Optical Illusion | തടികൾക്കിടയിൽ ഉറങ്ങുന്ന പൂച്ച; എങ്ങനെ കണ്ടുപിടിക്കും എന്ന് തലപുകഞ്ഞ് നെറ്റിസൺസ്

ദശലക്ഷക്കണക്കിന് വർഷങ്ങൾക്ക് മുമ്പ് ഫോസിൽ രേഖകളിൽ നാം ആദ്യമായി പ്രത്യക്ഷപ്പെട്ടപ്പോൾ മുതൽ ഒപ്റ്റിക്കൽ ഇല്ല്യൂഷൻ (Optical Illusion) എല്ലാ മനുഷ്യരാശിയുടെയും ഭാവനയെ ആകർഷിക്കാൻ പ്രാപ്തിയുള്ളവയായി മാറിയിട്ടുണ്ട്. അവ പ്രകൃതിയിൽ എല്ലായിടത്തും ഉണ്ട്. അത്തരത്തിൽ ഒരു ചിത്രം വീണ്ടും ഇന്റർനെറ്റിന്റെ ശ്രദ്ധയാകർഷിച്ചു കഴിഞ്ഞു. ശ്രദ്ധയാകർഷിക്കുക മാത്രമല്ല, നല്ലതുപോലെ വെള്ളംകുടിപ്പിക്കുകയും ചെയ്തിട്ടുണ്ട്

മറഞ്ഞിരിക്കുന്ന പൂച്ചയെ കണ്ടെത്താൻ നിങ്ങളെ വെല്ലുവിളിക്കുന്ന ഒരു ഒപ്റ്റിക്കൽ ഇല്ല്യൂഷൻ സോഷ്യൽ മീഡിയയിൽ വൈറലാണ്. ചില ആളുകൾ അത് കാണുന്നില്ല എന്നത് തന്നെ കാരണം. വിശദാംശങ്ങളിലേക്കുആഴത്തിൽ ഇറങ്ങിച്ചെന്നാലും നിങ്ങൾക്ക് പൂച്ചയെ എളുപ്പം കണ്ടെത്താനാവില്ല. ചിലർക്ക് ക്ലൂ ആവശ്യമായി വന്നേക്കാം. എങ്കിൽ വരൂ, സഹായിക്കാം (തുടർന്ന് വായിക്കുക)

ഇത് വളരെ ബുദ്ധിമുട്ടാണ്, എന്ന് പറഞ്ഞ് ചിത്രം റെഡ്ഡിറ്റിൽ പ്രത്യക്ഷപ്പെട്ടപ്പോൾ ആളുകൾ മിക്കവാറും അത് കണ്ടെത്തുന്നതിൽ നിന്നും പിൻവാങ്ങി

നിങ്ങൾ ഒളിഞ്ഞിരിക്കുന്ന പൂച്ചയെ കണ്ടെത്തിയോ? നന്നായി നോക്കൂ. വേലിക്കടുത്തുള്ള രണ്ടാമത്തെ മരക്കൂമ്പാരത്തിന് മുകളിലാണ് പൂച്ച ഉറങ്ങുന്നത്. ഒരു നിരീക്ഷകൻ ചൂണ്ടിക്കാണിച്ചതുപോലെ, 'അഭിപ്രായങ്ങൾ കാണുന്നതിന് മുമ്പും ശേഷവും ഇതൊരു ട്രോളാണെന്ന് ഞാൻ കരുതി. എന്നാൽ ശരിക്കും ഒരു പൂച്ച തല ക്യാമറയ്‌ക്ക് അഭിമുഖമായി നിൽക്കുന്നു'

ചിലപ്പോൾ, ഒപ്റ്റിക്കൽ മിഥ്യാധാരണകൾ മനഃപൂർവമായി സൃഷ്‌ടിക്കപ്പെടുന്നവയാണ്. അത് ഇവിടെയും സംഭവിക്കാം. പലർക്കും ഉയരമുള്ള മരങ്ങളും മരക്കൂട്ടങ്ങളും മാത്രമേ കാണാൻ കഴിയൂ, പക്ഷേ പൂച്ചയുടെ ലക്ഷണമില്ല! പക്ഷേ ഒന്നുകൂടി സൂക്ഷിച്ചുനോക്കിയാൽ ആ മരക്കൂട്ടത്തിൽ ഉറങ്ങുന്ന പൂച്ചയെ കാണാം

ഇനിയും ഉത്തരം കിട്ടിയില്ലെങ്കിൽ, കൂടുതൽ ബുദ്ധിമുട്ടേണ്ട. ചുവടെയുള്ള ചിത്രം നോക്കൂ. പൂച്ച നിങ്ങളുടെ കണ്മുൻപിൽ തന്നെയല്ലേ ഇരിക്കുന്നത്

തടിക്കഷണങ്ങളുടെ നിറം തന്നെയായതു കൊണ്ടാണ് പലരും പൂച്ചയെ കണ്ടെത്താതെ പോയത്