Shocking | വീർത്തുപൊങ്ങിയ മുഖവുമായി നടി സ്വാതി സതീഷ്; താരത്തിന് സംഭവിച്ച അവസ്ഥയിൽ ഞെട്ടി ആരാധകരും

മുഖസൗന്ദര്യവും ഭാവവും വ്യക്തിത്വവും അഭിനയലോകത്തെ പ്രധാന സവിശേഷതകളാണ്. അതിനാൽ, അവരുടെ മുഖത്ത് എന്തെങ്കിലും സംഭവിക്കുമ്പോൾ, അത് അവരുടെ കരിയറിനെ ചെറുതല്ലാത്ത രീതിയിൽ ബാധിക്കാറുണ്ട്. മലയാള സീരിയൽ/ സിനിമ താരം മനോജ് അത്തരമൊരു അനുഭവത്തിലൂടെ കടന്നുപോയ അവസ്ഥ അടുത്തിടെ പുറത്തുവിട്ടിരുന്നു. ഇപ്പോഴിതാ മറ്റൊരു സീരിയൽ താരവും സമാന അവസ്ഥ നേരിട്ടിരിക്കുകയാണ്

നടി സ്വാതി സതീഷിന്റെ ഏറ്റവും പുതിയ ചിത്രങ്ങൾ കണ്ട പ്രേക്ഷകർ തെല്ലൊന്നുമല്ല ഞെട്ടിത്തരിച്ചത്. താരത്തിന്റെ മുഖമാകെ വീർത്തിരിക്കുന്നു. പ്രത്യേകിച്ചും ചുണ്ടുകളും കവിളും വരുന്ന ഭാഗം. തനിക്കു സംഭവിച്ചതിനെക്കുറിച്ച് സ്വാതി തന്നെ പറഞ്ഞുകഴിഞ്ഞു (തുടർന്നു വായിക്കുക)

ബെംഗളുരു സ്വദേശിനിയായ നടിക്ക് റൂട്ട് കനാൽ തെറാപ്പി പരാജയപ്പെട്ടതിനെ തുടർന്ന് അടുത്തിടെ വേദന ഉണ്ടാവുകയും, മുഖം വീർക്കുകയുമായിരുന്നു. മുഖത്തെ നീർക്കെട്ട് രണ്ടോ മൂന്നോ ദിവസത്തിനുള്ളിൽ മാറുമെന്ന് ദന്തഡോക്ടർ നടിക്ക് ഉറപ്പ് നൽകി എങ്കിലും അത് നടന്നില്ല

എന്നിരുന്നാലും, മൂന്നാഴ്ച കഴിഞ്ഞിട്ടും നടിക്ക് ഇപ്പോഴും വീർത്ത മുഖവും വേദനയും ഉണ്ട്. വീർത്ത മുഖം കാരണം സ്വാതിയെ മിക്കവാറും തിരിച്ചറിയാൻ കഴിയാത്ത അവസ്ഥയിലായി. വീട്ടിൽ നിന്ന് പുറത്തുപോവുന്നതു തന്നെ അവർക്ക് ബുദ്ധിമുട്ടായി

ചികിൽസ സംബന്ധിച്ച് അപൂർണ്ണമായ വിവരങ്ങളും തെറ്റായ മരുന്നുകളുമാണ് ഡോക്ടർ നൽകിയതെന്ന് അവർ ആരോപിച്ചു. നടി ഇപ്പോൾ മറ്റൊരു ആശുപത്രിയിൽ ചികിത്സയിലാണ്. എഫ്‌ഐആർ, 6 മുതൽ 6 വരെ തുടങ്ങിയ ചിത്രങ്ങളിലെ അഭിനയത്തിന് പേരുകേട്ട നടി ഒറിക്സ് ഡെന്റൽ മൾട്ടിസ്പെഷ്യാലിറ്റി ആശുപത്രിയിൽ റൂട്ട് കനാൽ ചികിത്സയ്ക്ക് വിധേയയായിരുന്നു

നടപടിക്രമത്തിനിടെ അനസ്തേഷ്യയ്ക്ക് പകരം സാലിസിലിക് ആസിഡ് നൽകിയെന്നാണ് ആരോപണം. സ്വാതി ചികിത്സയ്‌ക്കായി മറ്റൊരു ആശുപത്രിയിൽ പോയപ്പോഴാണ്‌ ഇക്കാര്യം അറിയുന്നത്‌. അവർ ഇപ്പോൾ വീട്ടിൽ സുഖം പ്രാപിച്ചുവരികയാണ്

പ്ലാസ്റ്റിക് സർജറി പരാജയപ്പെട്ടതിനെ തുടർന്ന് കഴിഞ്ഞ മാസം പ്രശസ്ത കന്നഡ ടിവി നടി ചേതന രാജ് മരിച്ചിരുന്നു. അവർക്ക് 21 വയസ്സ് മാത്രമേ ഉണ്ടായിരുന്നുള്ളൂ. ബംഗളൂരുവിലെ ഒരു സ്വകാര്യ ആശുപത്രിയിൽ കൊഴുപ്പ് നീക്കം ചെയ്യാനുള്ള സൗന്ദര്യവർദ്ധക ശസ്ത്രക്രിയയ്ക്ക് വിധേയയായിരുന്നു