Actor Bala | പുതിയ ബെൽറ്റ്, ശത്രുവിന്റെ ശത്രു മിത്രം... ബാലയുടെ പുതിയ പോസ്റ്റിനു താഴെ കമന്റ് പ്രളയം

നടൻ ബാലയുടെ (Actor Bala) ഏറ്റവും പുതിയ ചിത്രത്തിന് താഴെ കമന്റ് പെരുമഴ. മോഹൻലാലിൻറെ 'ആറാട്ട്' സിനിമ മുതൽ തിയേറ്ററിനു പുറത്തുനിന്നും സിനിമാ റിവ്യൂ പറയുന്നതിലൂടെ ശ്രദ്ധ നേടിയ സന്തോഷ് വർക്കി, ഉണ്ണി മുകുന്ദനുമായുള്ള വാക്കുതർക്കത്തിന്റെ പേരിൽ വാർത്തകളിൽ ഇടം നേടിയ സീക്രെട്ട് ഏജന്റ് എന്ന യൂട്യൂബ് വ്ലോഗർ എന്നിവരാണ് ബാലയുടെ ഏറ്റവും പുതിയ ഫോട്ടോയിൽ ഒപ്പമുള്ളത്

സീക്രെട് ഏജന്റ് - ഉണ്ണി മുകുന്ദൻ ഫോൺ സംഭാഷണത്തിന് മുൻപ്, നടനുമായി ബാലക്ക് തർക്കമുണ്ടായിരുന്നു. 'ഷെഫീക്കിന്റെ സന്തോഷം' എന്ന സിനിമയിൽ പ്രതിഫലം ലഭിച്ചില്ല എന്നായിരുന്നു ബാലയുടെ ആരോപണം. എന്നാൽ വെറുതെ വന്നഭിനയിക്കാം എന്ന് പറഞ്ഞിട്ടും ഒരു തുക നൽകി എന്ന് ഉണ്ണി തെളിവുകൾ നിരത്തി. ഇതാണ് ബാലയുടെ ഫോട്ടോയ്ക്ക് താഴെയുള്ള കമന്റുകളുടെ ഹേതു (തുടർന്ന് വായിക്കുക)

'അനിഷ്ടങ്ങൾ ജനിക്കുമ്പോൾ ശത്രുവിന്റെ ശത്രു മിത്രo ആകുന്നു. ആയിരം ശത്രുക്കളെക്കാൾ അപകടകാരി ആണ് സ്നേഹത്തിൽ വിഷം ചേർത്ത ഒരു മിത്രമായ ശത്രു..., ഈ ബെൽറ്റ് കൊള്ളാം, ഇത്രക്ക് ചീപ് ആരുന്നോ ആർട്ടിസ്റ് ബാല?' എന്നിങ്ങനെ പോകുന്നു കമന്റുകൾ

സാഹോദര്യത്തിന്റെ സന്ദർശനം എന്നാണ് ബാല നൽകിയ ക്യാപ്‌ഷൻ. എല്ലാവരെയും ദൈവം അനുഗ്രഹിക്കട്ടെ എന്നും ബാല

ഉണ്ണി പത്രസമ്മേളനം നടത്തിയ ശേഷം ബാല ചില അഭിമുഖങ്ങൾ സമൂഹ മാധ്യമങ്ങളിൽ നൽകിയിരുന്നു. അതിനു ശേഷം ബാലയുടെ വീട്ടിൽ കുറച്ചുപേർ അതിക്രമിച്ചു കയറി ഭാര്യ മാത്രമുള്ള സമയം അക്രമം കാട്ടാൻ ശ്രമിച്ചു എന്ന് പോലീസിൽ പരാതി നൽകുകയും ചെയ്തു

ഈ സന്ദർശനം വെറുമൊരു സൗഹൃദ സന്ദർശനം എന്നാണ് ബാല ഫോട്ടോയിൽ നൽകുന്ന സൂചന. ഉണ്ണി മുകുന്ദന്റെ ഫാൻസും ചിത്രത്തിന് താഴെ കമന്റ് ചെയ്തവരിൽ ഉൾപ്പെടുന്നു