Aaradhya Bachchan | ഐശ്വര്യ റായിയുടെ മകൾ പരാതിയുമായി ഹൈക്കോടതിയിലേക്ക്; ആരോഗ്യനിലയെക്കുറിച്ച് തെറ്റായ വിവരം പ്രചരിപ്പിച്ചതിനെതിരെ പരാതി

അമിതാഭ് ബച്ചന്റെ ചെറുമകളും ഐശ്വര്യ റായിയുടെയും അഭിഷേക് ബച്ചന്റെയും മകളുമായ ആരാധ്യ ബച്ചൻ (Aaradhya Bachchan) തന്റെ ആരോഗ്യനില സംബന്ധിച്ച് വ്യാജവാർത്തകൾ പ്രചരിപ്പിച്ചെന്നാരോപിച്ച് ഒരു യൂട്യൂബ് ചാനലിനെതിരെ ഡൽഹി ഹൈക്കോടതിയിൽ കേസുമായി സമീപിച്ചു. ഇന്ത്യാ ടുഡേ റിപ്പോർട്ട് അനുസരിച്ച്, 11 വയസ്സുള്ള താരപുത്രി പ്രായപൂർത്തിയാകാത്തതിനാൽ തന്നെക്കുറിച്ച് മാധ്യമങ്ങൾ റിപ്പോർട്ട് ചെയ്യുന്നതിനെതിരെ വിലക്ക് ആവശ്യപ്പെട്ടിട്ടുണ്ട്. ഇതിന്റെ വാദം ഇന്ന് ഡൽഹി ഹൈക്കോടതിയിൽ നടക്കും

ആരാധ്യ ബച്ചനെ ലക്ഷ്യമിട്ട് ട്രോളുകൾ പതിവായിരുന്നു. ബോബ് ബിശ്വാസിന്റെ പ്രമോഷനുകൾക്കിടെ, തന്റെ മകളെ നിരന്തരം ആക്രമിക്കുന്ന വിദ്വേഷകർക്കെതിരെ പിതാവ് ആഞ്ഞടിച്ചിരുന്നു (തുടർന്ന് വായിക്കുക)

ആരാധ്യയ്ക്ക് സോഷ്യൽ മീഡിയയിൽ പലപ്പോഴും ലഭിക്കുന്ന നിഷേധാത്മകതയോട് പ്രതികരിച്ച് അഭിഷേക് ബോളിവുഡ് ലൈഫിനോട് പ്രതികരിച്ചിരുന്നു

'ഇത് തികച്ചും അസ്വീകാര്യവും എനിക്ക് സഹിക്കാനാവാത്തതുമായ കാര്യമാണ്. ഞാൻ ഒരു പബ്ലിക് ഫിഗറാണ് എന്നത് ശരി. എന്റെ മകൾ ആ പരിധിക്ക് പുറത്താണ്. നിങ്ങൾക്ക് എന്തെങ്കിലും പറയാനുണ്ടെങ്കിൽ എന്റെ മുഖത്ത് നോക്കി പറയൂ,' അഭിഷേക് പ്രതികരിച്ചു

അഭിഷേക് ബച്ചനും ഐശ്വര്യ റായിയും 2007 ൽ വിവാഹിതരായി. 2011 നവംബർ 16 ന് ആരാധ്യ എന്ന മകൾ പിറന്നു

ആരോഗ്യത്തെക്കുറിച്ചുള്ള വ്യാജ വർത്തയ്‌ക്കെതിരെയാണ് താരപുത്രി കോടതിയെ സമീപിച്ചത്. ആരാധ്യയുടെ നടത്തം, ഹെയർസ്റ്റൈൽ എന്നിവ പലപ്പോഴും ട്രോളുകൾക്ക് പാത്രമായിട്ടുണ്ട്