വിവാഹ ക്ഷണക്കത്തിന് നാല് കിലോ തൂക്കം; ആളൊന്നിന് 18,000 രൂപയുടെ സദ്യ

വിവാഹം വധൂവരന്മാർക്കെന്ന പോലെ അവരുടെ കുടുംബങ്ങൾക്കും ആവേശം നിറഞ്ഞതാണ്. രണ്ടു കുടുംബങ്ങളുടെ കൂടിച്ചേരൽ കൂടിയാണ് ഓരോ വിവാഹവും. ഓരോരുത്തരും അവരുടേതായ നിലയിലാണ് വിവാഹം നടത്തുന്നത്. എന്നാൽ ഇപ്പോൾ പുറത്തുവരുന്ന ഒരു വിവാഹ ചടങ്ങിന്റെ വിവരങ്ങൾ കേട്ടവർ അമ്പരന്നിരിക്കുകയാണ്. എടുത്താൽ പൊങ്ങാത്ത വിവാഹ ക്ഷണക്കത്ത് മുതൽ ഇതിന്റെ ഓരോ ഉള്ളടക്കവും ശ്രദ്ധ നേടുകയാണ്

ധനികനായ ബിസിനസ്കാരന്റെ മകന്റെ വിവാഹ ക്ഷണക്കത്താണ് വാർത്തകളിൽ ഇടം നേടിയത്. ക്ഷണക്കത്തു മാത്രമല്ല, വിവാഹത്തിന്റെ മറ്റു കാര്യങ്ങളിലും ആർഭാടം നിറഞ്ഞിരിക്കുന്നു. 4.280 കിലോഗ്രാം തൂക്കമുള്ളതാണ് വിവാഹ ക്ഷണക്കത്ത്. രാജകീയ ശൈലിയിലെ വിവാഹത്തിന് വേറെയും അത്ഭുതങ്ങളുണ്ട് (തുടർന്ന് വായിക്കുക)

രാജസ്ഥാനിലെ ജോധ്പൂരിലെ ഉമൈദ് ഭവൻ പാലസിൽ നവംബർ 14 മുതൽ 16 വരെ രാജ്‌കോട്ട്-സൗരാഷ്ട്രയിലെ പ്രമുഖ വ്യവസായി മൗലേഷ്ഭായ് ഉക്കാനിയുടെയും സോണാൽബെൻ ഉക്കാനിയുടെയും മകൻ ജയ് ഉക്കാനിയുടെ വിവാഹം നടക്കും. രാജകീയ ശൈലിയിലാണ് വിവാഹ ക്ഷണക്കത്ത് തയ്യാറാക്കിയിരിക്കുന്നത്. 'കങ്കോത്രി' (വിവാഹ കാർഡുകളുടെ ഗുജറാത്തി പദം) 4 കിലോഗ്രാം 280 ഗ്രാം തൂക്കമുള്ളതാണ്

7,000 രൂപയാണ് ഹെവി വെയ്റ്റഡ് കാർഡ് ഉണ്ടാക്കുന്നതിനുള്ള മുഴുവൻ ചെലവും. ഏഴ് പേജുകളുള്ള ഈ കാർഡ് മൂന്ന് ദിവസത്തേക്ക് ആസൂത്രണം ചെയ്ത വിവാഹ ആഘോഷങ്ങളുടെ വിശദാംശങ്ങളാണ്. രാജകീയ ക്ഷണക്കത്തിലാണ് ശ്രീനാഥ്ജിയുടെ ദർശനം ആണ് ആദ്യം കാണുന്നത്

മൗലേഷ്ഭായിക്കും കുടുംബത്തിനും ദ്വാരകാധീഷ് എന്ന ശ്രീകൃഷ്ണനിൽ വലിയ വിശ്വാസമുണ്ട്. ദ്വാരക ക്ഷേത്രത്തിന്റെ ട്രസ്റ്റി കൂടിയാണ് അദ്ദേഹം. കശുവണ്ടി, ബദാം, ഉണക്കമുന്തിരി, ചോക്ലേറ്റ് എന്നിവയും ക്ഷണക്കത്ത് പെട്ടിയിൽ അലങ്കരിച്ചിരുന്നു

ഈ സുപ്രധാന സംഭവത്തിന്റെ ഭാഗമായി മൂന്ന് ദിവസത്തെ ചടങ്ങിൽ നിരവധി പരിപാടികൾ നടക്കും. ജനപ്രിയ ഗായികമാരായ ഐശ്വര്യ മജുംദാറും സച്ചിൻ-ജിഗർ ജോഡിയും ഒരു രാത്രിയിൽ ഹിറ്റ് നമ്പറുകൾ പാടും

ഔപചാരിക വിവാഹ വിരുന്നിൽ അതിഥികൾക്ക് വിളമ്പുന്ന ഒരു പ്ലേറ്റിന്റെ വില 18,000 രൂപയാണ്. 26 ഏക്കറിൽ സജ്ജീകരിച്ചിരിക്കുന്ന ഉമൈദ് ഭവൻ പാലസ് ഇന്ത്യയിലെ ഏറ്റവും ചെലവേറിയതും രാജകീയവുമായ ഹോട്ടലുകളിൽ ഒന്നായി കണക്കാക്കപ്പെടുന്നു

ഉമൈദ് ഭവൻ പാലസിൽ ഒരു മുറി ലഭിക്കുക എന്നത് വളരെ ബുദ്ധിമുട്ടുള്ള കാര്യമാണ്, അതിന് ഒരു രാത്രിക്ക് 50,000 രൂപയോളം ചിലവ് വരും

ചില അതിമനോഹരമായ മുറികൾക്ക് 2 ലക്ഷം മുതൽ 3 ലക്ഷം രൂപ വരെ വിലവരും. ഒരു രാത്രിക്ക് 7.5 ലക്ഷം രൂപയാണ് ഹണിമൂൺ സ്യൂട്ട്

വിവാഹ ക്ഷണക്കത്തിന്റെ പുറമെ നിന്നുള്ള ദൃശ്യം