Bhanupriya | ഓർമ്മ നഷ്‌ടപ്പെടുന്ന അവസ്ഥയിൽ നടി ഭാനുപ്രിയ; രണ്ടു വർഷമായി താരം ഇങ്ങനെ

മലയാളത്തിൽ രാജശില്പി, അഴകിയ രാവണൻ, കൊച്ചു കൊച്ചു സന്തോഷങ്ങൾ, കുലം തുടങ്ങിയ സിനിമകളിലൂടെ കഴിവ് തെളിയിച്ച ആന്ധ്രക്കാരി സുന്ദരി. മലയാളി അല്ലെങ്കിലും ശാലീനത തുളുമ്പുന്ന മലയാളി മങ്കയായി സ്‌ക്രീനിൽ നിറയാൻ ഭാനുപ്രിയയ്‌ക്ക്‌ (Bhanupriya) ഒരു പ്രത്യേക ചാരുത ഉണ്ടായിരുന്നു. മുൻകാലങ്ങളിലെ നടിമാർ പിൻതുടർന്ന പാതയിൽത്തന്നെ ഭാനുപ്രിയയും സഞ്ചരിച്ചു. സിനിമയ്ക്കൊപ്പം കുടുംബവും കുഞ്ഞുമായി ഭാനുപ്രിയ സജീവമായി

സിനിമയിൽ ഭാനുപ്രിയ വിവാഹശേഷവും സജീവമായിരുന്നെങ്കിലും, മലയാളത്തിലേക്കുള്ള വരവ് കുറഞ്ഞു. അതിനിടെ താരം വിവാഹമോചിതയായി എന്ന് വാർത്ത വന്നു. ഭർത്താവ് 2018ൽ ഹൃദയാഘാതം മൂലം മരണമടഞ്ഞു. എന്നാൽ സന്തോഷം പകരുന്ന വാർത്തയല്ല ഭാനുപ്രിയയെക്കുറിച്ച് ഇപ്പോൾ പുറത്തുവരുന്നത് (തുടർന്ന് വായിക്കുക)

ഒരു തെലുങ്ക് യൂട്യൂബ് ചാനലിന് നൽകിയ അഭിമുഖത്തിൽ താൻ ഓർമക്കുറവ് നേരിടുന്നന്തായി ഭാനുപ്രിയ വെളിപ്പെടുത്തി. ക്ലാസിക്കൽ നർത്തകിയായ ഭാനുപ്രിയ നൃത്തത്തിലും സജീവമല്ലാതായി. തനിക്ക് സംഭവിച്ചതെന്തെന്നു ഭാനുപ്രിയ വ്യക്തമാക്കുന്നു

'എനിക്ക് ഈയിടെയായി സുഖമില്ല. ഓർമ്മശക്തി കുറയുന്നു. പഠിച്ച ചില കാര്യങ്ങൾ ഞാൻ മറന്നു. പിന്നീട് നൃത്തത്തോടുള്ള താൽപര്യം കുറഞ്ഞു. വീട്ടിൽ പോലും ഞാൻ നൃത്തം പരിശീലിക്കാറില്ല,' ഭാനുപ്രിയ പറഞ്ഞു. കഴിഞ്ഞ രണ്ട് വർഷമായി തനിക്ക് ഓർമക്കുറവ് അനുഭവപ്പെടുന്നുണ്ടെന്ന് നടി

അടുത്തിടെ ഒരു സിനിമാ ലൊക്കേഷനിൽ വെച്ച് ഡയലോഗുകൾ മറന്നു. ഓർത്തിരിക്കേണ്ട പലതും താൻ മറക്കുകയാണെന്ന് ഭാനുപ്രിയ വെളിപ്പെടുത്തി. അടുത്തിടെ 'സില നേരങ്ങളിൽ സില മനിദർഗൾ' എന്ന സിനിമയിലൂടെ സെറ്റിൽ വച്ച് ഡയലോഗുകൾ മറന്നതായി ഭാനുപ്രിയ

പിരിമുറുക്കമോ വിഷാദമോ തന്നെ അലട്ടുന്നില്ല. മറവിക്ക്‌ കാരണം മോശം ആരോഗ്യാവസ്ഥ മാത്രമാണ്. ചില മരുന്നുകൾ കഴിക്കുനന്നതായും ഭാനുപ്രിയ

ഭർത്താവുമായി പിരിഞ്ഞിരുന്നു എന്ന വാർത്തയും തെറ്റാണെന്ന് ഭാനുപ്രിയ. അദ്ദേഹം ഹൈദരാബാദിലും താൻ ചെന്നൈയിലും ആയിരുന്നു താമസം. അവസരം കിട്ടുമ്പോൾ അഭിനയിച്ചു. ഒരുപാട് യാത്ര ചെയ്തു. വിവാഹമോചനം നേടി എന്ന വാർത്തയിൽ സത്യമില്ല

20കാരിയായ അഭിനയ ഏകമകളാണ്. ലണ്ടനിലെ ലോഫ്ബറോ യൂണിവേഴ്സിറ്റി വിദ്യാർത്ഥിനിയാണ്. നാച്ചുറൽ സയൻസ് ആണ് വിഷയം. അവധി കിട്ടുമ്പോൾ മകൾ അമ്മയുടെ അടുത്തെത്തും എന്നും ഭാനുപ്രിയ