Akshay Kumar | കോടികൾ നികുതി നൽകി അക്ഷയ് കുമാർ ബോളിവുഡ് താരങ്ങളിൽ മുന്നിൽ

ആക്ഷൻ ഹീറോ അക്ഷയ് കുമാർ (Akshay Kumar) തന്റെ സിനിമകൾക്ക് മാത്രമല്ല, ആദായനികുതിയുടെ കാര്യത്തിലും ഹീറോ തന്നെയെന്ന റിപോർട്ടുകൾ പുറത്തുവരികയാണ്. അടുത്തിടെ ഇറങ്ങിയ ചില ചിത്രങ്ങൾ തിളങ്ങിയില്ലെങ്കിലും, അദ്ദേഹം നികുതിയുടെ കാര്യത്തിൽ മികച്ച പ്രകടനത്തിനുള്ള സമ്മാൻ പത്ര കരസ്ഥമാക്കി. ഞായറാഴ്ച രാവിലെ ആദായനികുതി വകുപ്പ് അദ്ദേഹത്തെ സമ്മാൻ പത്ര നൽകി ആദരിക്കുകയും ഹിന്ദി ചലച്ചിത്രമേഖലയിൽ നിന്ന് ഏറ്റവും ഉയർന്ന നികുതിദായകരിൽ ഒരാളായി അദ്ദേഹത്തെ വിശേഷിപ്പിക്കുകയും ചെയ്തു

'അദ്ദേഹത്തിന് ഇന്ന് ഏറ്റവുമധികം സിനിമകൾ ഉണ്ട്. അതുപോലെ തന്നെ പരസ്യ ലോകത്തും അദ്ദേഹത്തിന് മേൽക്കൈയുണ്ട്. ഇന്ത്യയിലെ ഏറ്റവും ഉയർന്ന നികുതിദായകരുടെ പട്ടികയിൽ അക്ഷയ് ഇടം നേടിയതിൽ അതിശയിക്കാനില്ല,' ഒരു സ്ത്രോതസ്സ് വിശദീകരിച്ചു. വൻ തുകയാണ് അക്ഷയ് ടാക്സ് ഇനത്തിൽ നൽകുന്നത് (തുടർന്ന് വായിക്കുക)

പിങ്ക് വില്ലയുടെ എക്‌സ്‌ക്ലൂസീവ് റിപ്പോർട്ട് അനുസരിച്ച്, കഴിഞ്ഞ അഞ്ച് വർഷമായി ബോളിവുഡ് ഇൻഡസ്‌ട്രിയിലെ ഏറ്റവും ഉയർന്ന നികുതിദായകനായി അക്ഷയ് നിലനിൽക്കുന്നു 

ദക്ഷിണ സൂപ്പർ സ്റ്റാർ സാമന്ത റൂത്ത് പ്രഭുവിനൊപ്പം കോഫി വിത്ത് കരൺ എന്ന ടോക്ക് ഷോയിലും താരം അടുത്തിടെ ഇടംനേടി. മുമ്പ് 2017ൽ ഏകദേശം 29.5 കോടി രൂപയാണ് താരം നൽകിയത്. വർഷങ്ങളോളം ഏറ്റവും ഉയർന്ന നികുതിദായകൻ എന്ന പദവി അദ്ദേഹം നിലനിർത്തി. ആ സ്ഥാനം നടൻ തിരിച്ചുപിടിച്ചു

യുകെയിൽ ടിനു ദേശായിയുടെ ചിത്രം 'ക്യാപ്‌സ്യൂൾ ഗില്ലിന്റെ' ഷൂട്ടിംഗ് തിരക്കിലാണ് താരം ഇപ്പോൾ. 1989-ൽ പശ്ചിമ ബംഗാളിലെ റാണിഗഞ്ചിൽ വെള്ളം കയറിയ കൽക്കരി ഖനിയിൽ കുടുങ്ങിയ 64 ഖനിത്തൊഴിലാളികളുടെ ജീവൻ രക്ഷിച്ച ചീഫ് മൈനിംഗ് എഞ്ചിനീയർ ജസ്വന്ത് സിംഗ് ഗില്ലിന്റെ കഥയാണ് ചിത്രം

ആനന്ദ് എൽ. റായ് സംവിധാനം ചെയ്യുന്ന രക്ഷാബന്ധന്റെ റിലീസിനായി താരം കാത്തിരിക്കുകയാണ്. 2022 ഓഗസ്റ്റ് 11-ന് തിയേറ്ററുകളിൽ എത്തുന്ന ഹിന്ദി-കോമഡി-ഡ്രാമ ചിത്രമാണിത്. ഭൂമി പെഡ്നേക്കർ, സീമ പഹ്വ, സഹെജ്മീൻ കൗർ, ദീപിക ഖന്ന എന്നിവർക്കൊപ്പമാണ് അക്ഷയ് കുമാർ അഭിനയിക്കുന്നത്

രാം സേതു, കത്പുത്‌ലി, സെൽഫി, OMG 2, ക്യാപ്‌സ്യൂൾ ഗിൽ എന്നിവ അദ്ദേഹത്തിന്റെ മറ്റ് ചില പ്രോജക്‌ടുകളാണ്