Alia Bhatt | ഭാര്യ ഉച്ചത്തിൽ സംസാരിക്കുന്നത് ഏട്ടായിക്ക് ഇഷ്‌ടല്ല; രൺബീറിനെക്കുറിച്ച് ആലിയ ഭട്ട്

നടി ആലിയ ഭട്ട് (Alia Bhatt) അടുത്തിടെ നടത്തിയ ഒരു അഭിമുഖത്തിലെ ശകലങ്ങൾ ചർച്ചയാകുന്നു. ഏഴ് മാരകമായ പാപങ്ങളെക്കുറിച്ചുള്ള (കാമം, അസൂയ, അഹങ്കാരം, ക്രോധം, അലസത, അത്യാഗ്രഹം, ആഹ്ലാദം) നിലപാടുകളെക്കുറിച്ചും ദുഷ്പ്രവണതകളെക്കുറിച്ചും സംസാരിച്ച ആലിയ ഭട്ട് തന്റെ വ്യക്തിത്വത്തെക്കുറിച്ച് ചില കാഴ്ചപ്പാടുകൾ നൽകുകയായിരുന്നു. ആഹ്ലാദത്തെക്കുറിച്ച് പറയുമ്പോൾ വീട്ടിലെ ഭക്ഷണത്തെക്കുറിച്ചാണ് ആലിയക്ക് പറയാനുള്ളത്

ദാൽ-ചാവൽ, ഭിണ്ടി കി സബ്‌സി, തഡ്‌ക ദഹി, അച്ചാർ എന്നിവയും മധുരപലഹാരമായി മിൽക്ക് കേക്കും ചേർന്ന് വീട്ടിൽ പാകം ചെയ്യുന്ന ഭക്ഷണം തനിക്ക് ഇഷ്ടമാണെന്ന് ആലിയ. പ്രശ്നങ്ങൾ നേരിടുമ്പോൾ ഉണ്ടാകുന്ന ദേഷ്യത്തെക്കുറിച്ചും അലോസരത്തെക്കുറിച്ചും ആലിയ പറഞ്ഞപ്പോൾ നടിയുടെ ഭർത്താവും നടനുമായ രൺബീർ കപൂർ ചർച്ചയായി (തുടർന്ന് വായിക്കുക)

വൈസ് ഇന്ത്യയുമായി സംസാരിക്കവേയാണ് ആലിയയുടെ വെളിപ്പെടുത്തൽ: “മത്സരിച്ചുജയിക്കാൻ കഴിയാതെ പോകുന്നത് എന്നെ പെട്ടെന്ന് ദേഷ്യം പിടിപ്പിക്കും. അന്നേരം കോപം നിയന്ത്രിക്കാൻ ഞാൻ വളരെയധികം ശ്രമിക്കേണ്ടതുണ്ട്, കാരണം...

എന്റെ ശബ്ദം ഒരു പരിധിക്ക് മുകളിൽ പോയാൽ എന്റെ ഭർത്താവിന് അത് ഇഷ്ടമാവില്ല. അത് ന്യായമല്ലെന്നും, അസന്തുഷ്ടനായിരിക്കുമ്പോൾ പോലും ദയ കാണിക്കുന്നത് പ്രധാനമാണെന്നും അദ്ദേഹം കരുതുന്നു. രൺബീറിന് ഒരു ‘സന്യാസിയുടേത് പോലുള്ള മനസാണുള്ളത്' എന്നും ആലിയ

അദ്ദേഹത്തിന്റെ ശാന്ത സ്വഭാവത്തിൽ തനിക്ക് അസൂയയുണ്ടെന്നും ആലിയ കൂട്ടിച്ചേർത്തു. അഹങ്കാരം, അലസത, അത്യാഗ്രഹം തുടങ്ങിയവയെക്കുറിച്ച് പറയാനും ആലിയയോട് ആവശ്യപ്പെട്ടു. അഭിമാനത്തെക്കുറിച്ച് പറയുമ്പോൾ, ആലിയ തന്റെ കഴിഞ്ഞ വർഷത്തെ ബോക്‌സ് ഓഫീസ് വിജയമായ ഗംഗുഭായ് കത്യവാഡിയെ കുറിച്ച് വാചാലയായി

“ഗംഗുഭായ് കത്യവാഡിയുടെ വാണിജ്യവിജയം എന്റെ അഭിമാന നിമിഷമാണ്. സ്വപ്ന സംവിധായകനായ സഞ്ജയ് ലീല ബൻസാലിയുമായുള്ള എന്റെ ആദ്യത്തെ ചിത്രമായിരുന്നു അത്. ഞങ്ങൾക്കത് ഒരുമിച്ച് ചെയ്യാൻ കഴിഞ്ഞതിൽ എനിക്ക് സന്തോഷമുണ്ട്," ആലിയ പറഞ്ഞു

ബ്രഹ്മാസ്ത്രയിലാണ് ആലിയ അവസാനമായി അഭിനയിച്ചത്. കരൺ ജോഹർ സംവിധാനം ചെയ്യുന്ന 'റോക്കി ഔർ റാണി കി പ്രേം കഹാനിയുടെ' റിലീസിനായി താരം ഇപ്പോൾ കാത്തിരിക്കുകയാണ്. ബ്രഹ്മാസ്ത്ര റിലീസിന് പിന്നാലെയാണ് ആലിയ -രൺബീർ ദമ്പതികളുടെ മകൾ റാഹാ കപൂറിന്റെ ജനനം