' ഇനി മിന്നൽ മിനിക്കുള്ള സമയം'; കാറിന് മുകളിലും മരത്തിലും ചാടിക്കയറി പത്മപ്രിയ; വീഡിയോ വൈറല്‍

മലയാളികളുടെ പ്രിയ താരമാണ് പത്മപ്രിയ. ചുരുക്കം സിനിമയിലൂടെ ചുരുങ്ങിയ കാലം കൊണ്ട് തന്നെ നിരവധി മികച്ച കഥാപാത്രങ്ങളിലൂടെ മലയാളികൾക്ക് എന്നും പ്രിയപ്പെട്ടവളായി പത്മപ്രിയ മാറി. മുൻനിര നായകന്മാർക്കൊപ്പം നായികയായി നടി തിളങ്ങി.

ഒരിടവേളക്ക് ശേഷം വീണ്ടും അഭിനയ രംഗത്ത് സജീവമാകുകയാണ് നടി പത്മപ്രിയ. 'ഒരു തെക്കൻ തല്ലു കേസ്', 'വണ്ടർ വുമൻ' തുടങ്ങിയവയാണ് നടിയുടെ പുതിയ ,ചിത്രങ്ങൾ. സോഷ്യൽ മീഡിയയിലും വളരെ സജീവമായ പത്മപ്രിയ. സോഷ്യൽ മീഡിയയിൽ സജീവമായ പത്മപ്രിയ പങ്കുവയ്ക്കുന്ന പോസ്റ്റുകൾ ശ്രദ്ധനേടാറുണ്ട്. അത്തരത്തിൽ താരം ഷെയർ ചെയ്ത് പുതിയ വീഡിയോയാണ് ശ്രദ്ധനേടുന്നത്.

മിന്നൽ മുരളിയിലെ പാട്ടിനൊപ്പം ആണ് പത്മപ്രിയ വീഡിയോ പങ്കുവച്ചിരിക്കുന്നത്. മിന്നൽ മുരളിയെ പോലെ മിന്നൽ മിനിയായാണ് നടി പ്രത്യക്ഷപ്പെട്ടിരിക്കുന്നത്.

കാറിന് മുകളിൽ കയറി നിന്നും, മരത്തിൽ കയറിയിരിക്കുന്നതുമൊക്കെ വീഡിയോയിൽ കാണാം. “ഒരു മിന്നൽ നീലി/മിനിയുടെ സമയമാണോ?” എന്നാണ് വീഡിയോയ്ക്ക് താഴെ പത്മപ്രിയ കുറിച്ചത്. പിന്നാലെ നിരവധി പേരാണ് വീഡിയോയ്ക്ക് കമന്റുകളുമായി എത്തിയത്.

ബിജു മേനോനെ കേന്ദ്ര കഥാപാത്രമാക്കി ശ്രീജിത്ത് എന്‍. സംവിധാനം ചെയ്ത ചിത്രമാണ് ‘ഒരു തെക്കന്‍ തല്ലു കേസ്’. റോഷന്‍ മാത്യൂസ്, നിമിഷ സജയന്‍ എന്നിവരാണ് ചിത്രത്തില്‍ മറ്റ് പ്രധാന വേഷങ്ങള്‍ അവതരിപ്പിച്ചത്.