Sana Khan | നടി സന ഖാൻ അമ്മയാവുന്നോ? വിവാഹം കഴിഞ്ഞ് രണ്ടുവർഷത്തിന് ശേഷമുള്ള പോസ്റ്റിൽ കണ്ണുംനട്ട് ആരാധകർ

ബോളിവുഡ്, തെന്നിന്ത്യൻ സിനിമകളിൽ ഗ്ലാമർ പരിവേഷത്തിലൂടെ ഒരുകാലത്ത് നിറഞ്ഞു നിന്ന നടിയാണ് സന ഖാൻ (Sana Khan). രണ്ടു വർഷം മുൻപ് വിവാഹം കഴിഞ്ഞതോടെ സിനിമയുടെ വെള്ളിവെളിച്ചത്തിൽ നിന്നും സന അപ്രത്യക്ഷയായി. അതിനും മുൻപ് തന്നെ ഇനി ദൈവീക ചിന്തയോടെ ജീവിക്കാനാണ് തീരുമാനം എന്ന് പറഞ്ഞ് താരം മുന്നോട്ടു വന്നിരുന്നു

അനസ് സായിദ് ആണ് സനയുടെ ഭർത്താവ്. അദ്ദേഹവുമൊത്ത് ഉംറക്ക് പോയ വിശേഷങ്ങൾ പങ്കിട്ടു കൊണ്ട് സന വീണ്ടും സോഷ്യൽ മീഡിയയിൽ എത്തി. ഈ ഉംറ തനിക്കു വളരെ സ്പെഷ്യൽ ആണ് എന്നായിരുന്നു സന കുറിച്ചത്. ഇത് കൂടുതൽ ചർച്ചകൾക്ക് വഴിവച്ചു കഴിഞ്ഞു (തുടർന്ന് വായിക്കുക)

സ്പെഷ്യൽ ആയതിന്റെ കാരണം ഉടൻ എല്ലാവരോടുമായി പങ്കിടും എന്നായിരുന്നു സന കുറിച്ചത്. സന അമ്മയാവാൻ ഒരുങ്ങുകയാണോ എന്നായിരുന്നു പലരും ഈ ചിത്രങ്ങൾക്ക് താഴെ ചോദിച്ചത്

2022ലും സന ഖാൻ ഭർത്താവുമൊന്നിച്ച് ഹജ്ജിനു പോയിരുന്നു. മക്ക നഗരത്തിലെ പല കാഴ്ചകളും സന പോസ്റ്റ് ചെയ്യുകയുണ്ടായി. എന്നാൽ സന വിശ്വാസത്തെ കൂട്ടുപിടിച്ച് പബ്ലിസിറ്റി നേടാൻ ശ്രമിക്കുകയാണോ എന്ന് പലരും ചോദിക്കുകയുണ്ടായി

ഭർത്താവുമൊന്നിച്ചുള്ള സന്തോഷകരമായ ദാമ്പത്യ ജീവിതമാണ് തന്റേതെന്ന് സന ഖാന്റെ പോസ്റ്റുകൾ പറയാതെ പറയുന്നുണ്ട്. വിവാഹം കഴിഞ്ഞത് മുതൽ സന പ്രധാന ജീവിതമുഹൂർത്തങ്ങൾ പോസ്റ്റ് ചെയ്യാറുണ്ട്

2022 മാർച്ച് മാസത്തിൽ തന്റെ ഇൻസ്റ്റഗ്രാം ഹാൻഡിലിൽ ഒരു ആഡംബര ഹോട്ടൽ സന്ദർശിച്ച്‌ ലോകത്തിലെ ഏറ്റവും ചെലവേറിയ ചായകളിൽ ഒന്ന് കുടിക്കുന്നതിന്റെ ചിത്രങ്ങൾ പങ്കിട്ടു. ബുർജ് ഖലീഫയിലെ ലോകത്തിലെ ഏറ്റവും ഉയരം കൂടിയ റെസ്റ്റോറന്റിൽ സന സ്വർണം പൂശിയ ചായ കുടിക്കുന്നതാണ് ചിത്രങ്ങളിൽ കണ്ടത്