• HOME
  • »
  • NEWS
  • »
  • sports
  • »
  • SANJU SAMSON SAID THAT THINKING ABOUT INDIA TEAM SELECTION WHILE PLAYING IPL IS WRONG

IPL | ഐപിഎല്‍ കളിക്കുമ്പോള്‍ ഇന്ത്യന്‍ ടീം സെലക്ഷനെക്കുറിച്ച് ചിന്തിക്കുന്നത് തെറ്റ്: സഞ്ജു സാംസണ്‍

'ഐപിഎല്ലിലാണ് ഇപ്പോഴെന്റെ ശ്രദ്ധ മുഴുവന്‍. നിങ്ങള്‍ പെര്‍ഫോം ചെയ്താല്‍ നിങ്ങള്‍ക്ക് അവസരം ലഭിക്കും'- സഞ്ജു പറഞ്ഞു.

sanju samson

sanju samson

  • Share this:
    ഇത്തവണത്തെ ഇന്ത്യയുടെ ടി20 ലോകകപ്പ് ടീമില്‍ മലയാളികള്‍ വളരെയേറെ കാണാന്‍ ആഗ്രഹിച്ച താരമാണ് സഞ്ജു സാംസണ്‍. എന്നാല്‍ രാജസ്ഥാന്‍ റോയല്‍സിന്റെ ക്യാപ്റ്റന്‍ കൂടിയായ സഞ്ജു ദേശീയ ടീമില്‍ കളിച്ചപ്പോഴെല്ലാം നിരാശപ്പെടുത്തുകയായിരുന്നു. ഇപ്പോഴിതാ ടീമില്‍ ഇടം ലഭിക്കാത്തതിനെക്കുറിച്ച് ആദ്യമായി പ്രതികരിക്കുകയാണ് സഞ്ജു.

    ഐപിഎല്‍ ടീമിനായി കളിക്കുമ്പോള്‍ ഇന്ത്യന്‍ ടീം സെലക്ഷനെ കുറിച്ച് ചിന്തിക്കുന്നുണ്ടെങ്കില്‍ അത് തെറ്റായ ചിന്താഗതിയാണെന്നാണ് സഞ്ജു പറയുന്നത്. 'ഇന്ത്യന്‍ സെലക്ഷനെ കുറിച്ചും ടീമില്‍ സ്ഥാനം ഉറപ്പിക്കുന്നതിനെ കുറിച്ചും ആളുകള്‍ ഒരുപാട് സംസാരിക്കും. എന്നാല്‍ അതൊരു ഉപോല്‍പ്പന്നമാണ്. ഇപ്പോള്‍ ഒരു പ്രധാന ടൂര്‍ണമെന്റിനിടെ (ഐപിഎല്‍) ദേശീയ ടീമിലേക്കുള്ള സെലക്ഷനെ കുറിച്ച് സംസാരിക്കുന്നത് ശരിയല്ല. ഐപിഎല്ലിലാണ് ഇപ്പോഴെന്റെ ശ്രദ്ധ മുഴുവന്‍. നിങ്ങള്‍ പെര്‍ഫോം ചെയ്താല്‍ നിങ്ങള്‍ക്ക് അവസരം ലഭിക്കും'- സഞ്ജു പറഞ്ഞു.

    ഐപിഎല്ലില്‍ മികച്ച പ്രകടനം നടത്തിയാല്‍ വീണ്ടും ദേശീയ ടീമിലെത്താന്‍ കഴിയും. മനസില്‍ ഒന്നുമില്ലാതെയാണ് ഐപിഎല്ലിനെ സമീപിക്കേണ്ടത്. 18 വയസ് മുതല്‍ ഞാന്‍ രാജസ്ഥാന്‍ റോയല്‍സിന് ഒപ്പമുണ്ട്. കഴിവുള്ള ഒരുപാട് താരങ്ങള്‍ മുന്‍പോട്ട് വരികയും ഇന്ത്യക്കായി കളിക്കുകയും ചെയ്യുന്നത് ഞാന്‍ കണ്ടു. സക്കറിയയെ പോലെ. ഞങ്ങള്‍ ഇന്ത്യന്‍ ടീമിന് സംഭാവന നല്‍കുകയാണ്. ലോകത്തില്‍ ഏറ്റവും കൂടുതല്‍ പേര്‍ കാണുന്ന ടൂര്‍ണമെന്റ് ഐപിഎല്‍ ആണെന്നാണ് വിശ്വസിക്കുന്നത്. നമുക്ക് അവിടെ നിന്ന് ശ്രദ്ധ ലഭിക്കും. ആളുകള്‍ എന്നെക്കുറിച്ച് നല്ല കാര്യങ്ങളും അത് പോലെ മറ്റ് കാര്യങ്ങളും പറയുന്നു. ഇതെല്ലാം എന്നെ സംബന്ധിച്ചിടത്തോളം സാധാരണമായി കഴിഞ്ഞു'- സഞ്ജു കൂട്ടിച്ചേര്‍ത്തു.

