Ayisha | ഇത് മഞ്ജു വാര്യർ അല്ലാ, അല്ലാ, അല്ലാ; സത്യമായിട്ടും അല്ല; പക്ഷെ ഈ മേക്കോവറിലെ ആളെ നിങ്ങൾക്കറിയാം

കണ്ണില് കണ്ണില്... എന്ന ഗാനത്തിൽ പാറിപ്പറക്കുന്ന പക്ഷിയെപ്പോലെ വേഷമിട്ട് മഞ്ജു വാര്യർ ആടിത്തകർത്തത് കണ്ട് കയ്യടിച്ച ആരാധകരില്ലേ? തമിഴകത്തു നിന്നും പ്രഭു ദേവ നേരിട്ടെത്തി ചിട്ടപ്പെടുത്തിയ സ്റ്റെപ്പുകളാണ് മഞ്ജു ചുവടുതീർത്ത് മനോഹരമാക്കിയത്. 'ആയിഷ' എന്ന സിനിമയിലാണ് ഈ ഗാനവും മഞ്ജുവിന്റെ നൃത്തവുമുള്ളത്. എന്നാൽ ഈ ഫോട്ടോയിൽ നിങ്ങൾ രണ്ടു പകുതിയിലും കാണുന്നത് മഞ്ജു വാര്യരെ ആണെന്ന് ഉറപ്പുണ്ടോ? അല്ല എന്നാണ് ഉത്തരം

മിനി-സ്ക്രീൻ പ്രേക്ഷകരുടെ ഇഷ്‌ടതാരമായ സൗപർണിക സുഭാഷ് ആണ് ഇത്. 'ആയിഷ' മേക്കോവർ നടത്തി മഞ്ജു അണിഞ്ഞത് പോലുള്ള പാറിപ്പറന്ന വസ്ത്രവും മേക്കപ്പും തലമുടിയുമായാണ് സൗപർണികയുടെ ഫോട്ടോഷൂട്ട്. ഒട്ടേറെ സീരിയലുകളിൽ സൗപർണിക ജനപ്രിയ കഥാപാത്രങ്ങൾ അവതരിപ്പിച്ചിട്ടുണ്ട് (തുടർന്ന് വായിക്കുക)

സിനിമകൾക്ക് വസ്ത്രാലങ്കാരം ചെയ്യുന്ന സമീറ സനീഷ് ആണ് സൗപർണികയുടെ വസ്ത്രവും രൂപപ്പെടുത്തിയത് എന്ന് ഇൻസ്റ്റഗ്രാമിൽ പോസ്റ്റ് ചെയ്ത ചിത്രങ്ങളുടെ ഫോട്ടോ ക്രെഡിറ്റിൽ പറഞ്ഞിട്ടുണ്ട്

ആരാധകരും സഹപ്രവർത്തകരും സൗപര്ണികയ്ക്ക് ആശംസകൾ അർപ്പിച്ചുകൊണ്ട് ഫോട്ടോയിൽ കമന്റ് ചെയ്തു. സൗപർണിക ധരിച്ച വസ്ത്രത്തെയും ആഭരങ്ങളെയും കുറിച്ച് പറയുന്നവരുമുണ്ട്. ആയിഷ സംവിധായകൻ ആമിർ പള്ളിക്കലും കമന്റ് ചെയ്തിട്ടുണ്ട്

നടി നിലമ്പൂർ ആയിഷയുടെ ജീവിതത്തിന്റെ ഒരു പരിച്ഛേദം കൂടിയാണ് ഈ ചിത്രം. അവർ നേരിട്ട വെല്ലുവിളികളുടെ ഒരംശം ആയിഷയിൽ ഉൾപ്പെട്ടിട്ടുണ്ട്. മെച്ചപ്പെട്ട ജീവിതം സ്വപ്നം കണ്ട് ഗൾഫിലെ ഒരു വീട്ടിൽ സഹായിയായി പോകുന്ന ആയിഷയുടെ ജീവിതമാണ് സിനിമയിൽ

ഏറെ നാളുകൾക്കു ശേഷം ചലച്ചിത്ര നടി രാധിക മലയാള സിനിമയിലേക്ക് മടങ്ങിവന്ന ചിത്രം എന്ന പ്രത്യേകതയും ആയിഷയ്ക്കുണ്ട്