Alia Bhatt-Ranbir Kapoor wedding| വിവാഹത്തിന് ദിവസങ്ങൾ മാത്രം ബാക്കി; ആലിയ ഭട്ടിന്റെ വിവാഹ വസ്ത്രങ്ങളെ കുറിച്ച് അറിയാം

ബോളിവുഡിൽ ഏറെ കാത്തിരുന്ന താരവിവാഹത്തിന് ഇനി ദിവസങ്ങൾ മാത്രമാണ് ബാക്കി. ആലിയ ഭട്ട് (Alia Bhatt)റൺബീർ കപൂറിന്റെ (Ranbir Kapoor)കൈപിടിക്കുന്ന (Alia Bhatt-Ranbir Kapoor wedding) ദിവസം ആവേശത്തോടെ കാത്തിരിക്കുകയാണ് ആരാധകർ. ഏറ്റവും പുതിയ റിപ്പോർട്ടുകൾ അനുസരിച്ച് ഏപ്രിൽ 13 നും 18 നും ഇടയ്ക്ക് താരവിവാഹമുണ്ടാകും. (Image: Instagram)

ബോളിവുഡിൽ ഇപ്പോൾ വിവാഹ സീസണാണ്. കത്രീന കൈഫ്-വിക്കി കൗശാൽ വിവാഹത്തിനു ശേഷം ഏറ്റവും കൂടുതൽ ചർച്ചയാകുന്ന വിവാഹമാണ് ആലിയ-റൺബീറിന്റേത്.

വിവാഹത്തിനുള്ള ഒരുക്കങ്ങളെല്ലാം കപൂർ-ഭട്ട് കുടുംബത്തിൽ പൂർത്തിയായിക്കൊണ്ടിരിക്കുകയാണെന്നാണ് റിപ്പോർട്ടുകൾ. വിവാഹ ദിനവും മറ്റ് ചടങ്ങുകൾക്കും ആലിയ ധരിക്കുന്ന വസ്ത്രങ്ങൾ എന്തൊക്കെയാണെന്നും ഇതെല്ലാം ആരാണ് ഒരുക്കുന്നത് എന്നൊക്കെയാണ് ആരാധകർ അന്വേഷിക്കുന്നത്. (image: Instagram)

ബോളിവുഡിലെ മോസ്റ്റ് സെലിബ്രിറ്റി ഡിസൈനറായ സഭ്യ സാച്ചി തന്നെയാണ് ആലിയയ്ക്കും വിവാഹ വസ്ത്രങ്ങൾ ഒരുക്കുന്നത്. നേരത്തേ, അനുഷ്ക ശർമ, ദീപിക പദുകോൺ, പ്രിയങ്ക ചോപ്ര, കത്രീന കൈഫ് എന്നീ താരങ്ങളെല്ലാം വിവാഹ ദിനത്തിൽ കൂടുതൽ സുന്ദരികളായത് സഭ്യ സാച്ചിയുടെ വസ്ത്രമണിഞ്ഞായിരുന്നു. ഈ പതിവ് ആലിയയും തെറ്റിക്കുന്നില്ല. (Image: Instagram)

വിവാഹ ദിനം ലെഹങ്കയായിരിക്കും ആലിയയുടെ വേഷം. ലെഹങ്കയുടെ നിറം ഏതാണെന്ന് വ്യക്തമല്ല. ആലിയ ഭട്ടിന്റെ പ്രിയ ഡിസൈനർമാരാണ് സഭ്യ സാച്ചിയും മനീഷ് മൽഹോത്രയും. (image: Instagram)

സംഗീത്, മെഹന്ദി ചടങ്ങുകൾക്ക് മനീഷ് മൽഹോത്ര ഡിസൈൻ ചെയ്ത വേഷങ്ങളായിരിക്കും ആലിയ ധരിക്കുക. (image: Instagram)