Actor Bala | സന്തോഷത്തിന്റെ നാളുകളിലേക്ക് ബാല; എലിസബത്തിനെ ചേർത്തുപിടിച്ച് ആശുപത്രിയിൽ നിന്നും നടന്റെ പോസ്റ്റ്

ബാലയുടെ (Actor Bala) മുഖത്ത് ഇപ്പോൾ കാണുന്നത് അതിജീവനത്തിന്റെയും പ്രാർത്ഥനയുടെയും സന്തോഷമാണ്. അൽപ്പം വൈകി എങ്കിലും ഭാര്യ എലിസബത്തിനെയും ചേർത്തു പിടിച്ച് ബാല ഈസ്റ്റർ ആശംസിച്ചു. ഈ ചിത്രം തന്നെ ഫേസ്ബുക്ക് കവർ ഫോട്ടോയായി ബാല പോസ്റ്റ് ചെയ്തു. താരത്തിന്റെ ലിവർ ട്രാൻസ്‌പ്ലാന്റ് ശസ്ത്രക്രിയ വിജയകരമായിരുന്നു

ഒരുപാട് കാരുണ്യ പ്രവർത്തി ചെയ്ത ബാലയ്‌ക്കു വേണ്ടി പ്രാർത്ഥനകളുമായി എത്തിയവർ നിരവധിയാണ്. അക്കൂട്ടത്തിലാണ് ഈ കുരുന്നുകളും. അവർ തനിക്കു വേണ്ടി പ്രാർത്ഥന നടത്തുന്ന വീഡിയോയും ബാലയുടെ പേജിൽ കാണാം (തുടർന്ന് വായിക്കുക)

ശസ്ത്രക്രിയ നടക്കുന്നതിനും മുൻപ് ബാലയും എലിസബത്തും ആശുപത്രിയിൽ വച്ച് രണ്ടാം വിവാഹവാർഷികം ആഘോഷിച്ചിരുന്നു. കേക്ക് മുറിച്ചാണ് വാർഷികം ചെറിയ രീതിയിൽ അവർ ആഘോഷമാക്കിയത്. ബാലയുടെ ചിറ്റപ്പനും ചിറ്റമ്മയും ഒപ്പമുണ്ടായിരുന്നു

വളരെ ഹൃദയസ്പർശിയായ വാക്കുകളാണ് ബാല ആ വേളയിൽ പറഞ്ഞത്. ശസ്ത്രക്രിയ കഴിഞ്ഞാൽ രണ്ടു സാധ്യതകളുണ്ട് എന്ന് ബാല പറഞ്ഞിരുന്നു. ഏവരുടെയും പ്രാർത്ഥനകൾ ഫലം കണ്ടു. ബാല ജീവിതത്തിലേക്ക് മടങ്ങിവന്നു

കരൾരോഗ സംബന്ധിയായി ബാലയെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. നടന്റെ അവസ്ഥ ഗൗരവതരമെന്ന് ആദ്യമേ റിപോർട്ടുകൾ പുറത്തുവന്നു. സംഭവം അറിഞ്ഞതും മകൾ അവന്തികയെയും കൂട്ടി മുൻ ഭാര്യ അമൃതയും കുടുംബവും ആശുപത്രിയിൽ എത്തി

നീണ്ട നാളുകൾക്കു ശേഷം ബാല അടുത്തിടെ 'ഷെഫീക്കിന്റെ സന്തോഷം' എന്ന സിനിമയിലൂടെ മടങ്ങിയെത്തിയിരുന്നു. ബാല ആശുപത്രയിൽ ആണെന്നറിഞ്ഞതും നടൻ ഉണ്ണി മുകുന്ദൻ കാണാൻ എത്തിയിരുന്നു

അടുത്ത വിവാഹവാർഷികത്തിന് ബാലയ്‌ക്കൊപ്പം ഡാൻസ് ചെയ്യുന്ന വീഡിയോ ഉണ്ടാവും എന്നാണ് ആത്മവിശ്വാസത്തോടെ എലിസബത്ത് മുൻപ് പറഞ്ഞത്. ബാല ആരോഗ്യവാനാണ് എന്നറിഞ്ഞ ആരാധകർ അവരുടെ സന്തോഷം കമന്റ് സെക്ഷനിൽ പ്രകടിപ്പിക്കുന്നുണ്ട്