Actor Bala | ജീവിതത്തിൽ കഞ്ചാവ് തൊട്ടിട്ടില്ല; ചെന്നൈയ്ക്കു പോകുകയാണ് എന്ന് നടൻ ബാല

പ്രതിഫല വിഷയത്തെത്തുടർന്ന് നടൻ ബാല (actor Bala) വാർത്തകളിൽ ഇടം നേടിയിരുന്നു. പണം ആവശ്യപ്പെടാതെ അഭിനയിച്ചിട്ടും 'ഷെഫീക്കിന്റെ സന്തോഷം' എന്ന സിനിമയ്ക്കായി രണ്ടു ലക്ഷം രൂപ നൽകിയതായി ഉണ്ണി മുകുന്ദൻ വാർത്താ സമ്മേളനത്തിൽ മറുപടിയായി പറയുകയും ചെയ്തു. ശേഷം ബാലയ്ക്കു നേരെ തുരുതുരെ സൈബർ ആക്രമണവുമുണ്ടായി

ഈ വേളയിൽ ബാല ഒരു യൂട്യൂബ് മാധ്യമത്തിന് നൽകിയ അഭിമുഖത്തിലെ വാക്കുകൾ വൈറലാവുകയാണ്. വിവാദത്തിനു ശേഷം ബാല നൽകിയ അഭിമുഖമാണിത്. ബാല പറയുന്നത് കേൾക്കാം: ‘ഞാൻ ചെന്നൈയ്ക്കു പോകുകയാണ്. മനസ്സ് ശരിയല്ല. എല്ലാവരും ഒറ്റപ്പെടുത്തിയതുപോലെ തോന്നുന്നു. ആരോടും ഇങ്ങനെ ചെയ്യാൻ പാടില്ല (തുടർന്ന് വായിക്കുക)

എന്റെ അടുത്ത് കാശ് തരാൻ പറ്റില്ല എന്നു പറഞ്ഞിരുന്നെങ്കിൽ കാശ് ചോദിക്കില്ലായിരുന്നു. ഇപ്പോഴും ഞാൻ ചോദിച്ചിട്ടില്ല. പക്ഷേ സഹായം ചോദിച്ച് എന്റെ വീട്ടിൽ പാതിരാത്രിവന്ന് സംസാരിച്ചവരുടെ ഡയലോഗ് ഒക്കെ എനിക്കറിയാം. എന്നിട്ടും ഈ നിമിഷം വരെ ഒരാൾ പോലും എന്നെ വിളിച്ചില്ല...

മനോജ് കെ. ജയന്‍ ചേട്ടൻ എന്നെ വിളിച്ചിരുന്നു. നല്ല മനുഷ്യനാണ് അദ്ദേഹം. വലിയ വലിയ ആളുകളൊക്കെ എവിടെപ്പോയി. എന്റെ ജീവിതത്തിൽ ഞാൻ കഞ്ചാവ് തൊട്ടിട്ടില്ല. വല്ലാത്തൊരു അവസ്ഥയിലാണ് ഇപ്പോഴുളളത്...

എല്ലാവരും എന്റെ അരികിൽ വന്ന് പരാതി പറഞ്ഞപ്പോഴാണ് ഞാൻ മീഡിയയുടെ മുന്നിൽ വന്നത്. ഇപ്പോൾ അവരെല്ലാം പരാതി പിൻവലിച്ചു...

അവരാണ് ഇങ്ങോട്ടുവന്നത്. ആദ്യം അത് മനസ്സിലാക്കൂ. ഇനി എത്ര ഒച്ചയിൽ ഞാൻ പറയണം. ഇനി നല്ല മനുഷ്യരുടെ കൂടെ മാത്രം പ്രവർത്തിക്കും,’’ബാല പറഞ്ഞു