• HOME
  • »
  • NEWS
  • »
  • world
  • »
  • Ukraine-Russia War| 400 അഭയാർത്ഥികൾ താമസിച്ച സ്കൂളിൽ റഷ്യയുടെ ബോംബാക്രമണം; മരിയോപോളിൽ ആക്രമണം തുടരുന്നു

Ukraine-Russia War| 400 അഭയാർത്ഥികൾ താമസിച്ച സ്കൂളിൽ റഷ്യയുടെ ബോംബാക്രമണം; മരിയോപോളിൽ ആക്രമണം തുടരുന്നു

കെട്ടിടം തകർന്നതായും അവശിഷ്ടങ്ങൾക്കടിയിൽ ആളുകളുണ്ടെന്നും കൗൺസിൽ

(Image:  AP)

(Image: AP)

  • Share this:
    മരിയോപോൾ: നാനൂറോളം പേർ അഭയാർത്ഥികളായി കഴിയുന്ന സ്കൂളിൽ റഷ്യയുടെ ബോംബാക്രമണം. മരിയോപോളിലെ ആർട് സ്കൂളിലാണ് റഷ്യ ബോംബാക്രമണം നടത്തിയത്. ആക്രമണം നടന്ന വിവരം മരിയോപോളിലെ സിറ്റി കൗൺസിൽ ഔദ്യോഗികമായി സ്ഥിരീകരിച്ചു.

    ശനിയാഴ്ച്ച നടന്ന ആക്രമണത്തിൽ ആളപായമുണ്ടോയെന്ന് ഇനിയും വ്യക്തമല്ല. കെട്ടിടം തകർന്നതായും അവശിഷ്ടങ്ങൾക്കടിയിൽ ആളുകളുണ്ടെന്നും കൗൺസിൽ അറിയിച്ചിട്ടുണ്ട്. ആക്രമണത്തിൽ സ്കൂൾ കെട്ടിടം പൂർണമായും തകർന്നുവെന്നാണ് റിപ്പോർട്ടുകൾ.


    അതേസമയം, യുക്രൈനിൽ നിന്നുള്ള അഭയാർത്ഥി പ്രവാഹം തുടരുകയാണ്. ഫെബ്രുവരി 24 ന് യുക്രെയ്നിൽ റഷ്യൻ അധിനിവേശം ആരംഭിച്ചതിനു ശേഷം 3.3 ദശലക്ഷത്തിലധികം അഭയാർത്ഥികൾ യുക്രെയ്നിൽ നിന്ന് പാലായനം ചെയ്തിട്ടുണ്ട്. ഏകദേശം 6.5 മില്യൺ ആളുകൾ രാജ്യത്തിനുള്ളിൽ ആഭ്യന്തരമായി കുടിയിറക്കപ്പെട്ടതായി കരുതപ്പെടുന്നു.

    Also Read-'ഒരു മതത്തോടുള്ള വിദ്വേഷത്തെ അന്താരാഷ്ട്രദിനത്തിന്റെ തലത്തിലേക്ക് ഉയർത്തുന്നതിൽ ആശങ്കയുണ്ട്': UNലെ ഇന്ത്യൻ പ്രതിനിധി

    കിഴക്കൻ യുക്രെയിനിൽ റഷ്യൻ സൈന്യം നിരവധി നഗരങ്ങൾ വളയുന്നത് തുടരുകയാണെന്നും നഗരപ്രദേശങ്ങളിൽ ഷെല്ലാക്രമണം തുടരുമെന്നും യുകെ പ്രതിരോധ മന്ത്രാലയം അറിയിച്ചിട്ടുണ്ട്.

    Also Read-യുദ്ധം നീണ്ടുപോയാൽ യുക്രേനിയൻ സമ്പദ്‌വ്യവസ്ഥ തകർന്നടിയുമെന്ന് IMFന്റെ മുന്നറിയിപ്പ്

    അതിനിടയിൽ, മുൻ‌നിര പ്രദേശങ്ങൾ വിട്ടുപോകാൻ സിവിലിയന്മാരെ സഹായിക്കുന്നതിനായി ഏഴ് മാനുഷിക ഇടനാഴികൾ ഞായറാഴ്ച തുറക്കുമെന്ന് യുക്രെയ്ൻ ഉപപ്രധാനമന്ത്രി ഐറിന വെരേഷ്ചുക്ക് അറിയിച്ചു. ഫെബ്രുവരി 24 ന് റഷ്യൻ അധിനിവേശം ആരംഭിച്ചതിനുശേഷം സംഘർഷ പ്രദേശങ്ങളിൽ നിന്ന് 190,000 ആളുകളെ ഒഴിപ്പിച്ചിട്ടുണ്ട്.
    Published by:Naseeba TC
    First published: