Ahaana Krishna | അങ്ങനെയല്ല, ഇങ്ങനെ... കുട്ടിക്കാലത്ത് അഹാനയ്ക്ക് നൂഡിൽസിൽ പണികൊടുത്ത പേളി മാണി

ഏറെ നാളുകൾക്കു ശേഷം റിലീസ് ചെയ്ത 'അടി' എന്ന സിനിമയുടെ വിജയത്തിളക്കത്തിലാണ് അഹാന കൃഷ്ണ (Ahaana Krishna). അഹാനയും ഷൈൻ ടോം ചാക്കോയുമാണ് സിനിമയിലെ പ്രധാന അഭിനേതാക്കൾ. ഗീതിക എന്ന കഥാപാത്രത്തിന് അഹാന ഏറെ പ്രശംസ ഏറ്റുവാങ്ങുന്നുണ്ട്. കുടുംബ പ്രേക്ഷകരും യുവപ്രേക്ഷകരും സിനിമയെക്കുറിച്ച് നല്ല അഭിപ്രായമാണ് നൽകുന്നത്. പേളി മാണി അവതരിപ്പിക്കുന്ന 'പേളി മാണി ഷോയിൽ' അതിഥിയായി ഇക്കുറി എത്തിയത് അഹാനയാണ് 

പേളിയും അഹാനയും സെലിബ്രിറ്റി ലോകത്തെത്തും മുൻപേയുള്ള പരിചയമാണ്. കുട്ടിക്കാലം മുതൽ ഇവരുടെ കുടുംബങ്ങൾ തമ്മിൽ അടുപ്പമുണ്ട്. അഹാനയും കുടുംബവും ഒരിക്കൽ പേളിയുടെ വീട്ടിൽ അതിഥികളായി എത്തിയതിന്റെ വിശേഷം ഈ ഷോയിൽ പങ്കിട്ടിരുന്നു (തുടർന്ന് വായിക്കുക)

അത് മാത്രവുമല്ല, പേളി മാണിയുടെ വിവാഹത്തിന് പങ്കെടുത്ത ബ്രൈഡ്സ് മെയ്‌ഡുകളിൽ ഒരാൾ അഹാനയാണ്. ചടങ്ങുകളിൽ ഒന്നിൽ പൂച്ചെണ്ട് മുകളിലേക്കെറിയുന്ന പതിവുണ്ട്. ആ പൂച്ചെണ്ട് ആരുടെ കൈകളിലേക്കാണോ വീഴുന്നത്, ആ പെൺകുട്ടിയാവും അടുത്ത മണവാട്ടി എന്നൊരു പതിവുമുണ്ട്. പേളിയുടെ വിവാഹത്തിന് അഹാനയാണ് ആ പൂച്ചെണ്ട് കയ്യിലൊതുക്കിയതും

പേളിയുടെ വീട്ടിലെ അതിഥിയായി വന്ന അഹാനയ്ക്ക് മുന്നിൽ നൂഡിൽസ് കഴിക്കാൻ കൊണ്ട് ചെന്ന് വച്ചു. അന്ന് താൻ കണ്ടിരുന്ന ഏറ്റവും സ്റ്റൈലിഷ് ആയ കൗമാരക്കാരികളായിരുന്നു പേളിയും സഹോദരി റേച്ചലും എന്ന് അഹാന ഓർക്കുന്നു

കുട്ടിയായിരുന്ന അഹാന തനിക്കറിയാവുന്ന പോലെ നൂഡിൽസ് കഴിച്ചിരിക്കവേ, പേളി എത്തി. എളുപ്പം കഴിക്കാൻ ഒരു മാർഗം പറഞ്ഞുകൊടുത്തു. ഫോർക്കിൽ ചുറ്റിച്ചുറ്റി കഴിക്കുന്നതാണ് എളുപ്പം എന്ന് പേളി

എന്നാൽ ആ നൂഡിൽസ് പോയത് പേളിയുടെ വായിലേക്കാണ് എന്ന് മാത്രം. അതിഥികൾക്ക് കൊടുക്കാൻ വച്ച ഭക്ഷണം വീട്ടിലെ കുട്ടികൾക്ക് കിട്ടില്ലെന്നത് കൊണ്ട് പേളി ഒപ്പിച്ച ട്രിക്ക് ആയിരുന്നു അത്

പേളി മാണി - ശ്രീനിഷ് അരവിന്ദ് വിവാഹത്തിന് ബ്രൈഡ്സ് മെയ്‌ഡുകളായി അഹാന, ഷോൺ റോമി, ദീപ്തി സതി എന്നിവരും മറ്റു സുഹൃത്തുക്കളും