നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • sports
    • »
    • T20 World Cup | ലോകകപ്പിലേക്ക് ഏക ഇന്ത്യന്‍ അമ്പയറായി നിതിന്‍ മേനോന്‍

    T20 World Cup | ലോകകപ്പിലേക്ക് ഏക ഇന്ത്യന്‍ അമ്പയറായി നിതിന്‍ മേനോന്‍

    24ന് നടക്കുന്ന ഇന്ത്യ - പാകിസ്ഥാന്‍ മത്സരം മരിയാസ് ഇറാസ്മസും (ദക്ഷിണാഫ്രിക്ക) ക്രിസ് ഗാഫനെയും (ഇംഗ്ലണ്ട്) ആണ് നിയന്ത്രിക്കുക.

    നിതിന്‍ മേനോന്‍

    നിതിന്‍ മേനോന്‍

    • Share this:
      ഐസിസിയുടെ ടി20 ലോകകപ്പിനുള്ള അമ്പയര്‍മാരെ പ്രഖ്യാപിച്ചു. ഈ മാസം യുഎഇയില്‍ ആരംഭിക്കാനിരിക്കുന്ന ട്വന്റി20 ലോകകപ്പിന്റെ അമ്പയര്‍ പാനലിലേക്ക് ഇന്ത്യയില്‍ നിന്ന് ഒരാള്‍ മാത്രം. മലയാളി ബന്ധങ്ങളുള്ള നിതിന്‍ മേനോന്‍ മാത്രമാണ് 16 അമ്പയര്‍മാരുടെ നിരയിലേക്ക് തിരഞ്ഞെടുക്കപ്പെട്ട ഏക ഇന്ത്യക്കാരന്‍.

      നാല് മാച്ച് റഫറിമാരിലൊരാള്‍ മുന്‍ ഇന്ത്യന്‍ പേസര്‍ ജവഗല്‍ ശ്രീനാഥാണ്. 24ന് നടക്കുന്ന ഇന്ത്യ - പാകിസ്ഥാന്‍ മത്സരം മരിയാസ് ഇറാസ്മസും (ദക്ഷിണാഫ്രിക്ക) ക്രിസ് ഗാഫനെയും (ഇംഗ്ലണ്ട്) ആണ് നിയന്ത്രിക്കുക. ഡേവിഡ് ബൂണ്‍ മത്സരത്തില്‍ മാച്ച് റഫറിയാകും.

      ഐസിസി അമ്പയര്‍മാര്‍ :Kumar Dharmasena, Michael Gough, Aleem Dar, Nitin Menon, Richard Illingworth, Richard Kettleborough, Marais Erasmus, Chris Gaffaney, Adrian Holdstock, Ahsan Raza, Paul Reiffel, Langton Rusere, Rod Tucker, Joel and Paul Wilson.

      T20 World Cup |ജേഴ്‌സിയില്‍ ഇന്ത്യക്ക് പകരം യുഎഇ; ലോകകപ്പിന് മുന്‍പേ പ്രകോപനവുമായി പാകിസ്ഥാന്‍

      ഐസിസി ടി20 ലോകകപ്പ് ആരംഭിക്കാന്‍ ഏതാനും ദിവസങ്ങള്‍ മാത്രം ബാക്കി നില്‍ക്കെ ഇന്ത്യയെ പ്രകോപിപ്പിച്ച് പാകിസ്ഥാന്‍. ലോകകപ്പിനുള്ള പാകിസ്ഥാന്റെ പുതിയ ജേഴ്‌സിയാണ് ഇപ്പോള്‍ വിവാദങ്ങള്‍ക്ക് വഴി വെച്ചിരിക്കുന്നത്. പാകിസ്ഥാന്‍ ടീം ക്യാപ്റ്റന്‍ ബാബര്‍ അസം പുതിയ ജേഴ്‌സി ധരിച്ചു നില്‍ക്കുന്ന ചിത്രങ്ങള്‍ ഇപ്പോള്‍ സമൂഹമാധ്യമങ്ങളില്‍ വൈറലാവുകയാണ്.

