ഇന്റർഫേസ് /വാർത്ത /Sports / Tokyo Olympics | ടോക്യോ ഒളിംപിക്സിൽ മേരി കോമിന് വിജയത്തുടക്കം

Tokyo Olympics | ടോക്യോ ഒളിംപിക്സിൽ മേരി കോമിന് വിജയത്തുടക്കം

വനിതകളുടെ ബോക്സിങിൽ ഡൊമിനിക്കൻ റിപ്പബ്ലിക്കിന്‍റെ മിഗ്വേലിന ഹെർണാണ്ടസിനെയാണ് മേരികോം തോൽപ്പിച്ചത്

വനിതകളുടെ ബോക്സിങിൽ ഡൊമിനിക്കൻ റിപ്പബ്ലിക്കിന്‍റെ മിഗ്വേലിന ഹെർണാണ്ടസിനെയാണ് മേരികോം തോൽപ്പിച്ചത്

വനിതകളുടെ ബോക്സിങിൽ ഡൊമിനിക്കൻ റിപ്പബ്ലിക്കിന്‍റെ മിഗ്വേലിന ഹെർണാണ്ടസിനെയാണ് മേരികോം തോൽപ്പിച്ചത്

  • Share this:

ടോക്യോ: ഒളിംപിക്സിൽ ഇന്ത്യയുടെ മെഡൽ പ്രതീക്ഷയായ മേരി കോമിന് ആദ്യ മത്സരത്തിൽ തകർപ്പൻ ജയം. വനിതകളുടെ ബോക്സിങിൽ ഡൊമിനിക്കൻ റിപ്പബ്ലിക്കിന്‍റെ മിഗ്വേലിന ഹെർണാണ്ടസിനെയാണ് മേരികോം തോൽപ്പിച്ചത്. മത്സരത്തിന്‍റെ തുടക്കം മുതൽ പ്രഹരമേറിയ പഞ്ചുകളുമായി മേരികോം എതിരാളിയെ വെള്ളംകുടിപ്പിച്ചു. 4-1 എന്ന സ്കോറിനാണ് മേരികോം വിജയിച്ചത്. തന്നേക്കാള്‍ 15 വയസ്​ കുറവുള്ള എതിരാളിയെയാണ്​ മേരികോം പരാജയപ്പെടുത്തിയത്​. കൊളംബിയയുടെ വലന്‍സിയയാണ്​ അടുത്ത റൗണ്ടില്‍ ഇന്ത്യൻ താരത്തിന്‍റെ എതിരാളി. റിയോ ഒളിമ്ബിക്​സിലെ വെങ്കല മെഡല്‍ ജേതാവാണ്​ വലന്‍സിയ.

Tokyo Olympics | പി വി സിന്ധു ടോക്യോ ഒളിംപിക്സ് തകർപ്പൻ ജയത്തോടെ തുടങ്ങി; ഷൂട്ടിങിൽ നിരാശ

ഒളിംപിക്സിൽ ഇന്ത്യയുടെ മെഡൽ പ്രതീക്ഷയായ പി. വി സിന്ധുവിന് ആദ്യ മത്സരത്തില്‍ ത്രസിപ്പിക്കുന്ന വിജയം. ആദ്യ റൗണ്ടില്‍ ഇസ്രായേലിന്റെ പോളികാര്‍പ്പോവയെ തോല്‍പ്പിച്ചാണ് സിന്ധു തുടങ്ങിയത്. കേവലം 13 മിനിട്ടിനുള്ളിൽ അവസാനിച്ച മത്സരത്തിൽ 21-7, 21-10 എന്ന സ്കോറിനായിരുന്നു സിന്ധുവിന്‍റെ തകർപ്പൻ ജയം.

