പറ്റുമെങ്കിൽ എന്റെ റെക്കോർഡ് മറികടക്കൂ; സച്ചിന് യുവിയുടെ അടുത്ത  വെല്ലുവിളി

ലോക്ക്ഡൗൺ തുടരുന്നതോടെ പുതിയ പുതിയ പരീക്ഷണങ്ങളിലാണ് താരങ്ങളും. സോഷ്യൽമീഡിയ ചാലഞ്ചുകളുമായി താരങ്ങൾ സജീവമാണ്. യുവരാജ് സിങ്ങാണ് ഇതിൽ മുന്നിൽ നിൽക്കുന്നത്. പുതിയ വെല്ലുവിളികളുമായി താരം സോഷ്യൽമീഡിയയിൽ സജീവമാകുകയാണ്.

അടുക്കളയിൽ നിന്ന് കണ്ണുകെട്ടി ചപ്പാത്തി റോളർ കൊണ്ട് ടെന്നീസ് ബോൾ തട്ടുന്നതാണ് യുവിയുടെ പുതിയ വീഡിയോ. ട്വിറ്ററിൽ പോസ്റ്റ് ചെയ്ത വീഡിയോയിൽ സച്ചിൻ ടെണ്ടുൽക്കറെ ചാലഞ്ചും ചെയ്യുന്നുണ്ട്.

Master you have broken so many records on the field time to break my record of 100 in the kitchen 🤪! Sorry couldn’t post full video cause it will be too long to count 100 😂 paji back to you hope you don’t break other things in the kitchen 😂😂 @sachin_rt pic.twitter.com/ehJcfIGO4a

— yuvraj singh (@YUVSTRONG12) May 31, 2020

ക്രിക്കറ്റ് ഗ്രൗണ്ടിൽ നിരവധി റെക്കോർഡുകൾ മറികടന്ന മാസ്റ്റർബ്ലാസ്റ്റർ പുതിയ വീഡിയോയിൽ താൻ സ്കോർ ചെയ്ത് നൂറ് എന്ന റെക്കോർഡ് മറികടക്കാനാണ് യുവിയുടെ വെല്ലുവിളി.

നേരത്തേ, കീപ്പ് ഇറ്റ് അപ്പ് ചലഞ്ചുമായിട്ടായിരുന്നു യുവി എത്തിയത്, ക്രിക്കറ്റ് ബാറ്റിന്റെ സൈഡ് ഉപയോഗിച്ച്‌ പരമാവധി സമയം പന്ത് തട്ടാനാണ് യുവരാജ് സച്ചിനെ ചലഞ്ച് ചെയ്തത്. സച്ചിനു പുറമെ രോഹിത് ശര്‍മ, ഹര്‍ഭജന്‍ സിങ് എന്നിവരെയും യുവി ചലഞ്ച് ചെയ്തിരുന്നു.
TRENDING:ഉമയും ഭാമയും; ഒന്നര വയസുകാരിയുടെ കൂട്ടായി ഇമ്മിണി ബല്യൊരു ആന [NEWS]ഓന്തിനെ പോലെ നിറം മാറും; നട്ടെല്ലിൽ ശക്തിയേറിയ വിഷം; ഗവേഷകർ കണ്ടെത്തിയ അപൂർവ മത്സ്യം [NEWS]'നിശബ്ദതയും കുറ്റകൃത്യമാണ്'; ജോർജ് ഫ്ളോയിഡിന്റെ കൊലപാതകത്തിൽ നെറ്റ്ഫ്ലിക്സ് [NEWS]
കണ്ണുകെട്ടി ക്രിക്കറ്റ് ബാറ്റ് ഉപയോഗിച്ച് ബോൾ തട്ടിയായിരുന്നു സച്ചിന് ഇതിന് മറുപടി നൽകിയത്. യുവിയുടെ ചലഞ്ച് വളരെ എളുപ്പമുള്ളതായിപ്പോയെന്നും അതിനാൽ അൽപ്പം കടുപ്പമുള്ള മറ്റൊരു ചലഞ്ച് താൻ തിരികെ നൽകുന്നുവെന്നായിരുന്നു സച്ചിന്റെ മറുപടി.

യുവിയുടെ പുതിയ ചലഞ്ചിന് മാസ്റ്റർബ്ലാസ്റ്ററുടെ മറുപടി എങ്ങനെയായിരിക്കുമെന്ന് കാണാൻ കാത്തിരിക്കുകയാണ് ആരാധകർ.