Actor Bala | 'കുടിച്ചു കരൾ പോയതല്ല, ആ രണ്ടു പേരുടെ പേര് ഞാൻ പറഞ്ഞാൽ...' ശസ്ത്രക്രിയക്ക് ശേഷം നടൻ ബാല

എന്നും എപ്പോഴും മറ്റുള്ളവരുടെ സന്തോഷവും നന്മയും മനസിൽക്കണ്ടു പ്രവർത്തിക്കുന്ന നടൻ ബാല (actor Bala) കരൾ മാറ്റിവയ്ക്കൽ ശസ്ത്രക്രിയ കഴിഞ്ഞ് പൂർണ ആരോഗ്യവാനായി എത്തിക്കഴിഞ്ഞു. ഡോക്ടർമാർ പ്രതീക്ഷിച്ചതിലും വേഗത്തിൽ ബാല സുഖംപ്രാപിച്ചു കഴിഞ്ഞു. ഒന്നര മാസമാകുമ്പോഴേക്കും ജിമ്മിൽ പോയി വെയ്റ്റ് ട്രെയിനിങ് ഒക്കെ ചെയ്യാൻ താൻ പ്രാപ്തനായി എന്ന് ബാല

രോഗം ബാധിച്ചത് കരളിൽ ആയതുകൊണ്ട് തന്നെ ബാല മദ്യപിച്ചാണ് അങ്ങനെയുണ്ടായത് എന്ന് ചിലരെങ്കിലും ആക്ഷേപിക്കാതിരുന്നില്ല. എന്നാൽ തന്റെ ഈ അവസ്ഥ കുടിച്ചു കരൾ നഷ്‌ടപ്പെട്ടതല്ല എന്ന് ബാല അടിവരയിട്ട് പറയുന്നു. തന്റെ അവസ്ഥയുടെ യഥാർത്ഥ കാരണവും. ഫില്മിബീറ്റിന് നൽകിയ പ്രത്യേക അഭിമുഖത്തിലാണ് ബാല ഇക്കര്യങ്ങൾ വെളിപ്പെടുത്തിയത് (തുടർന്ന് വായിക്കുക)

ബാലയ്ക്ക് വേണ്ടി ഒരുപാട് പേർ പ്രാർത്ഥനയുമായി ഒപ്പമുണ്ടായിരുന്നു. അദ്ദേഹത്തിന് കരൾ ദാനം ചെയ്ത വ്യക്തി പോലും ബാലയുടെ ജീവകാരുണ്യ പ്രവർത്തനങ്ങളിൽ അദ്ദേഹത്തോടുണ്ടായ ബഹുമാനാർത്ഥം മുന്നോട്ടു വന്നതാണ്. എല്ലാം അവസാനിച്ചു എന്ന് പറഞ്ഞയിടത്തു നിന്നും ബാല ജീവിതത്തിലേക്ക് കുതിച്ചു പാഞ്ഞു

ആശുപത്രിയിൽ ആയിരുന്ന വേളയിൽ നടൻ ഉണ്ണി മുകുന്ദൻ എത്തിച്ചേർന്നിരുന്നു. മോഹൻലാലും ടൊവിനോ തോമസും വിളിച്ച് വിവരങ്ങൾ അന്വേഷിച്ചു. ശസ്ത്രക്രിയക്കായി കാത്തുനിന്ന വേളയിൽ നടന്മാരായ സുരേഷ് കൃഷ്ണയും ബാബുരാജും എത്തി

അവർ കൂടെ ഉണ്ടായി. വലിയ തുക ചെലവഴിക്കേണ്ട സാഹചര്യത്തിൽ സഹായം വേണോ എന്ന് അവർ അന്വേഷിച്ചു എന്നും ബാല. അത് വേണ്ടിവന്നില്ല. പക്ഷേ അങ്ങനെ ചോദിക്കാനുള്ള മനസിനെ ബാല അഭിനന്ദിച്ചു

ഇനി അടുത്ത മാസം സിനിമയുടെ ഷൂട്ടിങ്ങിന് പോകാനുള്ള തയാറെടുപ്പിലാണ് ബാല. ആറുമാസം കൊണ്ട് റിക്കവറി നേടുന്ന വ്യക്തികളുടെ അതേ പ്രതികരണമാണ് ബാലയ്ക്കുണ്ടായത് എന്ന് ഡോക്ടർ പോലും അത്ഭുതപ്പെട്ടു. പക്ഷേ കുടിച്ചു കരൾ പോയി എന്ന ആരോപണം നിലനിൽക്കില്ല

മദ്യപിച്ചിട്ടുണ്ടോ എന്ന് ചോദിച്ചാൽ ഇല്ല എന്നൊന്നും ബാല പറയില്ല. പക്ഷേ കരൾരോഗത്തിൽ അവസാനിച്ചത് അതൊന്നുമല്ല. 'ഞാൻ രണ്ടു വ്യക്തികളുടെ പേര് പറയട്ടേ. പറഞ്ഞാൽ അവർ ജയിലിലാവും' എന്ന് ബാല ഈ ചോദ്യത്തിന് മറുപടിയെന്നോണം ആങ്കറിനോടായി പറഞ്ഞു

എന്നാൽ അതിന്റെ പിറകേ പോയാൽ വീണ്ടും ടെൻഷൻ, കേസ് തുടങ്ങിയവയൊക്കെയായി ഭാവി ജീവിതം താറുമാറാകുമെന്നും, അക്കാരണത്താൽ താൽപ്പര്യമില്ല എന്നും ബാല

ചില ബന്ധങ്ങൾ താൻ വേണ്ടെന്നു വച്ച് കഴിഞ്ഞു. ഇപ്പോൾ പ്രതിബദ്ധത ദൈവത്തോട് മാത്രമാണ് എന്നും ബാല വ്യക്തമാക്കി

ബാല ശസ്ത്രക്രിയ കഴിഞ്ഞിറങ്ങിയതും ആദ്യം ഓടിയെത്തിയ സുഹൃത്തുക്കളിൽ ഒരാൾ നടൻ മുന്ന സൈമൺ ആണ്. ഒരു ഹോട്ടലിൽ ബാലയും ഭാര്യ എലിസബത്തും മുന്നയും സുഹൃത്തും കണ്ടുമുട്ടിയിരുന്നു. നടൻ രമേശ് പിഷാരടിയും തനിക്ക് മെസ്സേജ് അയച്ചു എന്ന് ബാല അഭിമുഖത്തിനിടെ പറഞ്ഞിരുന്നു