Anju Krishna | ആ നടി ഞാനല്ല, കേസിലെ പ്രതി മറ്റൊരാൾ; വിശദീകരണവുമായി അഞ്ചു കൃഷ്ണ അശോക്

ഈ വാരം എറണാകുളത്തെ ലഹരിക്കടത്ത് കേസിൽ നാടക നടി പിടിയിലായത് മുതൽ സ്വൈര്യം ലഭിക്കാത്ത അവസ്ഥയാണ് നടി അഞ്ചു കൃഷ്ണ അശോകിന്റേത് (Anju Krishna Ashok). പേരിലെ സമാനത മൂലം സോഷ്യൽ മീഡിയയിൽ ടാഗ് ചെയ്യപ്പെടുന്നത് താനാണെന്ന് അഞ്ചു. നടിയും മോഡലുമാണ് അഞ്ചു. എന്നാൽ കേസിൽ പിടിയിലായ നടിക്കും അവരുടെ പേരുമായി സമാനതയുണ്ട്

മാധ്യമങ്ങളിൽ പോലും തന്റെ പേരാണ് ടാഗ് ചെയ്യുന്നത് എന്ന് അഞ്ചു. ഇക്കാര്യം തനിക്കോ കുടുംബത്തിനോ ചിരിക്കാനുള്ള കാര്യമല്ല എന്ന് അഞ്ചു കർക്കശമായി പറയുന്നു (തുടർന്ന് വായിക്കുക)

ഇനിയും ഈ പ്രവണത തുടർന്നാൽ നിയമനടപടി സ്വീകരിക്കേണ്ടി വരും എന്ന് അഞ്ചു വ്യക്തമാക്കി. MDMA യുമായി ഇക്കഴിഞ്ഞ ചൊവ്വാഴ്ച പിടിയിലായ നാടക നടിയുടെ പേര് അഞ്ചു കൃഷ്ണ എന്നാണ്. ഇതാണ് അഞ്ചു കൃഷ്ണ അശോകിന് തലവേദനയായതും

ബിജു മേനോൻ നായകനായ 'ആദ്യരാത്രി' എന്ന സിനിമയിലൂടെയാണ് അഞ്ചു കൃഷ്ണ അശോകിന്റെ സിനിമാ പ്രവേശം. മാഗസിൻ കവറിൽ മുഖചിത്രമായും പ്രത്യക്ഷപ്പെട്ടിട്ടുണ്ട്

പ്രതി പൂവന്‍കോഴി, കുഞ്ഞെല്‍ദോ, രമേശ് ആന്‍ഡ് സുമേഷ്, ഇനി റിലീസ് ചെയ്യാനിരിക്കുന്ന കായ്‌പ്പോള തുടങ്ങിയ സിനിമകളിലും അഞ്ചു കൃഷ്ണ അശോക് വേഷമിട്ടിട്ടുണ്ട്

ഇടുക്കിയിൽ ജനിച്ച് കോട്ടയത്ത് വിദ്യാഭ്യാസം നേടിയ നടിയാണ് അഞ്ചു. കായ്പ്പോളയിൽ നായികാ വേഷമാണ്