ക്രിക്കറ്റ് ആവേശത്തിൽ കാര്യവട്ടം; ശനിയാഴ്ചവരെ ടിക്കറ്റുകള്‍ ബുക്ക് ചെയ്യാം
1000,2000,3000,5000 രൂപ എന്നിങ്ങനെയാണ് ടിക്കറ്റ് നിരക്കുകള്‍.
karyavattam
തിരുവനന്തപുരം: ഇന്ത്യ - വെസ്റ്റിന്‍ഡീസ് ടി20 മത്സരത്തിന്റെ ടിക്കറ്റുകള്‍ സ്വന്തമാക്കാന്‍ ഇനി മൂന്ന് ദിവസം കൂടി. ഓണ്‍ലൈനായി ടിക്കറ്റുകള്‍ ശനിയാഴ്ചവരെ ബുക്ക് ചെയ്യാം. ആകെയുള്ള 32000 ടിക്കറ്റുകളില്‍ 85 ശതമാനവും ഇതിനകം വിറ്റുതീര്‍ന്നു.
also read:എറിഞ്ഞു വീഴ്ത്തി അഞ്ജലി: വനിതാ ടി20യിൽ പുതിയ റെക്കോഡ് കുറിച്ച് നേപ്പാൾ താരം ആയിരം രൂപയുടെ മുഴുവന്‍ ടിക്കറ്റുകളും വിറ്റഴിഞ്ഞു. സെക്ടര്‍ എയിലെയും ബിയിലെയും ടിക്കറ്റുകളും അതിവേഗം വിറ്റഴിയുന്നുണ്ട്. കളിക്കാരുടെ ഡഗ് ഔട്ടിനോട് ചേര്‍ന്നുള്ള സെക്ടര്‍ ജെയിലെ എക്സിക്യൂട്ടീവ് പവിലിയനിലാണ് ഇനി കൂടുതൽ ടിക്കറ്റുകൾ ബാക്കിയുള്ളത്. കളിക്കാരെ വളരെ അടുത്തുകാണാനും അവരുടെ സ്‌റ്റേഡിയത്തേക്കുള്ള വരവും പോക്കും കാണാനും സെക്ടര്‍ ജെയിലെ എക്സിക്യൂട്ടീവ് പവിലിയനിലുള്ളവര്‍ക്ക് സാധിക്കും.
also read:എറിഞ്ഞു വീഴ്ത്തി അഞ്ജലി: വനിതാ ടി20യിൽ പുതിയ റെക്കോഡ് കുറിച്ച് നേപ്പാൾ താരം
ടിക്കറ്റെടുക്കാം പേടിഎം വഴി
കെ.സി.എ വെബ്‌സൈറ്റില്‍ കൊടുത്തിരിക്കുന്ന ലിങ്ക് വഴിയും പേടിഎം ആപ്പ്, പേടിഎം ഇന്‍സൈഡര്‍, പേടിഎം വെബ്‌സൈറ്റ് (www.insider.in, paytm.com, keralacricketassociation.com)
1000,2000,3000,5000 രൂപ എന്നിങ്ങനെയാണ് ടിക്കറ്റ് നിരക്കുകള്‍. ജി.എസ്.ടിയും കേരള പ്രളയ സെസും ഉള്‍പ്പടെയാണ് ഈ തുക. ഒരാള്‍ക്ക് ഒരു ഇമെയില്‍ ഐഡിയില്‍ നിന്നും ഒരു മൊബൈല്‍ നമ്പറില്‍ നിന്നും ആറ് ടിക്കറ്റുകള്‍ വരെ ബുക്ക് ചെയ്യാം. വിദ്യാര്‍ഥികള്‍ക്കായി 1000 രൂപയുടെ ടിക്കറ്റുകള്‍ 500 രൂപ നിരക്കില്‍ ലഭ്യമാകും .
