Ahaana Krishna | നൂറാം പിറന്നാളിനും ഒപ്പം വേണമെന്ന് അഹാന ആഗ്രഹിക്കുന്ന ആൾ; അത് വേറാരുമല്ല...

സിനിമാ, ഫോട്ടോഷൂട്ട് വിശേഷങ്ങൾക്കൊപ്പം തന്റെ കുടുംബത്തിലെ രസകരമായ നിമിഷങ്ങൾ സോഷ്യൽ മീഡിയയിൽ മിക്കവാറും പങ്കിടാറുള്ള താരമാണ് അഹാന കൃഷ്ണ (Ahaana Krishna). എപ്പോഴും തന്റെ ആരാധാകരുമായി ചേർന്ന് നിൽക്കാൻ അഹാന താല്പര്യപ്പെടുന്നു. അതിനി സോഷ്യൽ മീഡിയയിലായാലും തിയേറ്ററിലായാലും. പുതിയ സിനിമ 'അടി' റിലീസ് ചെയ്ത വേളയിൽ അഹാന പ്രേക്ഷകരുമായി തിയേറ്ററിലെത്തി സംവദിച്ചിരുന്നു

സമയം കിട്ടുമ്പോഴെല്ലാം അഹാന ഇൻസ്റ്റഗ്രാമിലെ ആരാധകർക്കൊപ്പം കൂടാറുണ്ട്. അതിൽ ഏറ്റവും ഒടുവിലായി നടന്ന സംവാദത്തിൽ വളരെ ഹൃദയംഗമമായ ഒരു ചോദ്യത്തിന് അഹാന മറുപടി കൊടുത്തിരുന്നു (തുടർന്ന് വായിക്കുക)

നൂറാം പിറന്നാളിനും അഹാന കൂടെ വേണം എന്നാഗ്രഹിക്കുന്ന വ്യക്തി ആരെന്നായിരുന്നു ചോദ്യം. അതിന് ചിത്രം സഹിതമാണ് അഹാന മറുപടി നൽകിയത്. അഹാനയുടെ കുടുംബത്തിൽ അച്ഛൻ, അമ്മ, മൂന്നു സഹോദരിമാർ എന്നിവരാണ് ഉള്ളത്

ആരെല്ലാം ഉണ്ടെങ്കിലും, എന്നും എക്കാലവും തന്നെ ചേർത്ത് നിർത്തിയ അമ്മയെയാണ് അഹാന എക്കാലവും കൂടെവേണം എന്നാഗ്രഹിക്കുന്നത്. സിന്ധുവിനും മൂത്ത മകൾ അഹാന പ്രാണനെ പോലെ തന്നെ. അമ്മയുടെ സ്നേഹം അഹാനയ്ക്ക് എത്ര പറഞ്ഞാലും മതിവരാത്തതാണ്

കോളേജ് പഠനകാലത്ത് ചിലവേറിയ ഒരു ടൂർ പോകേണ്ടി വന്നപ്പോൾ, മകൾ ഒറ്റപ്പെട്ടു പോകാതിരിക്കാൻ ആഗ്രഹിച്ച സിന്ധു കൃഷ്ണ, തന്റെ പക്കൽ ബാക്കിവന്ന ആഭരണങ്ങളും പണയം വച്ച് പണം കണ്ടെത്തി നൽകി എന്ന് അഹാന ഒരു അഭിമുഖത്തിൽ പറഞ്ഞിരുന്നു

അമ്മയുടെ കയ്യിൽ ഒരു മയക്കത്തോടെ ഇരിക്കുന്ന തന്റെ കുട്ടിക്കാല ചിത്രമാണ് അഹാന ഈ ചോദ്യത്തിന് നൽകിയ ഉത്തരത്തോടൊപ്പം പോസ്റ്റ് ചെയ്തത്. ഒരിക്കലും ഒരു കാര്യത്തിനും അമ്മ തന്നെ കൈവിടില്ല എന്ന വിശ്വാസവും അഹാനയ്ക്കുണ്ട്

'അടി' സിനിമയിൽ ഷൈൻ ടോം ചാക്കോയുടെ നായികയായാണ് അഹാന വേഷമിട്ടത്. ഗീതിക എന്ന ഈ വേഷം മികച്ച അഭിപ്രായമാണ് നേടിയത്