'എന്റെ രണ്ടുവയസുകാരൻ മകനെ അവർ അവിഹിത സന്തതി എന്ന് വിളിച്ചു': നവാസുദീൻ സിദ്ധിഖിയുടെ ഭാര്യ ആലിയ

നടൻ നവാസുദീൻ സിദ്ദിഖിയുടെയും (Nawazuddin Siddiqui) ഭാര്യ ആലിയയുടെയും (Aaliya) വിവാഹമോചന പോരാട്ടത്തിന്റെ വാർത്ത ഏറെ നാളുകളായി ബോളിവുഡിന്റെ തലക്കെട്ടുകളിൽ നിറയുകയാണ്. ഇവർക്ക് ഒരു മകളും മകനുമുണ്ട്. ഭർത്താവിനെതിരെ വളരെ ഗുരുതരമായ ആരോപണങ്ങളാണ് ആലിയ ഉയർത്തിയത്. വിദേശത്തു പഠിക്കുന്ന മക്കളെയും കൊണ്ട് ആലിയ ഇപ്പോൾ ഡിവോഴ്സ് കേസുമായി നാട്ടിലുണ്ട്

കുഞ്ഞുങ്ങളെ സംബന്ധിച്ച വിഷയം വളരെ സൗഹാർദ്ദപരമായി തീർപ്പാക്കണം എന്ന് ബോംബെ ഹൈക്കോടതി ഇരുവരോടുമായി നിര്ദേശിച്ചിരുന്നിരുന്നു. “പരസ്പരം സംസാരിക്കുക, അച്ഛനും മക്കളും തമ്മിലുള്ള ആശയവിനിമയത്തിനും സന്ദർശനത്തിനും ഉള്ള അവകാശങ്ങൾ പരിഹരിക്കുക. അത് പരിഹരിക്കാൻ കഴിയുമെങ്കിൽ, നല്ലത്. പ്രശ്നം രമ്യമായി പരിഹരിക്കൂ. പ്രശ്‌നങ്ങൾ പരിഹരിക്കൂ,” നവാസുദ്ദീൻ ഹേബിയസ് കോർപ്പസ് ഹർജി സമർപ്പിച്ചതിന് ശേഷം കോടതി ഇങ്ങനെ ഉത്തരവിടുകയായിരുന്നു (തുടർന്നു വായിക്കുക)

വേർപിരിഞ്ഞ ഭാര്യയ്‌ക്കൊപ്പമുള്ള തന്റെ മക്കൾ എവിടെയാണെന്ന് അന്വേഷിച്ചായിരുന്നു ഹേബിയസ് കോർപസ്. നടനെതിരെ ഭാര്യ കൂടുതൽ ആരോപണങ്ങൾ ഉന്നയിച്ചിരിക്കുകയാണ്

നവാസുദീന്റെ 'അമ്മ തന്റെ രണ്ട് വയസ്സുകാരൻ മകനെ അവിഹിത സന്തതി എന്ന് വിളിച്ചു എന്നും ആലിയ. ഇതിൽ താൻ അസ്വസ്ഥതയാണെന്ന് അവർ ഇ-ടൈംസിനോട് പറഞ്ഞു

മകനെ നവാസുദീൻ സ്പർശിച്ചിട്ടുപോലുമില്ല . അച്ഛനെക്കുറിച്ച് കുഞ്ഞിനും അറിയില്ല. ദുബായിയിൽ ഉണ്ടായിരുന്ന നാളുകളിൽ അദ്ദേഹം മകന് കരുതലോ സ്നേഹമോ നൽകിയില്ല എന്നും ആലിയ ആരോപിക്കുന്നു

മാതാപിതാക്കൾക്കിടയിൽ എന്താണ് നടക്കുന്നതെന്ന് അവരുടെ കുട്ടികൾക്കും അറിയാമോ എന്ന ചോദ്യത്തിന് ആലിയ നൽകിയ മറുപടി ഇങ്ങനെ: 'ഞങ്ങളുടെ മകൾക്ക് 12 വയസ്സുണ്ട്, രണ്ട് വർഷമായി അവൾ മിക്കവാറും എല്ലാം കാണുന്നു. എന്റെ മകൻ ഇപ്പോഴും ചെറിയ കുട്ടിയാണ്'