Urvashi | ആദ്യമായി കാരവൻ സ്വന്തമാക്കിയത് ഉർവശി; ആ കാരവന് എന്ത് സംഭവിച്ചു?

ഇന്ത്യയിലും വിദേശത്തും, എന്തിനേറെ പറയുന്നു, മലയാള സിനിമയിൽ തന്നെ കാരവൻ ഉപയോക്താക്കളായ താരങ്ങൾ അനവധിയുണ്ട്. ദൂരദേശങ്ങളിലും സൗകര്യങ്ങൾ കുറഞ്ഞ സ്ഥലങ്ങളിലും ഷൂട്ടിങ്ങിനു പോകുമ്പോൾ, വ്യക്തിഗത സൗകര്യത്തിനായാണ് പലരും കാരവൻ കൂട്ടുപിടിക്കുന്നത്. എന്നാൽ മലയാളത്തിൽ കാരവൻ എന്ന ആശയം പ്രവർത്തികമാക്കിയത് നടി ഉർവശിയാണ് (Actor Urvashi). അതും 1990കളിൽ

പലപ്പോഴും ഔട്ട് ഡോർ ഷൂട്ടിംഗ് ആയിരുന്നു ഉർവശിക്ക്. അന്ന് തമിഴ് സിനിമാ ലോകത്തെ സുഹൃത്താണ് കാരവൻ എന്ന ആശയം അവതരിപ്പിച്ചത്. അക്കാലത്ത് ഉയർന്ന പദവി വഹിക്കുന്ന രാഷ്ട്രീയക്കാർക്കും മറ്റും മാത്രമേ ഈ സൗകര്യം ഉണ്ടായിരുന്നുള്ളൂ. ചെയ്തു കിട്ടാൻ മുംബൈ അല്ലെങ്കിൽ കോയമ്പത്തൂർ എന്നിവിടങ്ങളിൽ പോകണം (തുടർന്ന് വായിക്കുക)

അടുത്തിടെ നൽകിയ ഒരു ഓൺലൈൻ അഭിമുഖത്തിലാണ് ഉർവശി അതേക്കുറിച്ച് വ്യക്തമാക്കിയത്. അങ്ങനെ ഒരു ടെമ്പോ ട്രാവലർ വാങ്ങി കോയമ്പത്തൂരിൽ കൊടുത്ത് കാരവൻ മാതൃകയിൽ ചെയ്തെടുത്തു

ജോലിയിൽ മാത്രമല്ല, കുടുംബ യാത്രകൾക്കും ഈ കാരവൻ സൗകര്യപ്രദമായിരുന്നു. ഇന്ന് കാണുന്ന തരം അത്യാഡംബരം ഒന്നുമില്ലായിരുന്നു. ട്രെയിനിലെ ബെർത്ത് പോലത്തെ കിടക്കകൾ ആയിരുന്നു ഉള്ളിൽ

കുട്ടികൾ ഉൾപ്പെടുന്ന യാത്രകളിലും മറ്റും കാരവൻ ഒരു മുതൽക്കൂട്ടായി. ടെമ്പോ ട്രാവലറിന്റെ ഡ്രൈവർ സീറ്റ് ഒഴികെയുള്ള ഭാഗങ്ങൾ കാരവൻ സൗകര്യത്തിൽ മാറ്റുകയായിരുന്നു. ടോയ്‌ലെറ്റ്  ആദ്യം ഉണ്ടായിരുന്നെങ്കിലും, പിന്നീട് അസൗകര്യമായതിനാൽ എടുത്തു മാറ്റുകയായിരുന്നു

പിന്നീട് പാർക്കിംഗ് സൗകര്യം ഒരു ബുദ്ധിമുട്ടായി. ചെന്നൈയിലെ വീടിന്റെ കോംബൗണ്ടിൽ നിർത്താൻ കഴിയാത്ത വിധം വലിയ വണ്ടിയായിരുന്നു ഇത്. ഫ്ലാറ്റിൽ മാറിയപ്പോൾ രണ്ടു കാർ പാർക്കിംഗ് സ്പെയിസിന് പുറത്ത് കാരവൻ കൂടി ഉൾപ്പെടുത്താനായി പ്രയാസം

ശേഷം തമിഴ് സിനിമാ മേഖലയിൽ തന്നെയുള്ള ഒരു ഡ്രൈവർ ഈ വാഹനം കൈമാറുമോ എന്ന് ചോദിച്ചപ്പോൾ ഉർവശി സന്തോഷത്തോടെ അത് ചെയ്തു. ദൂരയാത്രകളിലും മറ്റും കുടുംബങ്ങളുമായി പോകുമ്പോൾ വാഹനം ഉപയോഗിക്കാനായിരുന്നു അദ്ദേഹത്തിന്റെ ആഗ്രഹം