    ജൂലൈയില്‍ നടന്ന ശ്രീലങ്കക്കെതിരായ ടി20 പരമ്പരയില്‍ ഏറ്റവും പ്രതീക്ഷ വെച്ചിരുന്ന താരമായിരുന്നു സഞ്ജു സാംസണ്‍. മികച്ച പ്രകടനം നടത്തി ടി20 ലോകകപ്പ് ടീമിലിടം നേടുമെന്ന് കരുതപ്പെട്ടിരുന്നെങ്കിലും പരമ്പരയിലെ ഏറ്റവും നിരാശപ്പെടുത്തിയ താരമായി സഞ്ജു മാറി. ശ്രീലങ്കന്‍ പരമ്പരയില്‍ തിളങ്ങാന്‍ സാധിച്ചിരുന്നെങ്കില്‍ തീര്‍ച്ചയായും ഇന്ത്യയുടെ ലോകകപ്പ് ടീമില്‍ ഇടം പിടിക്കാന്‍ സഞ്ജുവിന് സാധിക്കുമായിരുന്നു. എന്നാല്‍ മികച്ച അവസരം നഷ്ടപ്പെടുത്തിയതോടെ ഇന്ത്യന്‍ ടീമിലേക്ക് മടങ്ങിവരവ് പോലും ഇനി അദ്ദേഹത്തിന് പ്രയാസമായിരിക്കുകയാണ്. ഐ പി എല്ലില്‍ രാജസ്ഥാന്‍ റോയല്‍സ് പോലൊരു മികച്ച ടീമിന്റെ നായകനായ സഞ്ജുവിന് ദേശീയ ടീമിലെത്തുമ്പോള്‍ നിരന്തരം കാലിടറുന്നത് തുടര്‍ക്കഥയാവുകയാണ്.

    ഇന്ത്യയുടെ സീനിയര്‍ ടീം ഇംഗ്ലണ്ടില്‍ പര്യടനത്തിലായതിനാല്‍ ശിഖാര്‍ ധവാന്റെ നേതൃത്വത്തിലുള്ള ഇന്ത്യയുടെ രണ്ടാം നിര ടീമിനെയാണ് ബി സി സി ഐ ശ്രീലങ്കന്‍ പര്യടനത്തിനയച്ചത്. സമീപകാലങ്ങളില്‍ ആഭ്യന്തര ക്രിക്കറ്റിലും ഐ പി എല്ലിലും മികച്ച പ്രകടനങ്ങള്‍ കാഴ്ച വെച്ച യുവതാരങ്ങളെയാണ് ടീമില്‍ ഉള്‍പ്പെടുത്തിയത്. ടി20 ലോകകപ്പ് സ്‌ക്വാഡില്‍ ആരെയെല്ലാം ഉള്‍പ്പെടുത്തും എന്ന ചര്‍ച്ചകള്‍ സജീവമായി തുടരുന്ന സാഹചര്യത്തില്‍ സ്‌ക്വാഡില്‍ കയറിപ്പറ്റാന്‍ ശ്രീലങ്കന്‍ പരമ്പരയിലെ പ്രകടനം താരങ്ങള്‍ക്ക് നിര്‍ണായകമായിരുന്നു.
    Published by:Sarath Mohanan
    First published:
    )}