Vinayakan | നടൻ വിനായകന്റെ പേജിൽ തെറി പോസ്റ്റുകൾ; വിവാദമായതും പോസ്റ്റുകൾ മുക്കി

നടൻ വിനായകന്റെ (Vinayakan) പേജിൽ തെറിയുടെ പൂരവുമായി ഒന്നിന് പിറകെ ഒന്നായി പോസ്റ്റുകൾ. സംഭവം വിവാദമായതോടു കൂടി പോസ്റ്റുകൾ മുഴുവനും ഡിലീറ്റ് ചെയ്ത അവസ്ഥയിലാണ്. എന്നിരുന്നാലും സ്ക്രീൻഷോട്ട് എടുത്തു വച്ച നെറ്റിസൺസ് ഇത് പ്രചരിപ്പിക്കുകയാണ്. ഏറ്റവും ഒടുവിലായി കരിങ്കൽ ശിൽപ്പത്തിന്റെ ചിത്രമാണ് വിനായകൻ പോസ്റ്റ് ചെയ്തിട്ടുള്ളത്. ഇതിന്റെ കീഴിലും ഒട്ടേറെപ്പേർ പഴയ സ്ക്രീൻഷോട്ടുമായി കമന്റ് ചെയ്യുന്നുണ്ട്

വിനായകന്റെ ഫേസ്ബുക്ക് പേജ് ഇതിനു മുൻപും പലപ്പോഴും വിചിത്രമായ പോസ്റ്റുകൾ കൊണ്ട് നിറഞ്ഞിരുന്നു. അതൊക്കെയും വർത്തയാവുകയും ചെയ്തിട്ടുണ്ട്. പ്രത്യേകിച്ച് വിശദീകരണമൊന്നുമില്ലാതെ വിചിത്രമായ ചിത്രങ്ങളും മറ്റുമാണ് വിനായകൻ പോസ്റ്റ് ചെയ്യാൻ തിരഞ്ഞെടുത്തിരുന്നത് (തുടർന്ന് വായിക്കുക)

കഴിഞ്ഞ ദിവസം രാത്രിയിൽ വിനായകന്റെ പേജിൽ പ്രത്യക്ഷപ്പെട്ട ഏറ്റവും പുതിയ പോസ്റ്റാണിത്

കഴിഞ്ഞ വർഷം സെപ്റ്റംബറിലും ഇത്തരത്തിൽ പോസ്റ്റുകൾ പ്രത്യക്ഷപ്പെട്ടിരുന്നു. കാരണമോ, വിവരണമോ ഇല്ലാതെ പ്രമുഖ വ്യക്തികളുടെ ചിത്രങ്ങൾ പോസ്റ്റ് ചെയ്യുകയിരുന്നു വിനായകൻ

നടി കങ്കണ റാണട്ടിന്റെ ചിത്രമാണ് വിനായകന്റെ ഫേസ്ബുക് വാളിൽ എത്തിയത്. കങ്കണയുടെ മുംബൈ ഓഫീസ് മുനിസിപ്പൽ കോർപറേഷൻ ഇടിച്ച് നിരത്തിയിരുന്നു. ഇതിലുള്ള പ്രതിഷേധമാണോ, പിന്തുണയാണോ അതോ കങ്കണയുമായി ബന്ധപ്പെട്ട മറ്റേതെങ്കിലും വിഷയമാണോ എന്നൊന്നും വ്യക്തമല്ല

നടി ലിസി, ഡബ്ബിങ് ആർട്ടിസ്റ്റും അഭിനേതാവുമായ ഭാഗ്യലക്ഷ്മി എന്നിവരുടെ ചിത്രങ്ങൾ പോസ്റ്റ് ചെയ്യുകയും ചർച്ചക്ക് വഴിവയ്ക്കുകയും ചെയ്തിരുന്നു. എന്നാൽ ഈ പോസ്റ്റുകൾ വിനായകന്റെ ടൈംലൈനിൽ നിന്നും അപ്രത്യക്ഷമായിട്ടുണ്ട്

ലോക്സഭാ തിരഞ്ഞെടുപ്പിന് ശേഷം ബി.ജെ.പി. മുന്നോട്ടു വെച്ച ആശയം കേരളത്തിലെ ജനത തള്ളിക്കളഞ്ഞതില്‍ സന്തോഷമുണ്ടെന്ന് പറഞ്ഞ വിനായകന് നേരെ  സൈബർ ആക്രമണം ഉണ്ടായിട്ടുണ്ട്. അന്ന് കാളിയുടെയും അയ്യപ്പന്റേയും ചിത്രങ്ങൾ പ്രൊഫൈൽ ചിത്രവും കവർ ഫോട്ടോയുമാക്കി  മാറ്റിയിരുന്നു വിനായകൻ

എന്നാൽ ഇതിനു ശേഷം വനിതാ ആക്ടിവിസ്റ്റുകൾ വിനായകനിൽ നിന്നും ദുരനുഭവം നേരിട്ടെന്ന ആരോപണവുമായി മുന്നോട്ടുവന്നിരുന്നു. സ്ത്രീ വിരുദ്ധമായ കാര്യങ്ങൾ നേരിടേണ്ടി വന്നു എന്നായിരുന്നു ആരോപണം. വിനായകനെതിരെ കേസും രജിസ്റ്റർ ചെയ്തിരുന്നു

'ട്രാൻസ്' ആണ് വിനായകന്റെ ഏറ്റവും പുതിയ ചിത്രം. ലീല സംവിധാനം ചെയ്യുന്ന 'കരിന്തണ്ടൻ' എന്ന ചിത്രത്തിൽ വിനായകൻ നായക വേഷം ചെയ്യും