31 വയസുള്ള യുവതി, തൊഴിൽ കെട്ടിടം പണി; ആറക്ക ശമ്പളം വരുമാനം

ഇന്നത്തെ കാലത്ത് സ്ത്രീകൾ കടന്നു ചെല്ലാത്ത മേഖല ഏതുണ്ട് എന്ന് ചോദിച്ചാൽ ഉത്തരം ലഭിക്കുക എളുപ്പമല്ല. പുരുഷന് മാത്രം എന്ന് കരുതിയിരുന്ന പല ഇടങ്ങളിലും സ്ത്രീകൾ വെന്നിക്കൊടി പാറിച്ചു കഴിഞ്ഞു. ഇവിടെ ഇപ്പോൾ ഒരു വനിത കെട്ടിടം പണിക്കു പോയി കൈനിറയെ സമ്പാദിക്കുന്ന കാര്യം ചർച്ചയാവുകയാണ്. അതും ആറക്കം വരുന്ന ശമ്പളം

ഗ്രാഫിക് ഡിസൈനർ ആവാൻ പഠിച്ച പെൺകുട്ടി എങ്ങനെ ഇവിടെയെത്തി എന്നതിന് ഒരു കഥയുണ്ട്. കാമില ബെർനാൽ എന്നാണ് അവരുടെ പേര്. പുരുഷന്മാർക്കൊപ്പമാണ് കാമിലയുടെ തൊഴിൽ. പഠനത്തിന് പണം കണ്ടെത്താൻ ഹോസ്പിറ്റാലിറ്റി മേഖലയിൽ ജോലി ചെയ്യുന്ന വേളയിലാണ് കാമിലക്ക് മനംമാറ്റം ഉണ്ടായത് (തുടർന്നു വായിക്കുക)

ഒരു സുഹൃത്ത് നൽകിയ നിർദേശമനുസരിച്ചാണ് കാമില കെട്ടിടം പണിക്കിറങ്ങിയത്. 31 വയസുള്ള കാമില ഓസ്ട്രേലിയയിലെ മെൽബണിലാണ് താമസം. ഏഴു വർഷമായി കെട്ടിടം പണിക്ക് പോകുന്നു. രാവിലെ ഏഴു മണിക്ക് തുടങ്ങി എട്ട് മണിക്കൂർ പണിയെടുക്കണം

നട്ടെല്ലിനെ ബാധിക്കുന്ന സ്കോളിയോസിസ് എന്ന രോഗാവസ്ഥയെ കൂസാതെയാണ് കാമില കെട്ടിടം പണി ചെയ്യുന്നത്. പലപ്പോഴും കടുത്ത വേദന സംഹാരി കഴിച്ചാകും കാമില ജോലിയെടുക്കുക. കൊളംബിയൻ വംശജ എന്ന നിലയിൽ ഏറെ കളിയാക്കലുകളും ഏൽക്കേണ്ടി വരുന്നു എന്ന് കാമില

അധികം ഇംഗ്ലീഷ് സംസാരിക്കാൻ അറിയാത്തതും വിഷയമാകാറുണ്ടത്രെ. മുപ്പതു പുരുഷന്മാർക്കിടയിൽ നിങ്ങൾ ഒരേയൊരു സ്ത്രീയെങ്കിൽ അവർ പെരുമാറുന്ന രീതി വേറിട്ടതാവും എന്ന് കാമില

എന്നാലും ഈ ജോലിയെ സ്വപ്ന സാക്ഷാത്കാരം എന്നേ കാമില വിളിക്കൂ. കൂടുതൽ സ്ത്രീകൾക്ക് കടന്നുവരാൻ പാകത്തിന് ഈ മേഖല വികാസം പ്രാപിക്കുന്നു എന്ന് കാമില വിശ്വസിക്കുന്നു. ഇൻസ്റ്റഗ്രാമിൽ ആറായിരത്തില്പരം ഫോളോവേഴ്സ് ഉണ്ട് കാമിലയ്ക്ക്

ഇൻസ്റഗ്രാമിലെ ചിത്രങ്ങൾ കണ്ട് കാമില ഫോട്ടോഷൂട്ട് നടത്തിയതാണ് എന്ന് പലരും തെറ്റിദ്ധരിക്കാറുണ്ട്. എന്തെങ്കിലും ചെയ്യാൻ ഇഷ്‌ടമുണ്ടെങ്കിൽ, ആലോചിച്ചിരിക്കാതെ എത്രയും വേഗം അത് ചെയ്യാൻ തുടങ്ങണം എന്ന് കാമില പറയുന്നു