിംഗ്സ്), ന്യൂസിലൻഡ് മുൻ ക്യാപ്റ്റൻ ബ്രെൻഡൻ മക്കല്ലം (66 ഇന്നിംഗ്സ്) എന്നിവർ യഥാക്രമം മൂന്നും നാലും സ്ഥാനത്താണ്.

      ടി 20 ഐ ക്രിക്കറ്റിലെ ഏറ്റവും കൂടുതൽ റൺസ് നേടിയ ബാറ്റ്സ്മാൻമാരുടെ പട്ടികയിൽ ഇന്ത്യൻ നായകൻ വിരാട് കോഹ്‌ലി തന്നെയാണ് ഇപ്പോഴും മുന്നിൽ. കളിയുടെ ഏറ്റവും ചെറിയ ഫോർമാറ്റിൽ 2035 റൺസ് നേടിയ ബാബർ പതിനൊന്നാം സ്ഥാനത്താണ്. ഇന്ത്യൻ ക്യാപ്റ്റൻ 52.65 ശരാശരിയിൽ ടി 20യിൽ 3,159 റൺസ് നേടിയിട്ടുണ്ട്.

      ബുധനാഴ്ച പുറത്തിറങ്ങിയ ഐസിസി ടി 20 ഐ പ്ലെയർ റാങ്കിംഗിൽ കോഹ്‌ലി അഞ്ചാം സ്ഥാനത്ത് തുടർന്നെങ്കിലും ബാബർ ഒരു സ്ഥാനം മുന്നേറി രണ്ടാം സ്ഥാനത്തെത്തി. കഴിഞ്ഞയാഴ്ച പുരുഷ ഏകദിന പ്ലെയർ റാങ്കിംഗിൽ കോഹ്‌ലിയെ പിന്നിലാക്കാനും ബാബറിന്റെ തകർപ്പൻ ഫോമിലുള്ള ബാറ്റിങ് അദ്ദേഹത്തെ സഹായിച്ചിരുന്നു. ഈ ആഴ്ചത്തെ അന്താരാഷ്ട്ര ടി 20 റാങ്കിംഗ് പ്രകാരം ഒന്നാമതുള്ള ഓസീസ് നായകൻ ആരോൺ ഫിഞ്ചിനെ മറികടക്കാൻ ബാബർ അസമിന് 47 പോയിന്‍റ് കൂടി മതി.

      ഐ സി സിയുടെ പുതുക്കിയ ഏകദിന ബാറ്റിങ്ങ് റാങ്കിങ്ങില്‍ പാകിസ്താൻ താരം ബാബര്‍ അസം വിരാട് കോഹ്ലിയെ മറികടന്ന് ഒന്നാമതെത്തിയത് ഏപ്രിൽ 14ന് ആയിരുന്നു. 2017 ഒക്ടോബറിനു ശേഷം ഒന്നാമത് തുടരുന്ന വിരാട് കോഹ്ലിയെ പിന്തള്ളിയാണ് ബാബര്‍ അസം ഒന്നാമത് എത്തിയത്. 1258 ദിവസമാണ് വിരാട് കോഹ്ലി ഒന്നാമത് തുടര്‍ന്നത്. സൗത്താഫ്രിക്കയ്ക്കെതിരായ ഏകദിന പരമ്പരയിലെ തകര്‍പ്പന്‍ പ്രകടനത്തിന് പുറകെയാണ് ബാബര്‍ അസം ഒന്നാം സ്ഥാനം സ്വന്തമാക്കിയത്. പാകിസ്താൻ ക്രിക്കറ്റ് ചരിത്രത്തിൽ റാങ്കിങ്ങിൽ ഒന്നാമതെത്തുന്ന നാലാമത്തെ ബാറ്റ്സ്മാനാണ് ബാബർ.

      വെസ്റ്റിന്‍ഡീസ് ഇതിഹാസം വിവിയന്‍ റിച്ചാര്‍ഡ്സിനും ഓസ്‌ട്രേലിയന്‍ ഇതിഹാസം മൈക്കല്‍ ബെവനും ശേഷം ഐ സി സി ഏകദിന റാങ്കിങില്‍ തുടര്‍ച്ചയായി ഏറ്റവും കൂടുതല്‍ ദിവസം ഒന്നാം സ്ഥാനം നിലനിര്‍ത്തിയ ബാറ്റ്‌സ്മാന്‍ കൂടിയാണ് വിരാട് കോഹ്ലി. 1748 ദിവസം തുടര്‍ച്ചയായി വിവിയന്‍ റിച്ചാര്‍ഡ്‌സ് ഒന്നാം സ്ഥാനം നിലനിര്‍ത്തിയിരുന്നു. 1259 ദിവസം മൈക്കല്‍ ബെവന്‍ ഒന്നാം സ്ഥാനം നിലനിര്‍ത്തിയിരുന്നു.

      സൗത്താഫ്രിക്കന്‍ സീരിസിലെ തകര്‍പ്പന്‍ പ്രകടനമാണ് ബാബര്‍ അസമിനെ ഒന്നാമത് എത്തിച്ചത്. മൂന്നു മത്സരങ്ങളില്‍ നിന്നായി 228 റണ്‍സാണ് ബാബര്‍ അസം നേടിയത്. അതേ സമയം ഇംഗ്ലണ്ടിനെതിരെയുള്ള ഏകദിന പരമ്പരയില്‍ വിരാട് കോഹ്ലിക്ക് ശോഭിക്കാനായില്ല. മൂന്നു മത്സരങ്ങളില്‍ ഒരു സെഞ്ചുറി പോലുമില്ലാതെ 129 റണ്‍സ് മാത്രമാണ് നേടിയത്. പരമ്പരയില്‍ തകര്‍പ്പന്‍ പ്രകടനം കാഴ്ച്ചവെച്ച പാകിസ്താൻ ഓപ്പണര്‍ ഫഖാര്‍ സമാന്‍ റാങ്കിങില്‍ ഏഴാം സ്ഥാനത്തെത്തി.
      Published by:Anuraj GR
      First published:
      )}