Alia Bhatt | ഒളിഞ്ഞിരുന്ന് ഫോട്ടോ എടുത്തു; ആലിയ ഭട്ടിന്റെ സ്വകാര്യ ചിത്രം പുറത്തായി, പ്രതികരിച്ച് താരം

തെന്നിന്ത്യ വിട്ടു കഴിഞ്ഞാൽ, സിനിമാ താരങ്ങൾക്കു പിന്നാലെ ഏതുനേരവും പാപ്പരാസി കണ്ണുകൾ പിന്നാലെകൂടും. ഇവർ പുറത്തിറങ്ങി എങ്ങോട്ടു പോകുന്നുവോ, അവിടെയെല്ലാം, അവരുടെ വിവിധ ഭാവങ്ങളും ചലനങ്ങളും ക്യാമറയിലാക്കി ഇവർ ഒപ്പമുണ്ടാകും. ചില നേരങ്ങളിൽ പരിധി ഭേദിക്കുമ്പോൾ അഭിനേതാക്കൾ രൂക്ഷമായി പ്രതികരിക്കാറുണ്ട്. ആലിയ ഭട്ട് (Alia Bhatt) ആണ് ഏറ്റവും പുതിയ ഇര

എന്നാൽ ഇക്കുറി പാപ്പരാസികളെ വെറുതേവിടണം. അവരല്ല. ഒരു ഉച്ചനേരം വീടിനുള്ളിൽ അലസമായി ഇരിക്കവെയാണ് ആലിയ ഭട്ടിന്റെ സ്വകാര്യ ദൃശ്യം ആരോ ഒളിഞ്ഞിരുന്ന് പകർത്തുന്നതായി താരത്തിന് മനസ്സിലായത്. ഒരു പ്രശസ്ത ദേശീയ എന്റർടൈൻമെന്റ് മാധ്യമത്തിന്റെ ഫോട്ടോഗ്രാഫറാണ് ഇത് ചെയ്തത്. ചിത്രം പോസ്റ്റ് ചെയ്തായിരുന്നു ആലിയ ഭട്ടിന്റെ പ്രതികരണം (തുടർന്ന് വായിക്കുക)

വീടിന്റെ ലിവിങ് റൂമിലെ ആലിയ ആണ് ചിത്രത്തിൽ. 'നിങ്ങൾ എന്നെ കളിയാക്കുകയാണോ? എന്റെ വീട്ടിൽ തീർത്തും സാധാരണമായ ഒരു ദിവസം ചിലവിടുമ്പോഴാണ് ആരോ ഒളിഞ്ഞിരുന്ന് ഫോട്ടോ എടുക്കുന്ന കാര്യം മനസിലായത്. നോക്കിയപ്പോൾ, തൊട്ടടുത്ത കെട്ടിടത്തിന്റെ ടെറസിൽ നിന്നും രണ്ടു പുരുഷന്മാർ എനിക്ക് നേരെ തിരിച്ച ക്യാമറകൾ കാണാൻ സാധിച്ചു...

ലോകത്തെവിടെയാണ് ഇത്തരം കാര്യങ്ങൾ നടക്കുക. ഇത് സ്വകാര്യതയിലേക്കുള്ള അങ്ങേയറ്റത്തെ കടന്നുകയറ്റമാണ്. നിങ്ങൾ എല്ലാ പരിധികളും ലംഘിച്ചിരിക്കുന്നു,' ആലിയ കുറിച്ചു. മുംബൈ പോലീസിനെ പോസ്റ്റിൽ ടാഗ് ചെയ്തിട്ടുണ്ട്

ഇതിനു മുൻപും ആലിയ മാധ്യമങ്ങൾക്കെതിരെ പ്രതികരിച്ചിട്ടുണ്ട്. ഗർഭിണിയായിരിക്കെ, ഭർത്താവ് രൺബീർ തന്നെ യു.കെയിൽ നിന്നും 'കൊണ്ടുവരും' എന്ന് വാർത്ത വന്നപ്പോൾ, എടുത്തുകൊണ്ടു വരാവുന്ന വസ്തുവല്ല താൻ എന്നായിരുന്നു ആലിയയുടെ റിയാക്ഷൻ

ആലിയ മാത്രമല്ല, മുൻപ് അനുഷ്ക ശർമയും സ്വകാര്യതയിലേക്കുള്ള കടന്നുകയറ്റത്തിനെതിരെ പ്രതികരിച്ചിട്ടുണ്ട്. അനുഷ്കയും ഭർത്താവ് വിരാട് കോഹ്‌ലിയും വീടിന്റെ ബാൽക്കണിയിൽ ഇരിക്കുമ്പോഴാണ് ചിത്രം പകർത്തിയത്

പുറത്തുവന്ന ആലിയ ഭട്ടിന്റെ സ്വകാര്യ ചിത്രം