സ്വന്തം നഗ്നചിത്രങ്ങൾ 'പോൺ സൈറ്റുകൾക്ക് വിറ്റ' ജീവനക്കാരിയെ പിരിച്ചുവിട്ടു

സ്വന്തം നഗ്നചിത്രങ്ങൾ പോൺ സൈറ്റുകൾക്ക് വിറ്റെന്ന് ആരോപിച്ച് മോഡലും എച്ച്ആർ വിഭാഗം ജീവനക്കാരിയുമായ യുവതിയെ ജോലിയിൽനിന്ന് പിരിച്ചുവിട്ടു. അമേരിക്കയിലെ നോർഫോക്ക് നിവാസിയായ അലീസ ജെയെ എന്ന യുവതി സമൂഹമാധ്യമത്തിൽ നടത്തിയ ഒൺലി ഫാൻസ് പേജിനെക്കുറിച്ച് മേലധികാരികൾ അറിഞ്ഞതിനെ തുടർന്നാണ് ജോലി നഷ്ടമായത്. ഡെയിലി സ്റ്റാറാണ് ഇക്കാര്യം റിപ്പോർട്ട് ചെയ്തത്. എന്നാൽ തനിക്കെതിരായ ആരോപണങ്ങൾ കെട്ടിച്ചമച്ചതാണെന്നാണ്  അലീസ ജേയെ പറയുന്നു.

തന്നെ ജോലിയിൽ നിന്ന് പിരിച്ചുവിട്ടതിനെക്കുറിച്ച് അലീസ പറയുന്നത് ഇങ്ങനെ, "ഞാൻ മുമ്പ് ജോലി ചെയ്തിരുന്ന സ്ഥലത്തുനിന്ന് എന്നെ പുറത്താക്കിയത് എനിക്ക് കൂടുതൽ ആരാധകരുള്ളതുകൊണ്ടായിരുന്നു. ഇത് ഒരു വിചിത്രമായ കാര്യമായിരുന്നു'.

"ഞാൻ എച്ച്ആർ വിഭാഗത്തിൽ ആയിരുന്നു, ഞാൻ പ്രൊഫഷണൽ അല്ലെന്നായിരുന്നു കമ്പനി മേധാവി പറഞ്ഞത്, എനിക്ക് ആരാധകർ മാത്രമേയുള്ളൂ. ഞാൻ ഒരിക്കലും കണ്ടിട്ടില്ലാത്തതും ഇതുവരെ സംസാരിച്ചിട്ടില്ലാത്തതുമായ ഒരു സഹപ്രവർത്തകൻ എന്റെ ഫോട്ടോകൾ മറ്റുള്ളവർക്ക് അയച്ചുനൽകുകയായിരുന്നു"- അലീസ തുടർന്നു.

സ്‌നാപ്ചാറ്റിലൂടെ തനിക്ക് നഗ്‌നചിത്രങ്ങൾ അയക്കാൻ എവർട്ടൻ ക്ലബ്ലിലെ പ്രശസ്തനായ ഫുട്ബോൾ താരം ആവശ്യപ്പെട്ടതായും അലീസ വെളിപ്പെടുത്തി. ഇത് വിസമ്മതിച്ചതിനെ തുടർന്ന് ഫുട്‌ബോൾ താരം ‘ഞാൻ ആരാണെന്ന് നിങ്ങൾക്കറിയില്ലേ’ എന്ന് പറഞ്ഞതായി അലിസ അവകാശപ്പെട്ടു.

തനിക്ക് മുൻ കമ്പനിയിൽ ഉള്ളവരിൽനിന്ന് അതിരുകടന്ന ഇൻബോക്സ് മെസേജുകൾ ലഭിച്ചിരുന്നതായും അവർ വെളിപ്പെടുത്തി.

അതേസമയം ഒരു ജോലി നഷ്ടപ്പെട്ടതുകൊണ്ട് കരിയർ അവസാനിപ്പിക്കാൻ താൻ തയ്യാറല്ലെന്നാണ് അലീസ പറയുന്നത്. ഇപ്പോൾ ഒരു ഓഫ് ഷോർ എഞ്ചിനിയറിങ് കമ്പനിയുടെ പ്രോജക്ട് കോഓർഡിനേറ്ററായാണ് അലീസ ജോലി ചെയ്യുന്നത്. ഒപ്പം അവരുടെ ഒൺലി ഫാൻസ് പേജ് നന്നായി മുന്നോട്ടുകൊണ്ടുപോകുകയും ചെയ്യുന്നു.