Alia Bhatt | അന്ന് ഒരു പടത്തിന് 15 ലക്ഷം; ഇന്ന് കോടികൾ കൊണ്ടമ്മാനമാടുന്ന ആലിയ ഭട്ടിന്റെ ആസ്തി

ആലിയ ഭട്ടിന് (Alia Bhatt) വയസ്സ് 30. ബോളിവുഡിൽ ഒരു പതിറ്റാണ്ടു പൂർത്തിയാക്കിയ നടി ഒട്ടേറെ മികച്ച കഥാപാത്രങ്ങൾ പ്രേക്ഷകർക്ക് സമ്മാനിച്ച് കഴിഞ്ഞു. അന്ന് തൊട്ടിന്നുവരെ ആലിയയ്ക്കു തിരിഞ്ഞുനോക്കേണ്ടി വന്നില്ല എന്ന് പറയുന്നതിൽ തെറ്റില്ല. കരൺ ജോഹറിന്റെ സ്റ്റുഡന്റ് ഓഫ് ദി ഇയറിൽ തുടങ്ങി ഒരമ്മയുടെ ഉത്തരവാദിത്തങ്ങളിൽ വരെ എത്തിനിൽക്കുകയാണ് ആലിയ. സിനിമയ്ക്ക് പുറമേ സംരംഭക എന്ന നിലയിലും ആലിയ ശ്രദ്ധേയയായി

ഗർഭിണിയായ ശേഷം തന്റെ മറ്റേർണിറ്റി വസ്ത്രങ്ങളുടെ ശ്രേണിയും ആലിയ ആരംഭിച്ചിരുന്നു. ഇതിനു മികച്ച പ്രതികരണം ലഭിച്ചുപോരുന്നു. ആദ്യ ചിത്രത്തിന് 15 ലക്ഷം രൂപ പ്രതിഫലത്തിൽ തുടങ്ങിയ ആലിയ ഭട്ട്, ഇന്ന് എണ്ണിയാലൊടുങ്ങാത്ത വിധം ആസ്തികളുടെ ഉടമയാണ്. ആലിയയുടെ ആകെ മൂല്യം എത്രയെന്നു നോക്കാം (തുടർന്ന് വായിക്കുക)

ആദ്യ ചിത്രത്തിന് 15 ലക്ഷമെങ്കിൽ, ഇന്ന് ആലിയ ഭട്ടിന്റെ ഒരു സിനിമയ്ക്ക് ഒൻപതു മുതൽ പത്തു കോടി വരെയാണ് പ്രതിഫലം. നടി, പെർഫോമർ, ഗായിക, മോഡൽ തുടങ്ങിയ മേഖലകളിലൂടെയാണ് ആലിയയുടെ വരുമാനം വന്നുചേരുന്നത്

ആലിയയുടെ നെറ്റ് വാല്യൂ എന്ന് പറയുന്നത് 23 മില്യൺ ഡോളർ അഥവാ 190 കോടി രൂപയാണ്. ജൂഹുവിലെ 205 സിൽവർ ബീച്ച് അപ്പാർട്മെന്റിലാണ് താമസം

വികാസ് ഭലിന്റെ ഭാര്യ റിച്ച ഭൽ ഡിസൈൻ ചെയ്ത പുതിയ വീടും ആലിയയുടേതായുണ്ട്. സഹോദരി ഷഹീൻ ഭട്ടിനൊപ്പമാണ് ആലിയ ഇവിടെ താമസം. BMW 7 സീരീസ്, ഒരു റേഞ്ച് റോവർ, ലാൻഡ് റോവർ കാറുകളും ആലിയയ്ക്കു സ്വന്തം

ലണ്ടൻ ഇഷ്‌ടപ്പെടുന്ന താരങ്ങളുടെ കൂട്ടത്തിലാണ് ആലിയ ഭട്ടും. താരത്തിന് ഇവിടെ ഒരു വീടുണ്ട്. ഇതിന്റെ വില പുറത്തുവിട്ടില്ലെങ്കിലും, ദശലക്ഷം ഡോളറുകൾ മൂല്യം വരും എന്ന് കണക്കുകൾ സൂചിപ്പിക്കുന്നു. ലണ്ടനിലെ കൊവെൻറ്റ് ഗാർഡനിലാണിത്

2022 ജൂൺ മാസത്തിൽ ആലിയ ഭട്ടും രൺബീർ കപൂറുമായുള്ള വിവാഹം നടന്നു. 2022 നവംബർ മാസത്തിൽ മകൾ റാഹാ കപൂർ പിറന്നു