Anoop Menon | എന്റെ മണ്ടത്തരങ്ങൾ സഹിച്ചതിന്, ആമിയെ മകളായി സമ്മാനിച്ചതിന്... ഷമക്ക് വിവാഹ വാർഷികാശംസകളുമായി അനൂപ് മേനോൻ

നടൻ അനൂപ് മേനോനും (Anoop Menon) ഷമ അലക്‌സാണ്ടറും വിവാഹിതരായിട്ട് എട്ട് വർഷങ്ങൾ. 2014 ഡിസംബർ 27നാണ് അനൂപ് വിവാഹിതനാവുന്നത്. ഷമയുടേത് പുനർവിവാഹമായിരുന്നു. സമൂഹത്തിന്റെ കാഴ്ചപ്പാടുകളെ വെല്ലുവിളിച്ചു കൊണ്ടാണ് അനൂപും ഷമയും ജീവിതത്തിൽ ഒന്നിച്ചത്. വിവാഹവാർഷിക ദിനത്തിൽ അനൂപ് ഭാര്യക്കായി ഒരു കുറിപ്പ് പങ്കിടുന്നു

വിവാഹശേഷമാണ് അനൂപ് മേനോൻ സംവിധായകനും ഗാനരചയിതാവുമായി മാറിയത്. എല്ലാത്തിനും ഒപ്പം ഷമയുമുണ്ട്. 'ഊഷ്മളമായ വാർഷിക ആശംസകൾക്ക് എല്ലാവർക്കും നന്ദി.. എന്റെ വമ്പൻ മണ്ടത്തരങ്ങളും ക്ഷമിക്കാൻ സാധിക്കാത്ത ഭ്രാന്തും സഹിച്ചതിന് നന്ദി, പ്രിയേ... (തുടർന്ന് വായിക്കുക)

ആമിയെ പോലൊരു മകളെ തന്നതിനും, എന്റെ അച്ഛനമ്മമാർക്ക് നല്ല മരുമകളായതിനും, നമ്മൾ പുറപ്പെട്ട എണ്ണമറ്റ യാത്രകളിലെ എന്റെ ഏറ്റവും സാഹസികയായ സഹയാത്രികയായതിനും, നിന്റെ സുന്ദരമായ മനസ്സിനും.. ഏറ്റവും പ്രധാനമായി എന്നെ ഞാൻ ആകാൻ അനുവദിച്ചതിനും..... സ്നേഹം.. അനൂപ് മേനോൻ ഫേസ്ബുക്ക് പോസ്റ്റിലെഴുതി

ഈ വർഷം അനൂപ് മേനോന്റെ മൂന്നു ചിത്രങ്ങൾ റിലീസ് ചെയ്തിരുന്നു. പത്മ, വരാൽ, കിംഗ് ഫിഷ് തുടങ്ങിയ ചിത്രങ്ങളാണത്. ഇതിൽ പത്മ, കിംഗ് ഫിഷ് സിനിമകളുടെ സംവിധായകനും അനൂപ് മേനോൻ തന്നെയായിരുന്നു

ഈ വർഷം പുറത്തിറങ്ങിയ ഏഴു ചിത്രങ്ങളിൽ, 21 ഗ്രാംസ് എന്ന സിനിമയിലെ പ്രകടനം ഏറെ ശ്രദ്ധിക്കപ്പെട്ടിരുന്നു. 'ഒരു നാല്പതുകാരന്റെ ഇരുപത്തൊന്നുകാരി' എന്ന സിനിമ വരാനിരിക്കുന്നു. പ്രിയ വാര്യരാണ് ഇതിലെ നായിക

നിയമ ബിരുദധാരിയായ അനൂപ് മേനോൻ ഒന്നാം റാങ്കോടെയാണ് തിരുവനന്തപുരം ലോ കോളേജിൽ നിന്നും പഠനം പൂർത്തിയാക്കിയത്