Pushpa 2 | പ്രതിഫലം പോരാ, പുഷ്പ 2 ന് ശമ്പളം കൂട്ടണമെന്ന് അല്ലു അർജുനും രശ്‌മിക മന്ദാനയും

പുഷ്പ: ദി റൈസിന്റെ തുടർച്ചയായ പുഷ്പ: ദി റൂളിന്റെ (Pushpa: The Rule) ചിത്രീകരണം ആരംഭിച്ചു. ചിത്രത്തിലെ താരങ്ങൾ പ്രതിഫലം വർധിപ്പിച്ചതായാണ് ഏറ്റവും പുതിയ റിപ്പോർട്ടുകൾ സൂചിപ്പിക്കുന്നത്. അല്ലു അർജുൻ (Allu Arjun), രശ്മിക മന്ദാന (Rashmika Mandanna), സംവിധായകൻ സുകുമാർ എന്നിവർ തങ്ങളുടെ ആവശ്യങ്ങൾ നിർമ്മാതാവിനെ അറിയിച്ചു എന്നാണ് പുറത്തുവരുന്ന വിവരം

2021-ൽ പുറത്തിറങ്ങിയ പുഷ്പ: ദി റൈസ് വൻ ഹിറ്റായിരുന്നു. കൂടാതെ കോടി ക്ളബ്ബുകളിൽ അതിവേഗ വളർച്ചയായിരുന്നു ഈ ചിത്രം നേടിയത്. 100 കോടി ക്ലബ്ബ് പ്രവേശനം അതിനാൽ അനായാസമായി മാറി. ഈ വേളയിലാണ് താരങ്ങൾ പ്രതിഫലം പല മടങ്ങ്‌ ഉയർത്തിയത് (തുടർന്ന് വായിക്കുക)

സാമന്തയും അല്ലു അർജുനും അഭിനയിച്ച പുഷ്പയുടെ ചാർട്ട്ബസ്റ്റർ ഊ അന്തവ പ്രേക്ഷകരുടെ ഹിറ്റ് ലിസ്റ്റിൽ ഇടം പിടിച്ചിട്ടുണ്ട്. വിക്രം, കെഎഫ്ജി 2 എന്നിവയ്ക്ക് ശേഷം ഏറ്റവുമധികം ആളുകൾ കണ്ട സിനിമകളിൽ ഒന്നാണിത്

'പുഷ്പ: ദി റൈസിന്റെ' ബജറ്റ് ഏകദേശം 100 കോടി രൂപയായിരുന്നു. പുഷ്പയുടെ തുടർഭാഗത്തിന്റെ നിർമ്മാണച്ചെലവ് 200 കോടി രൂപയായിരിക്കുമെന്ന് വൃത്തങ്ങൾ അറിയിച്ചു. താരനിരയുടെ ഉയർന്ന പ്രതിഫലം പുഷ്പ: ദി റൂളിന്റെ മൊത്തത്തിലുള്ള ബജറ്റ് വർദ്ധിപ്പിക്കും

ചില റിപ്പോർട്ടുകൾ സൂചിപ്പിക്കുന്നത് അല്ലു അർജുൻ 90 കോടി രൂപ ആവശ്യപ്പെട്ടു എന്നാണ്. 125 കോടി ആവശ്യപ്പെട്ടു എന്ന് മറ്റൊരു റിപ്പോർട്ടും പുറത്തുവന്നു

രശ്മിക മന്ദാന 3-5 കോടിയാണത്രെ ആവശ്യപ്പെടുന്നത്. സംവിധായകൻ സുകുമാറും 40-50 കോടി രൂപ വരെ ശമ്പളം വർധിപ്പിക്കണമെന്ന് ആവശ്യപ്പെടുന്നു

അടുത്തിടെ, പുഷ്പ 2 ന്റെ ഷൂട്ടിംഗ് ആരംഭിക്കുന്നതിന് മുന്നോടിയായി ഒരു പൂജാ ചടങ്ങ് സംഘടിപ്പിച്ചു. വൈറലായ ചിത്രങ്ങളിൽ സംവിധായകനും നിർമ്മാതാക്കളും പ്രധാന അഭിനേതാക്കളും ഒരുമിച്ച് പോസ് ചെയ്തു