നിർമിച്ചിരുന്നത് ആയിരക്കണക്കിന് ലിറ്റർ ബിയർ; ഈജിപ്തിൽ 5000 വർഷം മുമ്പുള്ള ബ്ര്യൂവറി കണ്ടെത്തി

ഈജിപ്തിലെ പുരാവസ്തു ഗവേഷകർ കണ്ടെത്തിയത് 5000 വർഷങ്ങൾക്ക് മുമ്പുള്ള ബ്ര്യൂവറി. ആയിരക്കണക്കിന് ലിറ്റർ ബിയർ ഉത്പാദിപ്പിക്കാൻ ശേഷിയുള്ള ബ്ര്യൂവറിയാണ് ഈജിപ്തിലെ അബിഡോസിൽ ഗവേഷകർ കണ്ടെത്തിയതെന്ന് ടൂറിസം പുരാവസ്തു വകുപ്പ് മന്ത്രി അറിയിച്ചു Photo: Facebook/moantiquities

ബിസി 3,100 ൽ നർമെർ ഭരണാധികാരിയുടെ കാലത്ത് ഉപയോഗിച്ചിരുന്നതാണ് ബ്ര്യൂവറിയെന്ന് സർക്കാർ പുറത്തിറക്കിയ വാർത്താ കുറിപ്പിൽ പറയുന്നു. 2015 ലും ഈജിപ്തുകാർ ബിയർ ഉണ്ടാക്കുന്നതിനായി ഉപയോഗിച്ചിരുന്ന 5,000 വർഷം പഴക്കമുള്ള മൺപാത്രങ്ങൾ ടെൽ അവീവിൽ നിന്നും കണ്ടെത്തിയിരുന്നു. Photo: Reuters Photo: Reuters

ഈജിപ്ഷ്യൻ അമേരിക്കൻ ഗവേഷകനായ ഡോ. മാത്യു ആദംസിന്റെ നേതൃത്വത്തിലുള്ള ഗവേഷകരാണ് കണ്ടെത്തലിന് പിന്നിൽ. പൗരാണിക ഈജിപ്തിലെ ആദ്യകാല രാജാക്കന്മാരുടെ മരണാനന്തര ചടങ്ങുകളിൽ വിതരണം ചെയ്യാനുള്ള മദ്യമാണ് ഇവിടെ ഉത്പാദിപ്പിച്ചതെന്നാണ് കരുതപ്പെടുന്നതെന്ന് മാത്യു ആദംസ് പറയുന്നു. ന്യൂയോർക്ക് യൂണിവേഴ്‌സിറ്റിയിലെ പുരാവസ്തു ഗവേഷകനാണ് മാത്യു ആദംസ്. Photo: Reuters

22,400 ലിറ്റർ ഉത്പാദനക്ഷമതയുള്ളതാണ് ബ്ര്യൂവറി. രണ്ട് വരികളിലായി എട്ട് ഭാഗങ്ങളാക്കി തിരിച്ച 40 കളിമൺ കുടങ്ങളിലായാണ് ബിയർ നിർമാണം നടത്തിയിരുന്നത്. കുടങ്ങളിൽ ധാന്യങ്ങളും വെള്ളവും ഉപയോഗിച്ചാണ് നിർമിച്ചിരുന്നത്. Photo: Reuters

ഈജിപ്തിലെ ഏറ്റവും പ്രശസ്തമായ പുരാതന സ്ഥലങ്ങളിൽ ഒന്നാണ് അബിഡോസ്. ലോകത്തിലെ തന്നെ ഏറ്റവും പുരാതനമായ മദ്യ നിർമ്മാണ ശാലയാണ് ഈജിപ്തിൽ കണ്ടെത്തിയിരിക്കുന്നത് എന്നാണ് നിഗമനം. Photo: Reuters