      ഇന്ത്യയില്‍ നടക്കേണ്ടിയിരുന്ന ലോകകപ്പ് കോവിഡ് വ്യാപനത്തെ തുടര്‍ന്നാണ് യു എ ഇയിലേക്ക് മാറ്റിയത്. ലോകകപ്പ് ഇന്ത്യയിലല്ല നടക്കുന്നതെങ്കിലും ടൂര്‍ണമെന്റിന്റെ ഔദ്യോഗിക ആതിഥേയത്വം ഇന്ത്യയ്ക്ക് തന്നെയാണ്. ഐസിസി നിയമപ്രകാരം ടൂര്‍ണമെന്റിലുള്ള ജേഴ്‌സിയുടെ വലതുഭാഗത്തിനു മുകളില്‍ ഐസിസി ലോഗോയും ഒപ്പം ആതിഥേയത്വം വഹിക്കുന്ന ടീമിന്റെ പേരും ഉണ്ടാകേണ്ടതുണ്ട്. എന്നാല്‍ ലോകകപ്പിനുള്ള പാകിസ്ഥാന്റെ ജേഴ്‌സിയില്‍ പതിപ്പിച്ചിരിക്കുന്ന ഐ സി സി ടി20 ലോകകപ്പ് ലോഗോയുടെ കീഴില്‍ യുഎഇ 2021 എന്നാണ് എഴുതിയിരിക്കുന്നത്.

      ലോകകപ്പ് ക്വാളിഫയര്‍ കളിക്കുന്ന ടീമുകള്‍ ഇതിനോടകം തങ്ങളുടെ ജേഴ്‌സി ഔദ്യോഗികമായി പുറത്തുവിട്ടിരുന്നു. സ്‌കോട്‌ലന്‍ഡ് അടക്കമുള്ള ടീമുകള്‍ ജേഴ്‌സിയില്‍ ഇന്ത്യ 2021 എന്ന് പതിപ്പിച്ചിട്ടുണ്ട്. ലോകകപ്പ് പ്രൊമോയില്‍ സംസാരിക്കുന്നതിനിടെ ഓസ്ട്രേലിയന്‍ താരം ഗ്ലെന്‍ മാക്സ്വെല്‍ ധരിച്ച ജേഴ്‌സിയിലും ഇന്ത്യ 2021 എന്ന് എഴുതിയിട്ടുണ്ട്. പാകിസ്ഥാന്‍ ഔദ്യോഗികമായി ജേഴ്‌സി പ്രകാശനം ചെയ്തിട്ടില്ലയെങ്കിലും ക്യാപ്റ്റന്‍ ബാബര്‍ അസം പുതിയ ജേഴ്‌സിയണിഞ്ഞ് നില്‍ക്കുന്ന ചിത്രം ചര്‍ച്ചയായിക്കഴിഞ്ഞു.

      കോവിഡ് പശ്ചാത്തലത്തില്‍ ഒക്ടോബര്‍ 17 മുതല്‍ നവംബര്‍ 14 വരെ യുഎഇയിലും ഒമാനിലുമായാണ് ടി20 ലോകകപ്പ് നടക്കുന്നത്. നാല് വേദികളിലായാവും മത്സരങ്ങള്‍. ഇന്ത്യയിലെ കോവിഡ് വ്യാപനത്തെ തുടര്‍ന്നാണ് ലോകകപ്പ് അറേബ്യന്‍ മണ്ണിലേക്ക് മാറ്റിയത്. 2016ന് ശേഷം ഇതാദ്യമായാണ് ടി20 ലോകകപ്പ് നടക്കുന്നത് എന്ന പ്രത്യേകതയുമുണ്ട്. 2020ല്‍ ഓസ്‌ട്രേലിയ ആതിഥേയത്വം വഹിക്കേണ്ടിയിരുന്ന ടൂര്‍ണമെന്റാണ് കോവിഡ് വ്യാപനം മൂലം ആദ്യം ഇന്ത്യയിലേക്ക് മാറ്റുകയും പിന്നീട് അവിടുന്ന് യുഎഇലേക്ക് മാറ്റുകയായിരുന്നു.
      Published by:Sarath Mohanan
      First published:
      )}