ക്രിക്കറ്റിൽ മാത്രമല്ല മാസ്റ്റർ, മുടിവെട്ടാനും അറിയാം; ലോക്ക്ഡൗണിൽ മകനൊപ്പം സച്ചിൻ

ലോക്ക്ഡ‍ൗൺ ആയതോടെ സോഷ്യൽ മീഡിയയിൽ സജീവമാണ് താരങ്ങളെല്ലാം. ഓരോ വിശേഷങ്ങളും ആരാധകരുമായി പങ്കുവെക്കാനുള്ള മത്സരത്തിലാണ് താരങ്ങൾ. മാസ്റ്റർ ബ്ലാസ്റ്റർ സച്ചിൻ ടെണ്ടുൽക്കറും ഇതിൽ നിന്ന് വ്യത്യസ്തനല്ല.

ചാലഞ്ചുകളും വിട്ടുവിശേഷങ്ങളുമായി സച്ചിനും സോഷ്യൽ മീഡിയയിൽ സജീവമാണ്. കഴിഞ്ഞ ദിവസം സച്ചിൻ പങ്കുവെച്ച വീഡിയോ ആണ് ആരാധകർ ഏറ്റെടുത്തിരിക്കുന്നത്.

ലോക്ക്ഡൗൺ ആയതോടെ വീട്ടിലെ പ്രധാന ബാർബറും ആയിരിക്കുകയാണ് സച്ചിൻ. മകന്റെ മുടി വെട്ടുന്ന വീഡിയോ ആണ് സച്ചിൻ ആരാധകരുമായി പങ്കുവെച്ചിരിക്കുന്നത്.

 

View this post on Instagram

 

As a father you need to do everything, be it playing games with your kids, gyming with them or for that matter cutting their hair. However the haircut 💇‍♂️ turns out you’ll always be handsome @arjuntendulkar24 😀 Special thanks to my salon assistant @saratendulkar

A post shared by Sachin Tendulkar (@sachintendulkar) on May 19, 2020 at 4:17am PDT

അച്ഛനായാൽ നിങ്ങൾക്ക് എല്ലാം ചെയ്യേണ്ടിവരും. കുട്ടികൾക്കൊപ്പം കളിക്കണം, അവർക്കൊപ്പം വർക്ക്ഔട്ട് ചെയ്യണം. മുടിയും വെട്ടിക്കൊടുക്കണം എന്നാണ് സച്ചിന്റെ കുറിപ്പ്.

മകൻ അർജുൻ ടെണ്ടുൽക്കറുടെ മുടി വെട്ടുന്ന ദൃശ്യത്തിനൊപ്പം മകൾക്കും സച്ചിൻ നന്ദി പറഞ്ഞിട്ടുണ്ട്. സലൂൺ അസിസ്റ്റന്റ് എന്നാണ് സച്ചിന് മകളെ വിശേഷിപ്പിച്ചിരിക്കുന്നത്. എന്തായാലും വീഡിയോ ആരാധകര്ക്ക് നന്നായി ഇഷ്ടപ്പെട്ടു.