ISL 2020-21 | ഇരു ടീമുകളും ഓരോ ഗോൾ വീതം; ATK മോഹൻ ബഗാൻ - ഹൈദരാബാദ് എഫ് സി മത്സരം സമനിലയിൽ

ഫത്തോർഡ: ഇന്ത്യൻ സൂപ്പർ ലീഗിൽ ഇന്ന് നടന്ന മത്സരത്തിൽ എ ടി കെ മോഹൻ ബഗാനും ഹൈദരാബാദ് എഫ് സിയും സമനിലയിൽ പിരിഞ്ഞു. ഇരു ടീമുകളും ഓരോ ഗോൾ സ്കോർ ചെയ്തു. കരുത്തരെന്ന് വിശേഷിപ്പിക്കപ്പെടുന്ന എ ടി കെ മോഹൻ ബഗാനെതിരെ മികച്ച മത്സരമാണ് ഹൈദരാബാദ് പുറത്തെടുത്തത്.

തുടക്കം മുതൽ ഇരു ടീമുകളും മികച്ച മത്സരം പുറത്തെടുത്തെങ്കിലും ആദ്യപകുതിയിൽ ഗോൾ ഒന്നും പിറന്നില്ല. അമ്പത്തിനാലാം മിനിറ്റിൽ ഒറ്റയ്ക്കുള്ള ഒരു മുന്നേറ്റത്തിലൂടെ മൻവീർ സിംഗാണ് എ ടി കെയെ മുന്നിലെത്തിച്ചത്. ഹൈദരാബാദിന് പ്രതിരോധത്തിൽ പിഴവ് സംഭവിച്ചപ്പോൾ മത്സരത്തിലെ ആദ്യഗോൾ പിറന്നു.

You may also like:നവദമ്പതികൾ ഹണിമൂൺ ക്യാൻസലാക്കി; പിന്നെ നേരെ പോയത് കർണാടകയിലെ ബീച്ച് വൃത്തിയാക്കാൻ [NEWS]കാറിന്റെ പിന്നിൽ നായയെ കെട്ടിയിട്ട് വാഹനം ഓടിച്ചു; ഓടി തളർന്ന നായയെ വലിച്ചിഴച്ച് കാർ, ഒടുവിൽ യാത്രക്കാർ തടഞ്ഞു [NEWS] ലോക്ക് ഡൗൺ കാലത്ത് ഡേറ്റിംഗ് ആപ്പിൽ കണ്ടുമുട്ടി; ഇപ്പോൾ കാത്തിരിപ്പ് 'മൂന്ന്' കടിഞ്ഞൂൽ കൺമണികൾക്കായി [NEWS]

അറുപത്തിനാലാം മിനിറ്റിൽ ലഭിച്ച പെനാൽറ്റിയിലൂടെ ഹൈദരാബാദ് സമനില പിടിക്കുകയായിരുന്നു. നിഖിൽ
പൂജാരിയെ മൻവീർ സിംഗ് ബോക്സിൽ വീഴ്ത്തിയതിന് ആയിരുന്നു പെനാൽറ്റി. സമനിലയോടെ അഞ്ചു മത്സരങ്ങളിൽ
നിന്ന് പത്തു പോയിന്റുമായി എ ടി കെ രണ്ടാം സ്ഥാനത്ത് തുടരുന്നു.



അതേസമയം, നാലു മത്സരങ്ങളിൽ നിന്ന് ആറു പോയിന്റുമായി ഹൈദരാബാദ് അഞ്ചാം സ്ഥാനത്തേക്ക് ഉയർന്നു.