Apoorva Bose | വിവാഹദിവസം വധുവിന്റെ വസ്ത്രം ഇസ്തിരിയിട്ടു കൊടുത്ത വരൻ; അപൂർവ ബോസ് വിവാഹദിനത്തെക്കുറിച്ച്

നടി അപൂർവ ബോസിന്റെ (Apoorva Bose) വിവാഹം എങ്ങും ചർച്ചയായിരുന്നു. പൊന്നും പണ്ടവും നിറഞ്ഞ സ്ഥിരം കല്യാണങ്ങൾക്ക് ഒരു വെല്ലുവിളിയായിരുന്നു അപൂർവയുടെയും അന്യനാട്ടുകാരനായ ധിമൻ തലപത്രയുടെയും വിവാഹം. രജിസ്റ്റർ വിവാഹമാണ് ഇവർ തിരഞ്ഞെടുത്തത്. വേണ്ടപ്പെട്ടവർ മാത്രം ഒപ്പം കൂടുകയും ചെയ്തു. ഇതിന്റെ കാരണവും അപൂർവ വ്യക്തമാക്കുകയുണ്ടായി

ഇരുകൂട്ടരുടെയും കുടുംബങ്ങളിൽ ചിലർക്കുണ്ടായ ആരോഗ്യപ്രശ്നങ്ങളാണ് എടുപിടി എന്ന് വിവാഹം നടത്താൻ കരണമായതത്രെ. ഇൻസ്റ്റഗ്രാം ചോദ്യോത്തര വേളയിലായിരുന്നു അപൂർവയുടെ വെളിപ്പെടുത്തൽ. വിവാഹ ദിനവും വേറിട്ടതായിരുന്നു. അതേക്കുറിച്ചും അപൂർവ വിശദീകരിക്കുന്നു (തുടർന്ന് വായിക്കുക)

ലിവിങ് ടുഗദറിനെ കുറിച്ച് അഭിപ്രായം ചോദിച്ചപ്പോൾ, 'ലിറ്റ്മസ് ടെസ്റ്റ് പാസായി' എന്നാണ് അപൂർവ നൽകിയ മറുപടി. എന്തായാലും അപൂർവക്കും ധിമനും ജീവിതത്തിലെ മറ്റൊരു ദിവസം എന്ന നിലയിലായിരുന്നു അവരുടെ വിവാഹദിനം

എല്ലാം സാധാരണയായി മാത്രമേ തോന്നിയുള്ളൂ എന്ന് അപൂർവ. കല്യാണ വേദിയിലെ സ്ഥിരം കണ്ണീർ ഇല്ല. ഒരു വലിയ കുടുംബമായി മാറിയതിന്റെ സന്തോഷം മാത്രം

ആ ദിവസം തുടങ്ങിയത് ധിമൻ അപൂർവയുടെ വസ്ത്രം ഇസ്തിരി ഇട്ടുകൊണ്ടാണ്. മറ്റാരും ആ ജോലി ഇതിലും നന്നായി ചെയ്യില്ല എന്ന് അപൂർവ. ശേഷം ഇരുവരും ഡ്രൈവ് ചെയ്ത് രജിസ്ട്രി വരെ പോയി

'മലർവാടി ആർട്സ് ക്ലബ്' എന്ന സിനിമയിലൂടെ അഭിനയരംഗത്ത് കടന്നുവന്ന നടിയാണ് അപൂർവ ബോസ്. ശേഷം ഡബ്ബിങ് ആർട്ടിസ്റ് എന്ന നിലയിൽ ഇഷ തൽവാറിന് 'തട്ടത്തിൻ മറയത്ത്' സിനിമയിൽ ശബ്ദം നൽകി

അപൂർവയുടെയും ഭർത്താവിന്റെയും വേണ്ടപ്പെട്ടവർ മാത്രം പങ്കെടുത്ത ചടങ്ങായിരുന്നു ഇത്. ശേഷം ഇരുവരും ക്ഷേത്ര ദർശനം നടത്തുകയും ചെയ്‌തു