Actor Bala | ഉണ്ണി മുകുന്ദൻ പ്രതിഫലം നൽകിയില്ല എന്ന് ബാല; പ്രതികരണവുമായി സിനിമയുടെ അണിയറപ്രവർത്തകൻ

ഉണ്ണി മുകുന്ദൻ നിർമ്മിച്ചു നായകവേഷം ചെയ്ത ചിത്രമാണ് അടുത്തിടെ പുറത്തിറങ്ങിയ 'ഷെഫീക്കിന്റെ സന്തോഷം' (Shefeekkinte Santhosham). ചിത്രത്തിൽ നടൻ ബാലയും (actor Bala) വേഷമിട്ടിരുന്നു. അമീർ എന്ന വേഷം ശ്രദ്ധ നേടുകയും ചെയ്തു. നവാഗതനായ അനൂപ് പന്തളം സംവിധാനം ചെയ്ത സിനിമയാണ്. ചിത്രത്തിന് കുടുംബ പ്രേക്ഷകരുടെ പിന്തുണയുമുണ്ട്. ചിത്രം വിജയിച്ച വേളയിൽ തനിക്കു പ്രതിഫലം കിട്ടിയില്ല എന്ന ആരോപണവുമായി ബാല രംഗത്ത്

തനിക്കോ സംവിധായകൻ ഉൾപ്പെടുന്ന അണിയറപ്രവർത്തകർക്കോ പണം ലഭിച്ചില്ല എന്ന് ബാലയുടെ ആരോപണം. ഓൺലൈൻ മാധ്യമങ്ങൾക്ക് അനുവദിച്ച അഭിമുഖത്തിലാണ് ബാലയുടെ വെളിപ്പെടുത്തൽ. ഗുരുതര ആരോപണങ്ങളാണ് ബാല ഉന്നയിച്ചത് (തുടർന്ന് വായിക്കുക)

രജനികാന്തും കമൽ ഹാസനും വരെ ആദ്യമായി വേഷമിട്ട ചിത്രങ്ങൾ നിർമ്മിച്ച പാരമ്പര്യമാണ് തന്റെ കുടുംബത്തിന്റേതു എന്ന് ബാല. ഇതുവരെയും ആർക്കും പണംകൊടുക്കാതിരുന്നിട്ടില്ല. ഷെഫീക്കിന്റെ സന്തോഷം സിനിമയിൽ അഭിനയിച്ചതിന് പലർക്കും പ്രതിഫലം കിട്ടിയിട്ടില്ല

നടൻ ഷഹീൻ സിദ്ധിഖിനെ വിളിച്ചന്വേഷിച്ചപ്പോൾ അദ്ദേഹത്തിനും പ്രതിഫലം കിട്ടിയില്ല എന്നറിഞ്ഞു എന്ന് ബാല. പ്രാരാബ്ധക്കാരായ പിന്നണിപ്രവർത്തകർക്ക് പ്രതിഫലം നൽകാത്തത് കഷ്‌ടമാണെന്നും ബാല പറഞ്ഞു

സിനിമയുടെ ഭാഗമായ നടിമാർക്ക് പണം നൽകി എന്നും ആരോപണമുണ്ട്. എന്നാൽ സിനിമയുടെ ലൈൻ പ്രൊഡ്യൂസർ പരാമർശത്തെ തുടർന്ന് രംഗത്തെത്തി. ബാല പ്രതിഫലം വേണ്ടെന്നു പറഞ്ഞാണ് അഭിനയിച്ചത് എന്ന് വിനോദ് മംഗലത്ത് മനോരമയോട് പ്രതികരിച്ചു

ഉണ്ണി സഹോദരനെ പോലെയാണെന്നും, അതിനാൽ പ്രതിഫലം വേണ്ടെന്നുമായിരുന്നു ബാല പറഞ്ഞത്. ചിത്രീകരണശേഷവും ഇത് തന്നെ പറഞ്ഞുവത്രേ. എന്നിട്ടും രണ്ടു ലക്ഷം രൂപ നൽകി. ഇത് ഡബ്ബിങ് പൂർത്തിയായ വേളയിലായിരുന്നു. സിനിമയിൽ എല്ലാവര്ക്കും പ്രതിഫലം നൽകി എന്നും വിനോദ്

'ഈ ചിത്രത്തിന്റെ പിന്നിൽ പ്രവർത്തിച്ച ഒരാൾക്ക് പോലും പ്രതിഫലം കൊടുക്കാതെ ഇരുന്നിട്ടില്ല. ഇപ്പോൾ സിനിമ ലാഭം ആയതുകൊണ്ടാണ് എല്ലാവരും ഇങ്ങനെ സംസാരിക്കുന്നത് എന്നാണ് തോന്നുന്നത്. ഉണ്ണി മുകുന്ദനാണ് ബാലയെ ചിത്രത്തിനുവേണ്ടി സജസ്റ്റ് ചെയ്യുന്നത്,' വിനോദ് പറഞ്ഞു