റിയോ ഒളിമ്ബിക്‌സ് വെള്ളി മെഡല്‍ ജേതാവാണ് പി വി സിന്ധു. റിയോയിൽ സ്പാനിഷ് താരം കരോലിന മാരിനോട് ഇഞ്ചോടിഞ്ചുള്ള പോരാട്ടത്തിൽ തോറ്റതോടെയാണ് സിന്ധു വെള്ളി മെഡൽ കൊണ്ട് തൃപ്തിപ്പെട്ടത്. ഇത്തവണ മികച്ച ഫോമിലുള്ള സിന്ധു സ്വർണം നേടുമെന്നാണ് ഇന്ത്യൻ ക്യാംപിന്‍റെയും ആരാധകരുടെയും പ്രതീക്ഷ.

അതിനിടെ സാനിയ മിർസ സഖ്യം വനിതകളുടെ ടെന്നീസ് ഡബിൾസിൽ തോറ്റു പുറത്തായത് ഇന്ത്യയ്ക്ക് ക്ഷീണമായി. സാനിയ മിർസ-അങ്കിത റെയ്ന സഖ്യം ആദ്യ റൌണ്ടിൽ ഉക്രെയിൻ ജോഡികളായ നദിയ-കിച്ചനോക്-ലുഡ്മില കിച്ചനോക്ക് സഖ്യത്തോടാണ് തോറ്റത്. സ്കോർ: 0-6, 7-6, 10-8.

ആർട്ടിസ്റ്റിക് ജിംനാസ്റ്റിക്സിലും ഇന്ത്യയ്ക്ക് ഇന്ന് നിരാശയുടെ ദിവസമാണ്. ഇന്ത്യൻ താരം പ്രണതി നായക് 12-ാം സ്ഥാനത്താണ് ഫിനിഷ് ചെയ്തത്. 42.565 പോയിന്‍റ് മാത്രമാണ് പ്രണതിക്ക് ലഭിച്ചത്. ഇറ്റലിയുടെയും ജപ്പാന്‍റെയും താരങ്ങൾ ഈ ഇനത്തിൽ സമ്പൂർണ ആധിപത്യം പുലർത്തി. ആദ്യ ഏഴു സ്ഥാനങ്ങളിലും ഈ രാജ്യങ്ങളിൽനിന്നുള്ളവരാണ് ഫിനിഷ് ചെയ്തത്.

ഒളിംപിക്സിൽ ഇന്ത്യയുടെ ഇന്നത്തെ മത്സരങ്ങൾ; സമയക്രമം ഇങ്ങനെ

ഭാരദ്വേഹനത്തിൽ വെള്ളി മെഡൽ നേടിയ മീര ചാനു ഭായിയിലുടെ ഒളിംപിക്സിന്‍റെ ആദ്യ ദിനം ഇന്ത്യയ്ക്ക് തിളക്കമുള്ളതായിരുന്നു. വനിതകളുടെ 49 കിലോ ഭാരോദ്വഹനത്തിലാണ് മീരാ ഭായ് ചാനു വെള്ളി മെഡൽ നേടിയത്. ഒളിംപിക്സ് മുന്നോട്ടു പോകുമ്പോൾ കൂടുതൽ മെഡലുകൾ നേടുമെന്ന പ്രതീക്ഷയിലാണ് രാജ്യം. മൊത്തം 115 ഇന്ത്യൻ അത്‌ലറ്റുകൾ ഒളിംപിക്സിൽ മത്സരിക്കുന്നുണ്ട്. ഇതിൽ 63 പുരുഷന്മാരും 52 സ്ത്രീകളും ഉൾപ്പെടുന്നു.

ഒളിംപിക്സിൽ ഇന്ത്യയെ സംബന്ധിച്ച് ഇന്ന് ഏറെ നിർണായകമായ ദിവസമാണ്. ഒട്ടേറെ ഇനങ്ങളിൽ ഇന്ന് ഇന്ത്യൻ താരങ്ങൾ വ്യക്തിഗത ഇനത്തിലും ടീം ഇനത്തിലും മത്സരിക്കുന്നുണ്ട്.

ഒളിംപിക്സ് മത്സരങ്ങൾ എവിടെ കാണാനാകും?

