അഭിജിത്ത് ബാനർജി; നൊബേൽ നേടുന്ന ഒമ്പതാമത്തെ ഇന്ത്യക്കാരനായി ഈ കൊൽക്കത്തക്കാരൻ

ന്യൂഡൽഹി: ഈ വർഷത്തെ സാമ്പത്തിക നൊബേൽ സമ്മാനത്തിന് ഇന്ത്യക്കാരനായ അഭിജിത്ത് ബാനർജി ഉൾപ്പെടെ മൂന്നുപേർ അർഹരായി.

ആഗോള ദാരിദ്ര്യ നിർമാർജനത്തിനുള്ള പഠനത്തിനാണ് അഭിജിത്ത് ഉൾപ്പെടെയുള്ളവർക്ക് നൊബേൽ ലഭിച്ചത്. എസ്തർ ഡഫ്‌ലോയും മൈക്കിൾ ക്രെമറും പുരസ്കാരം പങ്കിട്ടു. അഭിജിത്ത് ബാനർജിയുടെ ഭാര്യയാണ് എസ്തർ ഡഫ്‌ലോ.

 

2019 Economic Sciences Laureates Abhijit Banerjee and Esther Duflo, often with Michael Kremer, soon performed similar studies of other issues and in other countries, including India. Their experimental research methods now entirely dominate development economics.#NobelPrize

— The Nobel Prize (@NobelPrize) October 14, 2019

നൊബേൽ പുരസ്കാരം നേടുന്ന ഒൻപതാമത്തെ ഇന്ത്യക്കാരനാണ് അഭിജിത്ത്. അമർത്യ സെന്നിനു ശേഷം ഇത് ആദ്യമായാണ് സാമ്പത്തികശാസ്ത്ര വിഭാഗത്തിൽ ഇന്ത്യയിൽ നിന്നൊരാൾ നൊബേൽ പുരസ്കാരത്തിന് അർഹനാകുന്നത്.

58 വയസുള്ള അഭിജിത്ത് ബാനർജി കൊൽക്കത്ത സർവകലാശാല, ജവഹർവാൽ നെഹ്റു സർവകലാശാല, ഹാർവാർഡ് സർവകലാശാല എന്നിവിടങ്ങളിലാണ് പഠനം പൂർത്തിയാക്കിയത്. 1988ൽ ഹാർവാഡ് സർവകലാശാലയിൽ നിന്നാണ് പി എച്ച് ഡി ബിരുദം സ്വന്തമാക്കിയത്. മസാച്യൂറ്റെസ് ഇൻസ്റ്റിറ്റ്യൂട് ഓഫ് ടെക്നോളജിയിൽ സാമ്പത്തിക ശാസ്ത്ര പ്രൊഫസർ ആണ്.