Anikha Surendran | പല്ലിന്റെയും കഷണ്ടിയുടെയും പേരിൽ മമ്മുക്കയുടെ കളിയാക്കലുകൾ; 'ഗ്രേറ്റ് ഫാദർ' കാലത്തെ ഓർമകളുമായി അനിഖ സുരേന്ദ്രൻ

ബാലതാരങ്ങൾ വളരെ വേഗം വലുതായി നായികമാരായി ബിഗ് സ്‌ക്രീനിൽ എത്തുമ്പോഴാണ് എത്ര വേഗമാണ് വർഷങ്ങൾ കടന്നു പോയത് എന്ന് പ്രേക്ഷകർ ഓർക്കുന്നത്. അനിഖ സുരേന്ദ്രനും (Anikha Surendran) ഏതാണ്ട് അതേ വിഭാഗത്തിലാണ് എന്ന് പറയാം. മമ്മൂട്ടി, നയൻ‌താര എന്നിവരുടെ  മകളായി ബാലതാരമായി എത്തിയ അനിഖ നായികയായി മാറിയിരിക്കുന്നു

അനിഖ നായികയായി അഭിനയിച്ച 'ഓ മൈ ഡാർലിംഗ്' എന്ന ചിത്രം അടുത്തിടെ റിലീസ് ചെയ്തിരുന്നു. ഇത് യുവാക്കൾക്കിടയിൽ ഏറെ പ്രചാരം ലഭിച്ച സിനിമയാണ്. ചിത്രം ട്രെയ്‌ലർ റിലീസായത് മുതൽ ചർച്ചയായിരുന്നു. ഈ സിനിമയുടെ ഭാഗമായി അനിഖ നൽകിയ ഒരു പ്രൊമോഷൻ വീഡിയോ ശകലം ഇപ്പോൾ സോഷ്യൽ മീഡിയയിൽ ശ്രദ്ധ നേടുകയാണ് (തുടർന്ന് വായിക്കുക)

ഇതിൽ അവതാരകൻ ഓരോ താരങ്ങളുടെ പേര് പറയുമ്പോൾ, അവരെക്കുറിച്ചുള്ള ഓർമ്മകൾ എന്തെന്ന് പറയാൻ അനിഖയോട് ചോദിക്കുന്നുണ്ട്. മമ്മുക്കയുടെ പേരാണ് അതിലൊന്ന്. 'ദി ഗ്രേറ്റ് ഫാദർ', 'ഭാസ്‌ക്കർ ദി റാസ്കൽ' സിനിമകളിൽ മമ്മൂട്ടിയും അനിഖയും ഒന്നിച്ച് അഭിനയിച്ചിട്ടുണ്ട്

മമ്മുക്ക കുറേ കളിയാക്കിയിട്ടുണ്ട് എന്ന് അനിഖ. 'ദി ഗ്രേറ്റ് ഫാദർ' സിനിമയിൽ അഭിനയിക്കുമ്പോൾ, അനിഖ ബാലതാരമാണ്. അന്ന് പല്ല് ഒക്കെ ഒരേ നിരയിലല്ലായിരുന്നു. 'പല്ലെന്താ ഇങ്ങനെ, ശരിയാക്കൂ' എന്ന് മമ്മുക്ക പറയുമായിരുന്നത്രെ

തന്റെ അച്ഛന് അൽപ്പം കഷണ്ടിയുണ്ട് എന്നും തനിക്ക് ചെറിയ രീതിയിൽ നെറ്റികയറൽ ഉണ്ടെന്നും അനിഖ. 'അച്ഛന്റെ കഷണ്ടിയും കിട്ടീട്ടുണ്ടല്ലേ' എന്നായിരുന്നു മമ്മൂട്ടിയുടെ മറ്റൊരു കമന്റ് എന്ന് അനിഖ

മലയാളത്തിന് പുറമേ തമിഴ്, തെലുങ്ക് സിനിമകളിലും അനിഖ ഭാഗമായിട്ടുണ്ട്