ടോക്കിയോ ഒളിമ്പിക്സ് 2020 ന്റെ പ്രക്ഷേപണ അവകാശം സോണി പിക്ചേഴ്സ് നെറ്റ്‌വർക്ക്സിനാണ്. കായിക പ്രേമികൾക്ക് സോണി ടെൻ 1, സോണി ടെൻ 2 ചാനലുകളിൽ ഒളിംപിക്സ് മത്സരങ്ങൾ തത്സമയം കാണാൻ കഴിയും. കൂടാതെ ദൂരദർശനും ഇന്ത്യയുടെ മത്സരങ്ങൾ പ്രക്ഷേപണം ചെയ്യും.

ടോക്കിയോ ഒളിമ്പിക്സ് 2020 എങ്ങനെ ഓൺലൈനിൽ തത്സമയം കാണാനാകും?

ഒളിംപിക്സ് മത്സരങ്ങൾ ഓൺലൈനിൽ കാണാൻ ആഗ്രഹിക്കുന്നവർക്ക് സോണി Sony LIV ആപ്ലിക്കേഷനിലൂടെയും വെബ്‌സൈറ്റിലൂടെയും തത്സമയം കാണാം.

ജൂലൈ 25 ഞായറാഴ്ച ഇന്ത്യയുടെ മത്സരങ്ങൾ:

ബാഡ്മിന്റൺ:

വനിതാ സിംഗിൾസ് ഗ്രൂപ്പ് ഘട്ടം: പി. വി. സിന്ധു vs പോളികാർപോവ ക്സെനിയ, 7:10 AM IST

ബോക്സിംഗ്:

വനിതാ ഫ്ലൈ പ്രാഥമിക റൌണ്ട് 32: മേരി കോം vs ഹെർണാണ്ടസ് ഗാർസിയ മിഗുവലിന, 1: 30 PM IST

പുരുഷന്മാരുടെ ലൈറ്റ് പ്രാഥമിക റൌണ്ട് 32: കൌശിക് മനീഷ് vs മക്കോർമാക് ലൂക്ക്, 3:06 PM IST

ഹോക്കി:

പുരുഷന്മാർ പൂൾ എ: ഇന്ത്യ vs ഓസ്‌ട്രേലിയ, 3:00 PM IST ന് ഷെഡ്യൂൾ ചെയ്‌തിരിക്കുന്നു

ടെന്നീസ്:

വനിതാ ഡബിൾസ് റൌ ണ്ട് 1: സാനിയ മിർസ, അങ്കിത റെയ്‌ന vs നാദിയ കിച്ചെനോക്, ല്യൂഡ്‌മൈല കിച്ചെനോക്ക് രാവിലെ 7:30 IST

നീന്തൽ:

സ്ത്രീകളുടെ 100 മീറ്റർ ബാക്ക്‌സ്‌ട്രോക്ക്: മനാ പട്ടേൽ, 3:32 PM IST

റോയിംഗ്:

പുരുഷന്മാർ: അർജുൻ ലാൽ ജാട്ട്, അരവിന്ദ് സിംഗ് 6:40 AM IST

ഷൂട്ടിംഗ്:

വനിതകൾ 10 മീറ്റർ എയർ പിസ്റ്റൾ യോഗ്യതാ റൌണ്ട്: യശസ്വിനി സിംഗ് ദേസ്വാൾ, 5:30 AM IST

പുരുഷന്മാരുടെ സ്കീറ്റ് യോഗ്യതാ റൌണ്ട്: മൈരാജ് അഹമ്മദ് ഖാൻ, 6:30 AM IST

ടേബിൾ ടെന്നീസ്:

വനിതാ സിംഗിൾസ്: മാനിക ബാത്ര vs മാർഗരിറ്റ പെസോട്‌സ്ക, 11:15 AM IST

പുരുഷന്മാരുടെ സിംഗിൾസ്: സത്യൻ ജ്ഞാനശേഖരൻ vs ലാം സിയു-ഹാംഗ്, 1:30 PM IST

സെയിലിങ്:

ലേസർ റേസ് 1: വി. ശരവണൻ, 11:05 AM IST

First published:

Tags: Mary kom, Tokyo Olympics 2020, Tokyo Olympics 2020 Date, Tokyo Olympics 2020 Events, Tokyo Olympics 2020 fixture, Tokyo Olympics 2020 schedule