Apoorva Bose | എള്ളോളം തരി പൊന്നും തഞ്ചാവൂര് പട്ടുമെന്തിന്? നടി അപൂർവ ബോസ് വിവാഹിതയായി

ആർഭാടങ്ങൾ ഏതുമില്ലാതെ നടി അപൂർവ ബോസും (Apoorva Bose) ധിമൻ തലപത്രയും വിവാഹിതരായി. കൊച്ചിയിൽ വച്ച് രജിസ്റ്റർ മാരേജ് ആയിരുന്നു നടത്തിയത്. കുറച്ചു മാസങ്ങൾക്കു മുൻപ് ഇവരുടെ വിവാഹ നിശ്ചയം കഴിഞ്ഞിരുന്നു. അടുത്ത ബന്ധുക്കളും സുഹൃത്തുക്കളുമാണ് വിവാഹത്തിന് പങ്കെടുത്തത്. മലയാള സിനിമയിലെ യുവനടിമാരിൽ ഒരാളായ അപൂർവ 2010ൽ ആണ് സിനിമയിൽ അരങ്ങേറ്റം കുറിച്ചത്

ഏറെ നാളുകളായുള്ള സുഹൃത്താണ് ധിമൻ. സൗഹൃദം വീട്ടിൽ അറിയിച്ച് വിവാഹത്തിലെത്തുകയായിരുന്നു. ഒന്നിച്ചുള്ള ചിത്രങ്ങളും കുടുംബ വിശേഷവും അപൂർവ ഇടയ്ക്കിടെ പോസ്റ്റ് ചെയ്തിരുന്നു (തുടർന്ന് വായിക്കുക)

അടുത്ത ബന്ധുക്കളും സുഹൃത്തുക്കളും വിവാഹ ചടങ്ങിൽ പങ്കെടുത്തു. രജിസ്റ്ററിൽ ഒപ്പു വച്ച് ഇരുവരും ജീവിതത്തിൽ ഒന്നിക്കുകയായിരുന്നു

2010ൽ പുറത്തിറങ്ങിയ, വിനീത് ശ്രീനിവാസൻ സംവിധാനം ചെയ്ത്, നിവിൻ പോളി, ഭഗത് മാനുവൽ, അജു വർഗീസ്, ഹരികൃഷ്ണൻ, നെടുമുടി വേണു തുടങ്ങിയ അഭിനേതാക്കൾ വേഷമിട്ട ‘മലർവാടി ആർട്‌സ് ക്ലബ്’ എന്ന ചിത്രത്തിലൂടെയാണ് അപൂർവ ബോസ് മലയാള സിനിമയിൽ അരങ്ങേറ്റം കുറിച്ചത്

രേവതി എന്ന കഥാപാത്രത്തെ അവതരിപ്പിച്ച അപൂർവ ബോസ് പ്രേക്ഷകരിൽ നിന്ന് വളരെയധികം അംഗീകാരം നേടി

'പ്രണയം', 'പത്മശ്രീ ഭരത് ഡോ. സരോജ് കുമാർ', 'പൈസ പൈസ', 'പകിട' തുടങ്ങിയ സിനിമകളും ശ്രദ്ധനേടി

ശ്യാമപ്രസാദ് സംവിധാനം ചെയ്ത നിവിൻ പോളി നായകനായ 'ഹേയ് ജൂഡ്' അപൂർവ ബോസ് ഏറ്റവും അടുത്തു അഭിനയിച്ച് ശ്രദ്ധേയയായ സിനിമയാണ്

'തട്ടത്തിൻ മറയത്ത്' സിനിമയിൽ ഇഷ തൽവാറിന് ശബ്ദം നൽകിയത് അപൂർവയാണ്

വിവാഹ ശേഷം ബന്ധുക്കൾക്കും സുഹൃത്തുക്കൾക്കുമൊപ്പം ഫോട്ടോഷൂട്ടും ഉണ്ടായിരുന്നു

എത്തിച്ചേരാൻ കഴിയാത്തവർക്ക് വീഡിയോ കാൾ വഴി കല്യാണം കാണാനും സൗകര്യമുണ്ടായി

അപൂർവ ബോസിന്റെ വിവാഹം മൊബൈൽ ക്യാമറയിൽ പകർത്തുന്നവർ

വിവാഹശേഷം കൈകൾ കോർത്തു പിടിച്ച അപൂർവയും ഭർത്താവും