Amrutha Suresh | കൈകളിൽ പൂമാല; ഗോപി സുന്ദറുമൊത്തുള്ള അമൃതയുടെ ജീവിതയാത്രക്ക് ഒരു വർഷം

ജീവിതത്തിൽ ഒന്നിച്ചതിന്റെ ഒരു വർഷം പൂർത്തിയാക്കി ഗായിക അമൃത സുരേഷും (Amrutha Suresh) സംഗീത സംവിധായകൻ ഗോപി സുന്ദറും (Gopi Sundar). പോയ വർഷം മെയ് മാസത്തിലാണ് തങ്ങൾ ജീവിതം ആരംഭിക്കുന്നുവെന്ന് അറിയിച്ച് ഒരു ഇൻസ്റ്റഗ്രാം പോസ്റ്റിലൂടെ അവർ ആരാധകർക്ക് മുൻപിലെത്തിയത്. കയ്യിൽ പൂമാല പിടിച്ചിരിക്കുന്ന, ക്ഷേത്രത്തിൽ നിന്നുള്ള ചിത്രമാണ് ഇരുവരും പോസ്റ്റ് ചെയ്തത്

ഗോപി സുന്ദർ വർഷങ്ങളോളം ഗായിക അഭയ ഹിരണ്മയിക്കൊപ്പം ലിവിങ് ടുഗെദറായിരുന്നു. നടൻ ബാലയുമായി വിവാഹബന്ധം വേർപെടുത്തിയ ശേഷമാണ് അമൃതയും ഗോപിയും ഒന്നിച്ചത് (തുടർന്ന് വായിക്കുക)

വാർഷിക ചിത്രം കണ്ട പലരും രണ്ടുപേരും വിവാഹം കഴിച്ചോ എന്ന് പോസ്റ്റിനു താഴെ ചോദിച്ചിട്ടുണ്ട്. ഇക്കാര്യത്തിൽ കഴിഞ്ഞ ഒരു വർഷമായി അമൃതയോ ഗോപിയോ സ്ഥിരീകരണം നൽകിയിട്ടില്ല. രണ്ടുപേരും ഏറെ സൈബർ ആക്രമണത്തിന് വിധേയരായിട്ടുണ്ട്

അമൃതയും ഗോപിയും പ്രത്യേകം മ്യൂസിക് ബാൻഡുകൾ നടത്തുന്നുണ്ട്. ഇവർ ഒന്നിച്ചും അല്ലാതെയും പരിപാടികൾ നടത്താറുണ്ട്. അമൃതയുടെ അനുജത്തി അഭിരാമിയും ചിലപ്പോൾ ഒപ്പമുണ്ടാകും. നിലവിൽ അഭിരാമി കൊച്ചിയിൽ ഒരു കഫെ ആരംഭിച്ചിരിക്കുന്നു

അമൃതയും ഗോപിയും സോഷ്യൽ മീഡിയയിൽ സജീവമാണ്. വിമർശനങ്ങൾ ഉണ്ടെങ്കിലും അത് നേരിട്ടാണ് ഇരുവരും ജീവിതത്തിൽ മുന്നേറുന്നത്‌. സൈബർ സ്‌പെയ്‌സ്‌ലെ ആക്രമണം രൂക്ഷമായതും അമൃതയുടെ അനുജത്തി അഭിരാമി കേസുമായി രംഗത്തെത്തിയിരുന്നു. കുടുംബത്തിന് നേരെ കടന്നാക്രമണം വന്നപ്പോഴായിരുന്നു അഭിരാമിയുടെ പ്രതികരണം

കുറച്ചു നാളുകൾക്ക് മുൻപായിരുന്നു അമൃതയുടെ പിതാവ് പി.ആർ. സുരേഷിന്റെ മരണം. ഇതിനു ശേഷം അമൃതയും ഗോപിയും ചേർന്ന് സ്മരണാഞ്ജലിയായി ഒരു സംഗീതനിശ സംഘടിപ്പിച്ചിരുന്നു

അഭിരാമിയുടെ കഫെയുടെ ഉദ്‌ഘാടനം നിർവഹിച്ചത് പിതാവ് സുരേഷും മാതാവ് ലൈലയും ചേർന്നായിരുന്നു