എന്നെയും മക്കളെയും വീട്ടിൽ നിന്ന് അടിച്ചിറക്കി; ഗുരുതരാരോപണങ്ങളുമായി നവാസുദീൻ സിദ്ദിഖിയുടെ ഭാര്യ ആലിയ

നടൻ നവാസുദീൻ സിദ്ധിഖിക്കെതിരെ കൂടുതൽ ആരോപണങ്ങളുമായി ഭാര്യ ആലിയ രംഗത്ത്. തന്നെയും മക്കളെയും അദ്ദേഹത്തിന്റെ വീട്ടിൽ നിന്നും അടിച്ചിറക്കി. ഇൻസ്റ്റഗ്രാമിൽ വീഡിയോ പോസ്റ്റ് ചെയ്താണ് പുതിയ ആരോപണം. വെർസോവ പോലീസ് സ്റ്റേഷനിൽ നിന്നും അത്യാവശ്യമായി വിളിച്ചതിനാൽ പുറത്തുപോയി വന്ന ശേഷം തിരികെ കേറ്റിയില്ല എന്ന് ആലിയ. കയ്യിൽ അവശേഷിക്കുന്നത് വെറും 81 രൂപയാണെന്നും, എങ്ങോട്ടു പോകുമെന്നറിയില്ല എന്നും ആലിയ

'ഞാൻ നവാസുദീന്റെ വീട്ടിൽ നിന്നും വന്നതേയുള്ളൂ. (ദൂരേയ്ക്ക് വിരൽ ചൂണ്ടിക്കൊണ്ട്) എന്റെ മകൾ കരയുന്നത് നിങ്ങൾക്ക് കാണാൻ സാധിക്കുന്നുവോ? ഞങ്ങളെ ഇവിടെ നിന്നും ഇറക്കിവിട്ടു. മക്കളെയും കൊണ്ട് എങ്ങോട്ടുപോകണമെന്നറിയില്ല. എന്റെ കയ്യിൽ ആകെ 81 രൂപ മാത്രമേയുള്ളൂ." (തുടർന്ന് വായിക്കുക)

ഇപ്പോൾ കയ്യിൽ പണവും, പോകാൻ വീടുമില്ല എന്ന് ആലിയ. 'നവസുദീന് എങ്ങനെ ഇത്തരത്തിൽ പെരുമാറാൻ സാധിക്കുന്നുവെന്നറിയില്ല. നിങ്ങൾ എന്റെ മക്കളോട് ചെയ്‌തതിന് ഞാൻ ഒരിക്കലും നിങ്ങളോട് ക്ഷമിക്കില്ല. ഈ രാത്രി നേരം എന്റെ മക്കൾ നേരിടുന്ന ദുരനുഭം എന്തെന്ന് നിങ്ങൾ കാണൂ. എന്റെ കുഞ്ഞുങ്ങളെയും കൊണ്ട് ഞാൻ എങ്ങോട്ടു പോണം?' ആലിയ ചോദിക്കുന്നു

ആലിയ പങ്കുവെച്ച മറ്റൊരു വീഡിയോയിൽ, ബന്ധുവിന്റെ വീടിന്റെ തറയിൽ തന്റെ മക്കൾ ഉറങ്ങുന്ന രംഗമുണ്ട്

'നവാസുദ്ദീൻ സിദ്ദിഖി വിഷമിക്കേണ്ട, എന്റെ മക്കളെയും എന്നെയും തകർക്കാൻ നിങ്ങൾക്ക് കഴിയില്ല. ഞാൻ നീതി നിലനിൽക്കുന്ന ഒരു രാജ്യത്തെ പൗരയാണ്, എനിക്ക് അത് ഉടൻ ലഭിക്കും' എന്ന് അവർ ഒരു നീണ്ട കുറിപ്പും എഴുതി

അസുഖബാധിതയായ അമ്മയെ സ്വന്തം ബംഗ്ലാവിൽ കാണുന്നതിൽ നിന്ന് നവാസുദ്ദീൻ സിദ്ദിഖിയെ തടഞ്ഞ് മണിക്കൂറുകൾക്ക് ശേഷമാണ് ആലിയയുടെ പ്രതികരണം. ഇതിന്റെ വീഡിയോയും സോഷ്യൽ മീഡിയയിൽ പ്രചരിച്ചിരുന്നു